انا ثانية ثانوى شعبة ادبى بس عندى مشكلة ان معظم الناس بتتعامل مع اللى فى ادبى على انهم مش بيدرسوا حاجة …وكل ما اجى اكتب استمارة الثانوية العامة بحس انى لو مكتبتش علمى هبقى بعمل جريمة وفى نفس الوقت فاضل 3 شهور عالامتحانات وكل المدرسين بيقولولى مش هتلحقى تدرسى الكيمياء فيهم.
مبقتش عارفة اكمل ادبى ولا احول علمى واخد كيمياء او اخد احياء ولا اعمل ايه..ولانى من اسكندرية بابايا مش موافق انى ادخل اعلام او اقتصاد زى ما انا عايزة علشان فى القاهرة فلو كملت ادبى هضطر ادخل اى كلية …مش عارفة اعمل ايه …هيحصلى حاجة من التفكير دماغى مش بترتاح بسبب الموضوع ده
