مشاكل الخطوبة

مترددة باختيار العريس المناسب بعد الخطوبة الاولى

اضيف بتاريخ: Friday, September 2nd, 2011 في 09:59

كلمات مشاكل وحلول: الخطوبة, مشاكل البنات, مشاكل الخطوبة

9 رد to “مترددة باختيار العريس المناسب بعد الخطوبة الاولى”

1. ميار المصرية

   

   16/09/2011 at 02:42

   بقولك اية انسية خالص وشوفى حالك هو اساسا شكله ماكنش بيحبك عشان هو من الاول عارف انو ماينفعش يتجوزك عشان الفرق البينكم بصى وافقى على العريس دا وسيبك منه وشوفى حياتك وعمتا يعنى مفيش حد يستاهل وربنا يوفقك يارب
2. جنه

   

   12/09/2011 at 04:21

   مشكلتى نفس مشكلتك دلوقتى خطيبى فسخ الخطوبه وعاش حياته على الأخر واكتشفت انه أرتبط بعد اقل من شهر من فسخ خطوبتنا بالرغم من انه كان بيقولى انه لايمكن يجوز بعدى لو حصل حاجه لقدر الله واتفسخت الخطوبه …. واهو اتفسخت الخطوبه وارتبط بعد اقل من شهر وكنت عشانه معاديه اهلى ومكنش مقدر ده بالعكس كان ضاعط عليا ، صدقينى الراجل لما بيبقى شارى مفيش حاجه فى الدنيا بتقف قصاده او تمنعه اللى دلوقتى معاه بيحارب عشانها هو اهله … شوفتى الفرق … عشان كده بقولك متسبيش الوقت يسرقك وأدى الفرصه لحد سأل عنك واهتم بيكى … والفرصه دلوقتى ادامك انك تختارى بعقلك جدا..وتركنى شويه حكم الهوى وسامحينى ده مش هقولك حتى حكم القلب لانه لو قلبك القلب ممكن يرتاح لحد فيكمل لكن الهوى النفس وامنياتها هو اللى بيمنع ، معلش اذاكان كلامى قاسى عليكى شويه سامحينى بس انا مش عايزاكى تبقى زى كل شويه افتكر واقول كان ليه ده كله ومين السبب … والوقت يضيع فى حاجه ربنا حكم انها خلاص مش نصيبى … عيشى حياتك وادى فرصه للفرحه تدخل قلبك … كفايه حزن وهم ..وربنا يارب يجعلك نصيب فى الفرح يارب ونفرح بيكى انشاء الله .
3. الحب الحائر

   

   09/09/2011 at 01:53

   اول حاجة متندميش على راجل زى دة .دة لو كان رجل بجد للان موقف الرجولة بعد السنين دى كلها يجبرة انة يقف قدام اهلة حتى عشانك لانك تستاهلى منة اكتر من كدة بكتير وانتى وقتها تقدرى تحببى اهلة فيكى لكن حصل خير انك خلعتنى منة لانة مش من الرجالة الى تقف فالمواقف بجد انتى من جواكى مجروحة اوى جرح صعب يطيب بسهولة بس سيبى نفسك للايام تداوى الجرح دة وادى فرصة لانسان مصمم عليكى انة يديكى حبة بس فكرى بعقلك قبل قلبك وان كان مناسب فعلا توكلى على ربنا انك تقبلية بس متتسرعيش فلبس الدبل عشان لو مش كويس او مش حباة متتحسبش عليكى خطوبة تانية مفسوخة خليها قراية فاتحة لغاية متحسى عالاقل بدقة قلب وارتياح حقيقى وربنا يوفقك مع ابن الحلال
4. ليلة

   

   03/09/2011 at 00:27

   بوصي يا قمر انتي لازم تتأني في اختيار شريك حياتك وبعدين لازم تصلي صلاة استخارة الاول وتشوفي ربنا هيبينلك ايه و مش عايزاكي تقولي علي حد انك مش حساه الا لما تعرفية الاول وكوني متاكدة لو ليكي نصيب معاه هتشوفيه ولو ليكي نصيب مع غيره برده هتشوفيه وربنا يوفقك ونسمع عنك اخبار كويسه وبعدين عايزه اقولك شخص كويس وشكلة مقبول وهيقدر يعيشك يبقي ما فيش مشكله وتوكلي علي الله وافرحي وربنا يتمملك علي خير ….امين
5. HanyMoh

   

   02/09/2011 at 23:02

   حمدا لله على كل شيء..

   وحمدا لله أنك لم ترتبطي بهذا الأول لأنه ليس برجل كما يجب أن يكون..

   فليس للمستوى المادي ولا الاجتماعي تأثيرا على الشخص بالنسبة للعاقل..

   أما ما عليك ألا تفكري فيه،، وتقطعي معه تلك العلاقة التي انتهت بشكل كامل وأن تفكري بعقلانية في الشخص الجديد،، من الناحية الدينية والثقافية وأيضا المادية والاجتماعية ولكن دون تكلف وأيضا أن يكون مقبول الشكل بالنسبة لك..

   والأهم عندك هو الدين والخلق..
6. نودى

   

   02/09/2011 at 21:39

   اديله فرصته انتى بتقولى انك متعرفوش وده داخل البيت من بابه يعنى ممكن تعملوا قرايه فتحه كام شهر لحد متشوفى انتى هترتاحى معاه ولا لا متظلموش واستنى لما تعرفيه وبعدين احكمى يمكن يكون حد كويس وربنا عوض صبرك خير
7. مرمر

   

   02/09/2011 at 21:02

   انصحك انك تسيبى و تفكرى فى حياتك و الانسان اللى انت اخترتيه ما كان يستاهلك بس اللى مستغرباله انت تعرفيه طول المدة دى و ما حصل انكوا اتكلمتوا فى حياتك المستقبلية اكيد طبعا لا اتكلمتوا و من خلال الكلام كنت اكيد هتعرفى هو هيعمل معاكى ايه و ناويين انتوا الاتنين تعملوا ايه المهم سيبك منه خالص ده ما يستاهلك شوفى عريسك اللى جايلك و احكمى عليه بالعقل و اتقلابى من والدتك جدا و والدك علشان يعرفوا يحكموا عليه و سيبى لنفسك فرصة مرة و انتين و عشرة قبل ما تتم اى حاجة و لو ليكى نصيب فيه هيجى لحد عندك و ربنا يرزقك بالزوج الصالح و ربنا يوفقك انشاء الله
8. نغم الحياة

   

   02/09/2011 at 14:26

   اختي العزيزة انا مريت بنفس تجربتك بل اشد قسوة منك كنت محطوبة 7سنوات واستنيت خطيبي لغاية ميكون نفسه في الدول الاروبية وفي الاخر اجوز من غير علمي وهوه خطبني ورغم كده كان متمسك بيه وسبته فورا وعشت صدمت عمري وقررت مع نفسي اني اكمل دراسات عليا ومفكرش في الجواز لكن النصيب غلاب بضغت من اهلي وفي النهاية بعد اقتناع وافقت بأنسان ربنا عوضني بيه مكنتش احلم بيه تدينه واخلاقه ومركزه ووسامته وفوق كل ده اهله ووافقت عليه واختارته بعقلي مش بقلبي لأني كنت لسة مجروحه من خطيبي الاولاني واشترطت معاه اني اطول الخطوبه وهوه كان عارف قصتي وحزني وكان مصمم انه يخرجني من حزني وفعلا حبيته لأنه استحملني كتيييير وكان موافقتي علية بعد صلاة الاستخارة وتقربي من ربنا ودعائي في كل ادان وقيام الليل لأني كنت خايفة وخارجة من تجربة دلوقتي انا بحمد ربنا علي الانسان ده انا بحكيلك قصتي علشان اعرفك ان الحياة مش بتقف علي انسان واحد ويمكن ربنا عمل كده معاكي علشان ربنا بيحبك ومقدرلك الخير مع انسان تاني وبعدين في مقولة بتقول متحولش الوصول لأنسان مش عاوز يوصل ليك وده اتخلي عنكي بسهولة صدقيني الحياة جميلة بس لو عشنا ها صح بأننا نطرد الافكار السلبية ال هضمر حياتنا وبعدين الانسان ال يستهلك فعلا هوه ال يخبت عليكم باب بيتكم ويكون شاريكي هوه ده فعلا الحب الحقيقي ال هيعيش بس يكون بشروط اوله التدين يعيشك ملكة في الدنيا ويدخلك الجنة وبعدين الجواز التقليدي انجح من الجواز عن حب ربنا يوفقك ويزيل عنك الكرب
9. زوزة

   

   02/09/2011 at 14:08

   بصي متعمليش حاجه غصب عنك لو انتي مش حاساه فعلا خلاص ارفضيه لان ده جواز مش لعبه وبعدين انتي لسه صغيره والحاجات دي نصيب بس عالله ميكنش الرفض ده لانك لسه بتفكري فاللي حبيتيه 8 سنين لانه ميستهلكيش