انا بنت عندى 25 سنة ومخطوبة والحمدللة شكلى كويس ومقبولة جداا بس مشكلتى ان اذني كبيرة ودى مسببة لية احراج مع خطيبى ومع اى حد يعنى عالطول حطة الاشارب على راسى عشان محدش يشوفها بس مش عارفة اعمل اى انا عارفة انها خلقة ربنا بس مكسوفة اوى منها وبالرغم من كدة انا امورة وشكلى حلو بس لما بلبس الاشارب بس هو دلوقتى شايفنى امورة عشان بالتحجيبة طب بعد جواز هعمل اى
اسمعي في استشاري بجده بسعوديه استشاري تجميل وجه وللاذن وهواخترع ابرة للاذن بارزه يسويلكياها بطريقه احترافيه والله ومشهور هوببرنامج يجي واليوتيوب اسمه عبدالكريم فدا اكتبي كذا باليوتيوب وشوفيه يعمل عمليات كثيرة وناجحه
عزيزتي دي خلقة الله لعباده فعلينا بالرضا بها والتعايش معها ونعرف ان الكمال لله وحده عزوجل وكلنا فينا عيوب وانتي والحمدالله زي القمر وامورة جميلة ودام انو بيحبك ويموت فيك فعمره مايفكر انو يزعل منك اويظايق من الحاجة دي اهم الشي في العلاقة الحب الكبير والتفاهم والودوالاحترام بينكم مراتي ست جميلة جدا وكانت مصابة منذاالصغر بمشكلة في احدي عيونها واحدة سليمة والتانية منكمشة وداخلة على جوه ولكنني احجها واموت فيها وذهبنا للكثير من الاطباء واخبرونا بانه لاامل من اصلاح العين دي وانها لاعادينفع معها عمليات تجميل ولاحاجة ورضينا بالامر الواقع وعايشين في منتهى السعادة والاستقرار في حياتنا الزوجية دام فيه حب واخلاص وتقدير واحترام ده هوالاساس والمطلوب في العلاقة الزوجية بين الاثنين والله يوفقكم ويسعدكم
عارفه… عندى نفس المشكله بالضبط … بس حاولت اعرف رد الفعل لما حد يشوفنى كده ولقيت صحابى مشافوش اى حاجه ملفته الا لما سالتهم بعدها..لانى كنت قصه شعرى بحيث تدارى اذنى وفى نفس الوقت طهرت جمالى اكتر حاولى تدورى ع اى حل وهينفع ع فكره
طيب منا كمان دانى كبيرة واخوية دانة كبيرة والصراحة انا ياما اصحابى فى المدرسة استهزاو بية واكيد كنت بزعل وكان نفسى فى علاج ولسة برضو بفكر صحيح هية دية خلقة ربنا مقلناش حاجة ونعم باللة بس برضو الواحد نفسو فى حل علشان يكون منظرو حلو دة لو فى علاج اما لو مفيش خلاص يعنى نعمة والحمد للة رضا
صرحية وقليلة خلقة ربنا كدة وعلى فكرة حيحبك انا عندى واحدة قربتى ازنها كبيرة قالت لخطبها حبها اكتر وهى دلوقتى اجوزت وعقبالك عندها ولدين
الحاجة اللى لازم تعرفيها انه كل واحد فى الدنيا دى فيه عيب لأن الكمال لله وحده واحمدى ربك على انك امورة اذا كان على اذنك كبيرةدى مش مشكلة ولا حاجة امال الناس اللى ربنا اداهم اذن واخد منهم نعمة السمع يعملوا ايه ؟؟؟؟؟؟؟؟؟؟؟؟؟؟
بصراحه انا نفس المشكله واحاول ان اغطي راسي دايم لان اذني كبيره ومافيش حل غير العمليه طبعا والعمليه جدا سهله وغير مكلفه وليس لها اي ضرر وبالله التوفيق
متخليهاش مشكلة عادى يعنى وغيرى تسريحة شعرك كل شوية مترفعيش شعرك ع طول وممكن انتى بس تكونى حاسة كدة بصى برضو للحاجات الحلوة
سلام على الجميع. أكيد كل واحد فينا عندو مشكل ، عادي حبيبتي، الكمال لله . حبيبتي أكيد أنت فيك حاجة جميلة جذبت إليك خطيبك.شخصيتك ،عقلك، جمالك…، لكن إذا فكرنا شوي سنجد أن هته المشاكل هينة. فالله سبحانه وتعالى عادل. لأنه رزق هذا بالمال لكن ،أخذ منه راحة البال، رزق هذه الجمال و أخذ منها الصحة . رزق هذا الصحة،لكن ابتلاه بالفقر ….وهكذا .عزيزتي الأمثلة عديدة. لكن ما يجب علينا هو إعطاء المشاكل حجمها . ولا نكبرها. حاولي عزيزتي أن تنظري لمن هو دونك. مجتمعنا أصلا أصبح يستحق للعلاج النفسي. لا تحاولي أن تظهري لخطيبك أنك تعانين نقصا . بل تعاملي مع الوضع طبيعيا . إياك أن تفعلي عملية جراحية . أنت جميلة وعااااااادية . ارضي بما قسمه الله لك . وقولي دائما اللهم ارزقنا التقى والعفاف و الغنى. ولا تتركي مجالا لوساويس إبليس وجنوده من الإنس. وكوني على ثقة بنفسك وبالله. وقوي صلتك بالخالق. واعطي زوجك حقوقه الكااملة ، والله يثبتك على عفافك.
اولا الحمد لله علي نعمة الصحة تانيا انا ليا واحدة صاحبتي زيك و كانت مش راضية تقلع الحجاب قدامنا و لما قلعته لقيت شكلها كلها عسول و لذيذ و محدش ضحك ولا حاجة و انا كمان عندي في اسناني سنة مكسورة حتة من قدام و كنت بفكر اعالجها و لقيت الشاب الي هيخطبني بيقولي من نفسة ان هي جميلة جدا و مخلية شكلك زي الاطفال . نصيحة خلي خطيبك يشوفهابطريقة غير مباشرةاو صورة و انتي صغيرة و ان شاء الله هو اللي هيخلي ثقتك في نفسك تزيد ان شاء الله .
انا كانت ودن ليا كبيرة عن ودن وروحت للدكتور وقالي نام علي الودن دي علي طول وهي هتدخل لجوا وهتنكمش اول ماتدخل لجوا ؟ وشكرا
يابنتى فرصة يلاقى حاجة يداعبك منها انت عملاها مشكلة ليه وأنصحك تجرببى تخليه يشوف ودنك بطريقة عفوية يعنى اتركيها خارج الاشارب وشوفى حيعلق عليها ولالأ وانا متأكد ان عقدة ودنك حتتفك
فى عمليه تجميل لتصغير الانف اكيد هيكون فى عمليه تجميل لتصغير الاذن
لا تكبرى الموضوع لاهية اعاقة ولا تشوية صارحية اولا علشان ترتاحى نفسيا
وان
بتقولى شكلك امورة ؟ طيب فين المشكله ؟اذنك كبيرة وايه يعنى هو فيه حد فينا كامل لو بصيتى لاى حد حتلاقى فيه عيب ياما نساء شكلهم كله عيوب ومتزوجين رجال فى قمه الوسامه ولو سالتى ازواجهم عن عيوب زوجاتهم يقولوا لم نرى فيها اى عيب عارفه ليه لان مرايه الحب عمياء وخرساء وطرشه والمحب دائما يتعلق بنفس وشخصيه حبيه وليس شكله الخارجى فقط
بعد الجواز هيشوفك بردو اموره عشان اللى بيحب حد بيحب كل حاجه فيه والشكل عمره ماكان مهم قد الصفات الحلوه اللى ممكن تظهريها فيكى ماتحطيش فى بالك حاجه صغيره زى دى وتخليها تدايقك وتفكرى فيها اكتر من اللازم وخليكى دايما واثقه فى نفسك وشايفه نفسك احلى واحده فى الدنيا وبعدين مين قالك مش يمكن خطيب لما تتجوزوا يشوف ودانك كده حلوه جدا وكمان يحبها
ربنا يوفقك ويتممكلك على خير يارب