انا عندى 28 سنه .. اتجوزت من 7 سنين … منهم اخر سنه منفصله عن زوجى … و عندى ولد و بنت … انفصلت عنه بعد ما تعبت و فقدت الامل انه يتغير و اتعرضت للأهانه و البهدله بسبب سلبيته و حبه لنفسه … كان شخص عديم المسئوليه و أنانى … فضلت واقفه جامبه طول ال 6 سنوات و بعت كل شئ أملكه علشانه و اتحملت البهدله .. و هو قاعد في البيت من غير شغل فتره كبيره … و اتحملت كذبه و اهماله لينا … لحد ما كرهته .. و علمنى ازاى اكره حد … حتى صوته مش بطيق اسمعه … و انفصلت عنه لاكن منغير طلاق … و من شهر اتعرفت على شاب 30 سنه مجتهد و من عيله محترمه … و حصل انه سألنى عن ظروفى و حكيتها بكل صراحه … و عن انى فعلا تعبت و مش قادرة على مسئوليه و مصاريف الولاد لوحدى .. و محتاجه احس بالأمان زى كل ست … ابتعد فتره و بعدها لقيته بيعرض عليا الزواج و انه هيبقي سعيد بيه انا و الولاد … بصراحه فرحت جدا و كأنى لقيت طوق نجاه … رحت لأهلى و قولتلهم طلقونى رسمى انا تعبت .. قلولى جوزك كان لسه هنا و مصمم يرجع و انه اتغير وبقي يصلى و هيحس بالمسئوليه رفضت بشده و فكره رجوعو تانى في حياتى سببتلى اكتئاب حقيقي …. انا مش عاوزه ارجع معاه تانى لانى كرهته بكل معنى في الكلمة … و أهلى صممو على رجوعه … مش عارفه اعمل ايه … مش عارفه اضغط على نفسي و اتحمله تانى علشان ولادى … و الشاب الى طلب منى الزواج على اتم الاستعداد انه يقابل والدى و انه يتدخل و انا الى منعته .. و هو ملتزم دينيا زى ما انا كنت بحلم و و من اول وعوده ليه اانا هنحج مع بعض … ارجوكو قولولى اعمل ايه … انا خايفه على ولادى و مش عارفه اتصرف
شوفي يابنتي لوزوجك تغير حاله وتاكدت من ذلك بنفسك واهلك واثقين من هذاالشي فالافضل ان ترجعي له من اجل اولادك واعطيه فرصة اخيرة ولوماحصل بعد ذلك اي شي والراجل زي ماهو ماتغير فيه شي وحياتكم بقت مشاكل ونكد في نكد اطلبي الطلاق وماحدش حيلومك بعدكدا
السلام عليكم – ازيك يا قمر ربنا يكون فى عونك يارب – بصى يا جميل انا عايشة نفس قصتك بالظبط بس هو بيشتغل الفرق بقى ان شغله واخده مننا جدا ولا بيهتم بنفسه ولا بمظهره غير فى الخروج بييجى بس للنوم عمره ما اخد يوم اجازة ولا حتى فى اى مناسبة فى الدنيا وبييجى متاخر واكبر منى ب22 سنة وعمره ما يبتسم فى وشى الا لما يكون عاوز حاجة وروتينى فى كل حاجة عمره ما حسسنى انى مراتوا واقرب حد ليه دايما فى مشاكل بسبب الحجات دى وبقاله 3 سنين ماسك على القرش جدا وبقى بخيل جدا وفاضحنى قدام اهلى فى كل حاجة وميشرفش ويطلع منه اى عيبة عشان كدة مبحترموش وانا عارفة ان الرجل لو نزل من عين مراتوا استحاله تحترمه تانى خصوصا لما يكون انانى ومش مقدر الست اللى معاه وانها متلاقيش التقدير ولا الاحترام غير من اشخاص اخرين اغراب بالرغم اقسم بالله انى عملت اللى ممكن اى حد يتخيلوا عشان البيت يستقر وميتهدمش دايما مهتمة بمظهرى وبشياكتى فى البيت وبرا البيت من كلام رومانسى لشموع وموسيقى هادية ونظافة البيت والاولاد ونضافتى الشخصية جدا لابعد الحدود اتكلمت ملايين المرات بطريقة نقاشية ايه اللى ممكن يدايقك منى مفيش رد لانه مش لاقى حاجة يتكلم عليها عمره ما طلبنى ورفضت او اتعذرت عشان حرام ولانه سعات بال3 شهور عما يحصل حاجة بيننا وبالرغم من كدة استحملت كتير قوى عشان ولادى وبيتى وكنت بحاول اتغير فى اى حاجة ممكن تدايقه عشان اللى بيطلب حقه لازم يعرف حقوق غيره لكن يا اختى بودن اى جدوى او نتيجة طلبت الطلاق كتير محدش كان بيقف جمبى ولا بيحس بيا لحد ما رفعت قضية خلع ونفقة ورافض يطلق او يصرف على الولاد الا فى حالة الرجوع وانا طاقتى نفذت معاه معدش عندى اى حب او احترام ليه وصممت على راى واهلى مفيش حد واقف جمبى فيهم دلوقتى غير امى لاول مره عشان تعبت هى كمان انا اسفى انى قلت كل فى مشكلتك لكن كل اللى قلته عشان اقولك متخافيش وخلى قلبك دايما مع الله وصدقينى اوعى اوعى تثقى فى راجل يقولك بحبك وبموت فيكى وولادك فى عينى وعمرى ما هتخلى عنك صدقينى كله كدب واستغلال لوضعك وبعد ما تقعى فى شباكه لانك فى اشد الحاجة انك تسمعى كلمة حلوة او تحسى بالحب -هى دى نقطة ضعفك اللى هيستغلها اى قذر لا يخاف الرحمن اوعى احتياجك للحب يفقدك رضا ربنا عليكى ويفقدك نفسك واحترامك ليها لو طاقتك نفذت مع جوزك اعملى اى حاجة عشان تتطلقى لو فعلا مش هتقدرى تستحملى لكن اوعى يا اختى تخسرى نفسك وتغضبى ربنا عشان اى حد لما تكونى حرة استنى الراجل اللى يشتريكى بنفسه وعيشى معاه غير كدة صدقينى هتندمى حتى على لحظة الحب المزيفة اللى ممكن تعشيها مع شخص كداب بيلعب بيكى وبس ربنا معاكى انتى وكل مظلوم يارب
اختى استعينى بالله واستغفرى الله كثيرا وصلى على الحبيب المصطفى كثير واعلمى ان بعد العسر يسرا اعطى زوجك فرصة اخيرة من اجل اولادك والله المستعان
اولادك اهم وعمر ما اى راجل تانى هيتحملهم زى ابوهم بس لو شايفة الحياة مستحيله بينكم لازم استعينى بالله يرشدك للصواب صلى واستخيرى الله وحاولى انك ترضى اهلك لانهم هما اللى هيربوا اولادك لما تجوزى
من شب على شيء شاب عليه لن يتغير عيشي حياتك كما تريدين انتي واستخيري وفكري في الشاب الثاني جيدا الم يكن زوجك لطيفا مثله قبل الزواج كل الرجال مثل بعض.اما عني انا تزوجت مند شهرين وانا نادمة لا احب الجنس ولا الرجال.كانت فكرتي عن الزواج شيء واصبحت شيئا اخر.
الأخت العزيزة…. الأولوية لزوجك و فكري في اولادك…. لو زوجك انصلح حاله يبقي ان شاء الله ربنا هيكرمكم و تبقي كويسيين…. تقربي من الله و داومي علي الصلاة و الاستغفار و ان شاء الله الحل من عند ربنا
و تذكري الحديث القدسي أن الله تعالى يقـول : لا إله إلا أنا ، من لم يصبـر على بـلائي ، ولـم يرض بقضائي ، فليتخذ ربا سواي
الفرج قريب بإذن الله
انتى قلبك مال و ده واضح … لو فقدتى الثقه في زوجك فعلا … و الحياه مستحيله … يبقي لو قررتى تسبيه يبقي مش علشان حد تانى … و بعد كده سيبي كل شئ للنصيب .. ربنا يعملك الى فيه الخير ليكى