انا مخطوبه قريب لكن هو عصبى جدا وكل موقف يحصل بينا يتعصب جدا ويكون الموقف لايستحق كل ده وانا لما هو بيتعصب بحاول اهديه واتكلم معاه لكن هو بيكون قليل الكلام ولما نزعل مع بعض سواء هو ال زعلنى او انا انا ال بتصل عليه وبصالحه على الرغم انا مش بكون غلطانه حد يساعدنى بالرد بسرعه ضرورى لانى مش عارفه اتصرف ازاى او اغمل ايه ومش هينفع اتكلم مع اى حد من البيت لانى انا اتخطبت له بمزاجى ولم يفرض احد رغبته عليا
بصى انا كمان زيك بس بحاول اتأقلم مع الوضع طالما بحبة وعاوزاة ولازم احبة على الوحش والحلو لاننا ممكن من اسلوبنا معاهم يقدروة او يغيرو اسلوبهم مع العلم اننا ممكن نعاملهم بطريقة وحشةلكن اللى بيحب ح بيستحملة وانتى م هتعرفى تاخدى قرار من حد لازم تعملى اللى شيفاة صح لان انتى اللى معشراة م احنا ويارب اجابتى تعجبك وربنا يهديلك خطيبك ويهديكى ليةواحنا وامة بنات المسلمين جميعا يارب
مينفعش الواحدة تصالح خطيبها وهو غلطان
لأن أصلا الراجل المفروض يحتوي المرأة مش هي اللي تحتويه وتطيب بخاطره
من رأيي إن لو عصبيته كبيرة فعلا فلازم تاخدي منه موقف وتناقشيه بصراحة، وتقوليله لما بتعمل كده دلوقت هتعمل ايه فيا بعد الجواز
اوحش صفات لايمكن ان تطاق ف الراجل البخل الكدب والعصبيه هتكرهي نفسك
اا رايي انك حتي لو مش غلطانه تخليكي معاه وتستحملي عصبيته وتسيبيه لما يهدي وبعدين تبقي تعاتبيه او تتكلمي معاه فالموضوع بس اوعي تسيبيه لانه ساعتها هيقول انك مش بتستحمليه وهو متنرفز ومتضايق ولازم تعودي نفسك ع كده وتحاولي تهديه علشان بعد الجواز ان شاء الله هتبقي فوشه فمش هينفع تهربي وتقفلي معاه وان شاء الله ربنا يسعدك ويوفقك
بصى لو انتى مش غلطانة سبية لما هو يتصل ويصالحك لو قعد اسبوع ميكلمكيش متتصليش ولا تسئلى لاكن لو انتى غلطانة طبعا لازمم تتصلى وتتاسفى اما العصبية دى انا خطيبى كدة ممكن لما تلاقية هيبتدى يتنرفز اقفلى وسبية لما يهدى انتى ممكن تكون من وجهة نظرك شايفة ان الموضوع ميستهالش النرفزة بس هو من وجهة نظرة حاجة تانية هو طبع الولاد كدة غريب شوية بس وبعدين لا اهلك ولا اهلة يعرفو عنكو حاجة ولا مبسوطين ولا متخانقين لان فى الاول والاخر انتو هتصفو لبعض لاكن هما مش هيصفو وممكن المشكلة تكبر اكتر دة مش ممكن دة اكيد حاولى تفكرى وتشوفية اية المعاملة اللى تنفع معاه واستعمليها وربنا يوفقك
ربنا معاكى يارب
انا هاقولك اللى يمليه عليا ضميرى بصراحه انا مكنتش هارد عشان ردى مش يضايقك ويمكن مش يعجبك وممكن اى حد يجرحنى بكلمه ويقول انى داخله احردك
بس انا عن تجربه بقولك هتتتعبى اووووى اوووووى وياه وممكن العصبيه دى تخليكى تقربى تكرهيه خصوصا بعد الجواز اسالى نفسك لما دلوقت بيعمل كدا بعد الجواز وانتى فى بيته وملكه هيعمل ايه وهل ممكن تستحملى العصبيه دى لحد امتا؟ ولو جيت على حساب كرامتك هتقدرى تجرحى كرامتك عشانه ؟ وبعد الاجابه دى هتعرفى انك تكملى ولا لا
فى ناس ممكن تقولك عشان شاب وبيجهز وكل الشباب كدا ومعرفش ايه بس والله العظيم انى جوزى كدا ودا ضيع حاجات كتير حلوه جواىا من ناحيته رغم حنيته ورغم انه بيصالحنى كمان بس لازم يكون ليكى مع خطيبك وقفه قويه عشان تعرفى تحددى مصيرك من دلوقت واقولك حاجه ياريت حد كان قالى الكلام دا ولا انا كنت شلت الغمامه اللى على عينى وعلى فكره جوزى كان كدا بعد كتب الكتاب كمان يعنى مبنش اوى غير هنا عشان كدا بقولك انتى على البر وبرغم دا لو مكنتش دخلت كنت هاسيبه لان تغيير طبع الواحد صعب اوووووووووووووووووووووى