انا متزوجة بعد 3 ستين خطوبة منذ 3 اشهر وربنا اكرمني وحامل انا مصرية وزوجي مصري ولكننا نعيش في السعودية بحكم شغله وانا احبه جدا ولكنني مش قادرة اتأقلم مع البلد هنا واهلي وحشاني جداااااااا مش قادرة اعمل اية؟ انزل واعيش في مصر وهو يكون لوحده ولا اعمل اية ؟ارجو النصيحة لاني بمووووت كل يوم فعلا مصر مفيش احسن منها في الدنيا
هو في احسن من العيش في السعودية بلد الامن والامان والاجواء الروحانية في مكة والمدينة افضل من اي شئ في الدنيا انت عايزه حياةاللهو والترفيه والفجور والذهاب للمراقص والكباريهات عشان كدا ودك ماتفارقيش مصر ودي الحقيقة مش عشان جوزك بعيد عنك وبكدا هتخسري جوزك ولافكرتي تعيش في مصر الست تتع جوزها وين مكان ولاايه يابنت الناس لو جوزك تزوج عليك اوخانك لاتلومي الا نفسك ولاعذر لك
واللهى يا حببتى ما حتحسى بالغربة الى ما تبعدى عن جوزك انا اخت زايك متزوجة من ثلاثة اشهر وجوزى سافر من عشرة ايام الى السعودية وحتجنن عن بعده وحاسة انى وحيدة مع انى فى بيت اهلى بس اموت واسافر ليه بس الظروف لسه ومش عارفة اعيش من غير مع انا الثلاثة شهور معظمهم كان مشاكل بس جوزى كان بيحس بيه لما بكون تعابنة وانا حامل دالواتى اصبرى مش حترتحى الى مع جوزك مهم كان اسالينى واللهى انا بكتب ودموعى عماله تنزل ويريت حد يفدنى انا تعبانة جدا معنتش عارفة انام ولا اعيش من غيره
اختي العزيزه انتي مع زوجك جربي ترجعي وتقعدي من غيره شهر هتحسي ان مفيش حاجه في الدنيا تستاهل بعدك عنه …..جوزي مسافر السعوديه مكملش شهر وهتجنن ونفسي اروح له وهو كمان وابني بيسالني فين بابا وبيوجع قلبي لما تخلفي هتحسي بالفرق خليكي جنب جوزك مش هتلاقي في الدنيا حد احن عليكي منه انا لو مكانك مش هسيبه طالما اتجوزتي ودقتي طعم الجواز خلاص مش هينفع تبعدي عن زوجك …………….انا شفت حالات كتير بنات متجوزين وازواجهم مسافرين عارفه اقرب حاجه بيعملوها ايه الخياااااااااااااااانه فكوني بجانبه
بلدك فين ياجاره البلد اللي فيها جوزي
مااقدرش اقول اكتر من كدا
اختى العزيزه انا كنت زيك بالظبط وامر بنفس ظروفك ولكن اتعودت وكمان خلفت ومبقتش لوحدى ف البيت زى الاول والغربه دلؤتى مبقتش مشكلتى حتى لو فى اصحاب او مفيش انتى بأذن الله هتتعودى عليها ف الاول بس صعب ولكن بعد كده هتلاقى السنه بتجرى بسرعه وتنزلى عند اهلك كل سنه عقبال ما تأمنو حياه كريمه ولكن حزارى ان يضيع العمر ويمر ف السنين دى ومتعرفوش تعيشولكم ايام حلوه ف ام الدنيا يعنى لازم تحطو حد معين لسنين الغربه وتحت اى ظرف لازم تنفذوه وبكده هترتاحى وتصبرى نفسك وتقولى فات الكتير ما بقى الا القليل والله ولى التوفيق
يأختى انا عايش زيك هنا فى السعوديه والحمد لله انك مع زوجك بدل ما اتكونى فى بلد وهو فى بلد
ويمكن الشعور دا بسبب انك متغربه عن الاهل وعاده بيكون الاحساس دا عند الجميع فى اول ايام وشهور الغربه
وتمنياتى ليكى بالتوفيق
في بادئ الامر يكون شعورك هذا طبيعي وبعدها اقسم لكي انكي ستتعودين وتحبين العيش في الغربة عن العيش في مصر واقسم لكي ان ما يحدث معكي حدث مع زوجة اخي وبعدها تاقلمت لدرجة ان اخواتها وامها ووالدها يتحايلون عليها ان تنزل اجازة ويتكفلو بكل مصاريف سفرها وعودتها وهي تفضل وجودها بجانب زوجها .
اصبري وستنالين كل ما هو خير لكي باذن الله
ربنا يهديكى حاولى تشغلى نفسك باشياء مفيدة ؟ تحضير حاجة البيبى .. قراءة القرءان والكتب والصلاة وتغير شكل البيت و ايضا مساعدة الفقراء ..وبعد مايجى الطفل هتنشغلى لوحدك لاكن لا تتركى زوجك فهو ايضا مثلك ويحتاج ان تشجعية ولا تكونى كثيرة الشكوى .. فهو فية الا مكفية انتبهى على حالك واهتمى بزوجك ولا تنسى ان تدعى لربك ….. الفقر شئ وحش جدا …
حبيبتى المرأة بعد الجواز بيبقى زوجها و اولادها و اهل زوجها هما حياتها و اهلها حررام تخسرى زوجك الى بيحبك و انتى دلوقتى حامل كمان و بعدين فكرى حتى لو رجعتى اكيد الوالد و الوالدة ليهم حياتهم حتى اخواتك اكيد ليهم حياتهم هتكونى مبسوطه كدا؟
أختى الحبيبة انا مصرية ومقيمة فى الدمام وكنت زيك بالظبط وخصوصا فى فترة الحمل بس لما تنزلى اجازة لمصر حتحسي الفرق انتى حاسة بالاحساس دة علشان لسة جديدة فى السعودية ومتعرفتيش على حد وفترة الحمل كمان بتغيرنا كتير بنبقى عصبيين ومتوترين بس بعد الولادة حتحسى باحساس تانى اصل انا كنت زيك بالظبط ربنا يرجعنا لاهلنا يارب
السلام عليكم * والله شخصيا متفق مع كلام اخونا عابر سبيل واختنا راجية الرحمن * شوفى يااختى حاولى تقرئى كلام اخونا عابر سبيل واختنا راجية الرحمن والله الغربة لها ثمن ولكن الواحد يصبر تصدقى انا اعيش فى بريطانيا والله أكثر من 12 سنة والحياة متوفرة عندى ومسهلة ولكن ايضا احس بالوحدة واقول تونس مافيش مااحسن منها مع العلم اعرف تونس والمشاكل الاقتصادية وووو والله فى نفس الوقت كرهت الغربة وفى نفس الوقت خايف ارجع واستقر موش عارف المهم أقول اصبر واستعين بالله الواحد الاحد حتى أقدر اوفر مبلغ كافى افتح بيه مشروع صغير * ياأختى اثبتى مع زوجكى وقفى جنبه وكونى له السند وكونى له الأخت والزوجة والصديقة وووو ولا تفكرى فقط فى نفسكى وراحتكى انتى ولا تكونى انانية ** الزواج مسؤولية لطرفين وليس لعب عيال على قولة اختنا فو مصر ** وثقى مثل مو انتى كارهة الغربة وحابة بلدك مصر زوجكى نفس الشئ ولكن هو رجل وعنده مسؤولية وعائلة وراه ولازم يوفر لهم لقمة العيش ألا تقدرين ذالك ياأمراة؟ حاولى يااختى اصبرى واثبتى وتذكرى كيف زوجة سيدنا ايوب عليه السلام كيف صبرت مع زوجها حتى الله فرج كربهما * وانتى الأن قريبة من بيت الله سبحانه وتعالى ومسجد رسول الله عليه الصلاة والسلام ادعى الرحمن الله يوفق زوجكى فى كل شئ ويسهل لكم ويرزقكم من ماله الحلال حتى ترجعون لارض الوطن * ثم حاولوا تتعرفون على عائلات مصرية وتبادلوا الزيارات العائلية حتى لا تحسوا بالملل ثم غدا ان شاء الله يأتى الولد او البنت والله راح يملئون عليكى البيت ولو يقدر زوجكى يستدعى زيارة والدتكى لفترة بسيطة وربما هاذا يقلل من اخذ راحتكى الزوجية داخل البيت وايضا اذا زوجكى يقدر ماليا ولا تظغطى عليكى وتنكدى عليه* وحاولى تعملى روتين مختلف مع زوجكى مرة صلوا مع بعض وقرائة القرآن ومرة فسحة خارج البيت فى حديقة هادئة ومرة العبى ورق او شئ معاه فى البيت ومن هاذى الامور التى تكسر الروتين اليومى وحذارى ثم حذارى تكونى زوجة نكدية وتتعبين زوجكى نفسانيا * وقدرى ظروفه العملية ولا تخربى بيتكى بنفسكى *ثم عليكى بالدعاء والصبر وبالله التوفيق **تحيات أخ تونسى مغترب ** والسلام على من اتبع الهدى **
طبعواحب اضيف علية كمان انة طالما زوجك انسان كويس وبيعمك كويس وطيب وانسان يستاهل عشانة تتغربى كدة اتغربى اية المانع وربنا سعتها هيصبرك عشان هذة النية وعيزة الفت نظرك لحاجة كمان انتى كنت هسحسى بالغربة دى بعد الجواز سواء فى مصر او فى السعودية وكفاية انك قريبة من اماكن جميلة زى الكعبة الى تحت عرش الرحمن وقبر الرسول علية الصلاة والسلام والصحابة هم احسن ولا اهلك وهم دول الى الواحد بيعمل اعمال صالحة ويتقى اللة عشان نكون جنبهم فى الاخرة ومعاهم وانتى جنبهم فى الدنيا اهوة حاولى تصبرى عشان تكونى معاهم فى الاخرة ايضا احنا كمان معاكى ان شاء اللة وعلى فكرة بكرة ربنا يقومك بالسلامة وتنشغلى بابنك او بنتك ومتفكريش فى اموضوع دة بالطريقة دى هيكون الموضوع سهل شوية
اختي الفاضله انا مصري مقيم في السعوديه
وعايز اقولك اوعي تبعدي عن جوزك وتسبيه صدقيني ده هيبقي اول طريق الغلط وانتي مش عارفه اولا الحرمان انتي اكيد بتحبي جوزك ومحتجاه وهو بردو محتاجلك كزوجه
ثانيا الراجل عايز يوفر حياه كريمه انا معاكي ان السعوديه تزهق انا كنت كده بس مع الوقت هتعدي وهتتعودي
ابعتي لمامتك تيجي تعد معاكي وتحضر ولادتك الموضوع سهل ومش مكلف
بس بجد نصيحه اخويه والله والله لو نزلتي وسبتي جوزك لوحده ده اول طريق الغلط وهتندمي ربنا معاكي
لو فعلا بتحبي زوجك استحملي علشانه يعني هو متغرب علشان مين مش علشانك وبعدين بتقولي خطوبه 3 سنين يبقي عاوزه تضيعي 3 سنين من عمرك وكمان حامل احمدي ربنا انك معاه مش سايبك لوحدك
احمدي ربا ع اللي انتي فيه ملايين غيرك مش لاقين النعمه واذا رجع ومزنوق ف الماديات هتعملي ايه……. لان الحياه ف مصر غاليه بالنسبه للدخل ….وهتقدري تعيشي بدخل قليل….. واللي بيسافر الخليخ مش عشان يوفر حياه كريمه لان الدنيا صعبه ولا رفيه
فى حاجه احب اقولها للاخت العزيزة لو فعلا بتحبى زوجى استحملى العيشه معه فى اى مكان على الارض مش فى مثل بقول اعيش مع حبيبى ولو فى النار
السلام عليكم اختى الكريمه
ربنا يعينك ويقويكى انا مقيم باالسعوديه والحمد لله لفيت 6 دول منها اوربيه وعربيه
ربنا يعينك ويقويكى بتعرفى انا لو كنت حصلت شغل بمصر ولو براتب الف جنيه واقسم بالله ماكنت سافرت
اما باالنسبه للاخت للى كانت عايشه فى الكويت احب اوجه لها سؤال ياترى العيب فى مصر ولا فى اهلها اللى انا وانتى وكل المصريين منها صدقينى يمكن انتى اللى اختيارك غلط لاصدقائك او للى مش قادرين يفهموكى وللعلم لايوجد مكان على وجه الارض مافيهوش مشاكل ولا خيانه من الاصدقاء ولا ولا ولا انا اؤيد راى الاخ الاول فى كلامه ربنا يارب يعينك وحاولى تخلى جوزك يدور على شغل فى مصر او انك تستحملى معاة لحد لما ربنا يوقفكم على رجليكم علشان هيه سفر بسفر وخلاص وتستحملو شويه وربنا يعينكم وصدقونى ياناس لو لفيتم فعلا العالم كله مش هتلاقو تراب مصر وربنا سبحانه وتعالى خلق الانسان نفسه ماخلقهوش كامل فى كل شىء لا مع انه فى الانسان صفات كويسه الا انه فى صفات بردة وحشه دة الانسان مابالك ب 80 مليون مصر مش معقوله كلهم وحشين ولا كلهم حلوين وادعو الله ان يفرج هم كل مسلم واسالكم الدعاء لوالدى واخى رحمهما الله
الشيئ الذي لا يؤخذ كله لا يترك كله
وجودك داخل السعوديه وانتي رافضاه مش صح لان اي حاجه حتحصل داخل مصر سيئه لا قدر الله لاهلك وانتي هناك ممكن ساعتها مش تقدري تواصلي مع زوجك اصلا وتعتبريه هو السبب
ونفس الوقت بعدك عن زوجك مش حل خصوصا فترات طويله
الحل هو
ممكن توفقي بينك وجودك في السعوديه وبين وجودك في مصر ودي مش صعبه لان السفر للسعوديه مش غالي
ممكن تنزلي كل ثلاثه اشهر شهر في مصر منها انك تقعدي مع زوجك ثلاثه اشهر ومنها تشوفي اهلك وتطمني عليهم
او انك حل اخر انك تجيبي مامتك تحضر معاكي الولاده وتعمر عمره ودي ناس كتيره عملتها
والله المستعان
الغربة طربة ولا يوجد بلد فى الدنيا احسن من مصر انا بصول الكلام دة لانى كنت فى السعودية والوقتى فى ايطاليا مفيش احسن من مصر بجانب الاحباب
الاخت الفاضله نصيحة من مصري عايش في السعودية العمر اغلي من فلوس الغربة كلها اقنعي جوزيك في الاجازة تكون طويلة شوية ويدورفيها علي شغل ويقارن في الحياه مش في الدخل لان السعودية اكتر طبعا وربنا معاه ومعاكي ويا رب اصلح حال مصر وكل كل مغترب يرجع لاهله
بعد كلام الاخت راجيه الرحمن مفيش كلام لان هي دي الحقيقه ومصر بقت صعب المعيشه فيها وربنا يصبرك
السلام عليكم
اختى في الله مصر بقبت صعبه جدا جدا جدا وانا بقولك وانا عايشه فيها اهو وانا كنت بقول زيك كده ولكن لما تنزلى هنا حتعرفي الفرق انا حاسه بيكي لان من مواليد الكويت وكنت عايشه هناك لمده خمس سنين متواصله ونزلت في الغزو ودخلت هنا مدرسه ولما اتخرجت اشتغلت في الكويت وكنت بقول زيك كده ان مفيش احسن من مصر لان كنت متعوده ان الكويت بالنسبه ليا مجرد اقعد فيها شهرين سنويا بس لكن لما رجعت بعد سنه من شغلى مصر لظروف حصلت اكتشفت انى كنت غلطانه وان حياتى مع بابا وماما هناك كانت احسن من صر بكتير هنا ولا في شغل ولا اصدقاء كويسين الا نادرا وعشان تحلى مشكلتك حاولى تتقربي بالقيام قبل صلاه الفجر والدعاء تبقى تقولى ( ربنا افرغ علينا صبرا وتوفنا مسلمين) ( وقل رب اعوذ بك من همزات الشياطين واعوذ بك رب ان يحضرون)والله انا بقولك الكلام ده عن تجربه مصر بقبت العيشه فيها صعبه اوى وحاولى تنزلى اجازة لاهلك وحاولى تشوفى شغل وانا عارفه انه صعب في السعوديه ولكن مفيش حاجه صعبه على ربنا وياريت بعد ما تقرائي نصيحتى تقومى تتوضئ وتصلى وادعى ربنا كدا زي ما قلتلك وسبحى كتير عشان ربنا يفرج عليكي لو استحضرتى قلبك في الصلاه ربنا حيفتح عليكي جربي حالا وربنا يوفقك يارب