انا بنت عندى 20 سنة وف كليه اداب …. مشكلتى انى من ساعة الثانوية وانا البنات اللى حواليا بيحبوا ويتحبوا ويرتبطوا .. وانا لغايه دلواتى بدور على اى حد يحبنى بجد واحبه بجد ويكون اخرتنا الجواز على سنة الله ورسوله …بس للاسف اللى بعرفهم بيبئوا بيتسلوا او بيضيعوا وقت .. وانا مش عايزة كدا .. انا عايزة ف حبيب يفهمنى ويقدرنى ويحترمنى … بس مش لاقيه وحاسه انى عمرى ما هلاقى حد يملى فراغي العاطفي اللى كل يوم بيزيد عن اللى قبله … كل ما اشوف فيلم رومانسي او اسمع كلمه حلوة من اى حد لاى حد .. بجد انا تعبت واتخنقت وزهقت .. ومش عايزة اسيب نفسى انى اعرف اى ولد لمجرد التسليه وخلاص …. ارجوكوا قولولى اعمل ايه ؟؟
اسرار البنات
الفراغ العاطفي هيقتلنى
اضيف بتاريخ: Wednesday, November 3rd, 2010 في 12:27
كلمات مشاكل وحلول: اسرار, اسرار البنات, البنات, الثانوية, بنت, حب, فراغ عاطفي, كلية, كلية الاداب, مشاكل عاطفية
انا على فكرةعندى نفس المشكله بس انا عايز اقولك انا سعات احنا بنبقى عيزين حاجه ومش مكتوبلنا وده مش بأدينا وعموما سبيها على الله وحولى تشغلى نفسك بحاجه تشغلك عن التفكير انك وحيدة وكده وسيبيها على الله وربنا يوفقك ويوفقنى
الحب موجود فى اى حاجه فى حيتنا اكله منظر عاده نظره اهل اخ صديق اى حاجه و كل حاجه فى حيتنا فيها حب الحب الحقيقى بيجي بأخلاص و يكون فى اخره ثنه الله ورسوله هوا لما يكون حب حقيقى و بجد و اساسو الاخلاص و اطمني ده جي جي ممكن يكون حد قريب منكـ جداً بس مش قادر يتعرف لكي ربنا معاكي و يعينكـ بس باين علكي انسانه طيبه و كويسه و بن حلال و روحكـ حلوه و جميله و خالى بالكـ من نفسكـ عشان خساره تضيع مع من لا يسوا ولا يقدرها
اخوكم فارس الاحزان ( أحزاني عنواني ) يبحث عن الحياه = الحب الحقيقى …
بلا حب بلا ارف اوعى تحبى حد خلى الحب هو اللى يجيلك وساعتها حبى قال حب مفكرين البنت لعبة سهلة لكن كل لما تبقى لله ربنا بيعتلك اللى تتمنيه وعى تحى صدقينى الحب جميل بس اللى يستاهل ولما يجيلك بيتك
كل ماصبرتي اكتر ربنا حيعطيكي خير اكتر وحتكوني تستاهلي الشخص يلي يلاقي جوهرة متلك
خليكي متل حبه اللولو بقلب الصدفه ليجي البحار الماهر يلي يكتشفك وهوي نصيبك يلي بنا كاتبلك ياه من اول خلقتي وتزكري من ترك شيئا لله عوضه الله وربي يرزقك انتي وكل بنات ادم قره عين لالهن وانا منهن^_*وعليكي بالدعاء وشغل وقتك مع رفقاتك واهلك وربي يوفقك
متخافيش طالما فى صبر من فتره
هيبقى فى نتيجه جميلة جداً من ربنا
اصبرى والله مش تخافى وان شاء الله هتلاقى ابن الحلال
وخليكى تقيله كدا مش تكلمى اى ولد لأن جايز فى ناس بتحبك بس لما بتلاقيكى بتكلمى ولاد
بيشلوكى من دماغهم
هقلك كولد تعملى ايه عشان تتحبى ” طبعاً انا مش دكتور ولا فيلسوف انا هقلك حاجه معروفه ”
اولاً اتقى ربنا وخلى لبسك محتشم وصلى وقربى من ربنا
مش تكلمى اى ولد وخليكى تقيله كدا
مش تستنى الحب لأنه عمرك ما هتشوفيه طول امنتى عيزاه ومستنياه
سبيها على ربنا وان شاء الله هتتحبى
حاولى تعملى كدا بجد
وشم تستعجلى فى غيرك كتير والله كدا سواء بنات او ولاد
كلنا مقتنعين اننا لينا نصيب هناخده سواء النهارده او بكره او بعده
الاهم كدا كدا هنشوفه
يا ستي مستعجلة عليإيه نصيبك حجيليك لحد عندك وبعدين دي حاجة بتاعة ربنا بكرة تحبي وتتحبي وتتخطبي وتعيشي أحلى أيام يا بنتي إللي كل شغله الشاغل بيدور علي الحاجاة دي مابيلاقيهاش الدنيا مابتديش عايز وخلي بالك من إنك تتحطي في موقف مش كويس بسبب بحثك وقلقلك تجاه الموضوع ده ومن يصبر ينول وبعدين فراغك ده تقدري تمليه بحاجه كويسة أكتر من الحب واللعب وانك تعرفي حد مش كويس ولا كداب وتكتشفي ده وتسبيه وتعب أعصاب وضغوط ووقت فراغك انتي اللي بتوجيه ووجهيه في حاجه انتي تحبيها مفيدة او لمجرد التسلية بلاش تخلي شغلط الشاغل الموضوع ده علشان حتتعبي
وياستي كوني صداقات زوري اصحابك اخرجي وخليكي فري مش تضغطي نفسك وتتعبيها وتشيليها فوق طاقتها كده
والله ولي التوفيق
ابحثى يا ابنتى الكريمه عن عمل او اشتركى فى جمعيات لها انشطه ثقافيه او اجتماعيه صدقينى ستجدى نفسك لك قيمه كبير لمن حولك ولنفسك وتشغلى نفسك وبالك بنشاط اجتماعى لرعاية ايتام او فقراء او مرضى وهم كثر فى مجتمعنا لانك طول ما فيه فراغ ذهنى وجلوس مع نفسك كثيرا والنظر لفلانه تزوجت وفلانه اتخطبت مش جيد ان تفكرى بهذا المنطق العجيب اولا يجب ان تصبرى انت ما ذلت صغيره لان فى العجله الندامه تخيرى من سيتقدم لك ان شاء الله زمانك بتقولى هو فين بس ده سياتى فى ميعاد معلوم وكل واحد فينا مكتوب على جبينه قدره ونصيبه من قبل ان يخلق كم رزقه ومتى يولد ومتى يموت ومن ستزوج وكم سينجب او العكس اصبرى وتخيرى ولا تستعجلى العاطفه مع اى احد الا اذا تاكدتى من اخلاقه واصله وفصله لان القلب غالى لا يمنح الا لمن يستحق حفظك الله واسعدك بحياتك
انتي تعرفي ان كل البنات عايزة تحب بس اهم حاجه تصبري شويه ونصيبك هيجلك
مانا في سنك بظبط وف تالته اكاديميه وشكلي حلو وشيك وكل حاجا وبرضو ملقتش الراحه مع حد في ناس كانت بتقولي بحبك كنت ببعد عنهم مكنتش بحسها خالص والمره الوحيده اللي اعجبت بشب قالي كان بيكلمني عشان يتمنظر بيا وفي الاخر قالي خلينا اصحاب شويه لعلمك انا وانتي وبنات كتير كدا وانا برضو حاسه نفس احساسك وكل حاجا انتي قوليتها انا عايزه اقولها بظبط يعني مفيش حل غير اننا نستنى نصيبنا زى مابيقولو
اولا باين عليكى بنت محترمه
اوعى تخسرى اللقب ده
محترمه
وقربى من ربنا
وربنا حيرزقك بزوج ابن حلال يملى عليكى حياتك
الفراغ احسن من الملء الكاذب
تبحثي عن شخص يحبك بجد يفهمك يقدرك يحترمك يتزوجك
انت بتدوري عليه
شايفة ان الحولك بيتسلو وانت عاوزة التعرف اللي نهايتو جواز
صحيح انك طالبة اداب لانك قدرت تعبري عن الفنفسك بدقة واستطعت ان تحللي ما يدور حولك
اكيد درجاتك في النقد ممتازة
الغريب في الامر و العجيب انه علي مستوي العالم طلاب الاداب هم الاكثر زواجا من بعض
طيب ما انت بدوري اهوه،
قصدك انو مافيش عاوزة واحد من وسط تاني ، يعني ما يكونش خريج اداب ، مش شايف انك حطاه كشرط .
ما لقيتهوش لا لقيتي بس مش جاد وعاوز يتسلي وسبتيه(حكمك كان مسبق وقاسي) ، اقولك اسمه ايه ولا عرفتيه، اسمه الفرصة المضاعة. طيب ما انت اللي بتصدي الناس ، مش مديه لنفسك فرصة ، ومتعالية.
اتعودت انو الناس تدور حولك وانت تاخدي القرار، المشكلة ان الناس سبقوك المرا دي واخدوا القرار – سيبك منها اصلها كدا من الثانوي-
بتشتكي ليه الزمن ما لوش ذنب ، من اتولدنا وهو بيجري ، مش حا يقيف لحد
الحل :
كوني بجد طالبة اداب
اهتماماتك الاكاديمية وسعيك للتميز طاغية علي اهتماماتك البشرية
اعرفي نفسك في محيطك ، اسالي واحدة من زميلاتك قوليلها انا مين وبقولو عني ايه
حا تقولك سوسة كتب ممنوع الاقتراب والتصوير (سامحيني اذا كنت غلطان).
عارفة انت ما دخلتيش كلية الطب ليه ، مش للمجموع و مش لانك غبية ، لانك عاوزة تفهمي.
واللي بيفهم ما بيدخلش الطب بيدخل اللي بيحفظ (ممكن برضو اكون غلطان في دي).
اوووه بقيت اغلط كتير ، بس اللما حا اغلطش فيه انك تقولي يا رب .
الزواج رزق ولا ينال رزق الله بمعصيته ، اتق الله يجعل لك مخرجا ويرزقك من حيث لا تحتسبي
وفقك الله
أكيد الحب بيجي معاكي بسرعة وأقل حاجة فلذلك بيروح أسرع ولسة سنك صغير يعني ممكن يكون كل الحب اللي فات ىحب مراهقة
كـــــــــــــــل شيء بأوانه
تحية الى الاستاذ “حازم حمام”
الله على الفكر,الله على الاحساس, الله على العقل المستنير,الله على الثقافة العالية, الله على صعيد مصر.
انا اتفق مع كل حرف يخرج من بين شفتيك .
شهانة الحوينى…
طالبة فى السنة الاخيرة/كلية الطب
السعودية_________مدينة الرياض
اشغلي وقتك هو ده الحل روحي دار رساله هتلاقي الف مليون حاجه تعمليها ومش هتلاقي دقيقه فاضيه تهرشي فيها حتى . انا كنت فنفس ظروفك واكتر واتبدلت حياتي كلها حسيت اني مخلوقه تانيه خالص
تحية الى سيدتى……. تحية الى صاحبة الاحساس العالى….
تحية الى صاحبة العواطف الجياشة….
تحية الى القلب الذى يبحث عن الحب والحنان..
……اقسم لكى بالله انى اشعر بكى كأنى اراكى……
. بادئ ذى بدئ ان الفراغ العاطفى عبارة عن فجوة يشعر بها الفرد عندما لا يجد من يفيض عليه بالحب والحنان (( حنان الأمومة وحنان الابوة وحنان الاخوة وحنان الصداقة…. وغيرها))… ويحسسه بأهميته وقيمته الذاتية.
وايضاً يشعر الفرد بالفراغ العاطفى عندما يلتفت الى من حوله ولا يجد من يفضى له بما فى داخله من حب وعواطف ومشاعر.
وهذا الأمر كثيراً ما يمر على الفتيات في هذه المرحلة من العمر.. وكل فتاة وكل شاب أيضاً يعيش فراغاً عاطفياً في هذه المرحلة من العمر.. كيف تملأ الفتاة هذا الفراغ؟ هذا هو الأمر المهم والخطير في نفس الوقت
الفراغ العاطفي لا تملأه مكالمات تليفونية عابثة مع الجنس الآخرأو معاكسات في الأسواق بحثاً عن شخص من الجنس الآخر يملأ الفراغ العاطفي.
يجب أن تدرك الفتاة في هذا العمر بأن التصرفات الطائشة في البحث عن ملء الفراغ العاطفي انما تعود عليها بالضرر وتشويه السمعة، وربما قادتها إلى مسائل لا تحمد عقباها.
. ومن اسباب الفراغ العاطفى, حرمان الفتاة من الحب والحنان داخل اسرتها. فسوء معاملة الاب وقسوته يجعل البنت تشعر بالفراغ وعدم الاحساس بالامان والشعور بالخوف وربما تنتابها حالة من البكاء دون سبب واضح.
وايضاً سوء معاملة الام والاخوة داخل البيت.
وعندما تفقد البنت الحب داخل البيت تبدأ فى البحث عن ذلك الحب فى مكان اخر.والبحث عن الحب لم يكن عيباً “.كلنا نبحث عن الحب” بشرط ان نبحث عنه بعقل وتروى ودراسة
وفى حالة الفراغ العاطفى تبحث البنت عن الحب دون عقل ولا تروى ولا دراسة. لانها تعانى وتتألم .والشخص الذى يعانى ويتألم ياخذ قراره دون عقل ولا تروى ولا دراسة…وهذه كارثة كبرى.
والشئ المقلق فى هذه الحالة وربما المخيف. ان تكون البنت فريسة لاصحاب القلوب الضعيفة. وذلك عندما يقابلها رجل يوهمها بذلك الحب الذى تبحث عنه ويخدعها بانه يحبها حتى يتمكن من تحقيق اغراضه الدنيئة وينال منها ما يشاء.
ثم يتفاجئ الاب بان بنته تزوجت عرفى او تم اغتصابها او غير ذلك من الامور.
ثم ياتى بعد ذلك لكى يلوم بنته وينسى انه هو السبب فى انحراف بنته. وضياعها لانه حرمها من الحب والحنان والاحساس بالامان.داخل البيت. ودفع البنت الى البحث عن الحب فى قلوب مظلمة.
دعوة الى كل اب يقرأ رسالتى ..حافظ على بنتك وذلك بان تمنحها الحب والحنان وتحسسها بالأمان . حتى لا تبحث عنه فى مكان اخر لان البنت كائن عاطفى و لديها عواطف متجددة تريد اشباعها بشكل يومى.
الامر ليس صعباً فانا لا اقول لك اصنع الذرة.
بل كل ما عليك فعله هو ان تضم بنت الى صدرك حتى تمتص منك الحب والحنان الذى تريده هى.. ولو مرة واحدة فى اليوم.
او تضع بنتك تحت زراعك وانت جالس امام التلفزيون. اوتدخل الغرفة الخاصة بها وتجلس معها وتقبلها وتحضنها حتى تشعر بان هناك من يحبها ويحن عليها ويهتم بها.
…. فيا معشر الاباء تعلموا فنون التربية حتى تسعدوا ابناءكم…..
واقول لكل فتاة تعانى من الفراغ العاطفى وتفتقد الحب والحنان داخل البيت. اقول لها اصبرى لا تستعجلى فانها فترة مؤقته سوف تزول بازن الله وتجدى الرجل الصالح الذى يحبك ويمنحكى الحنان والمودة والرحمة. واشغلى نفسك بحب الله ورسوله.
احذري أشد الحذر من اللجوء إلى الصداقات المحرمة والعلاقات المشبوهة وتيقني أن هذا الطريق وإن كانت بدايته جميلة لكن ينتهي إلى خسارة عظيمة وخزي في الدنيا وحسرة وندامة في الآخرة.ولا تثقي بأحد مهما أظهر لكى حسن النية وخاطبك بالألفاظ الحسنة وعبارات الحب والغرام.
تواصلي مع والديك وإخوانك وقوي صلتك بهم وتحاوري معهم وأوصلي لهم شكواك بطريقة لبقة ومناسبة ولا تنتظري منهم العطاء ولا تقتصري على اللوم والشكوى بل أنت بادريهم المشاركة واعتني باهتماماتهم ومواضيعهم ولو كانت تافهة.
….أسأل الله أن يفرج هم كل فتاة ويكشف كربها ويسعدها ويحفظها من كل سوء….
حازم حمام/محاسب الكترونى فى دول الخليج
صعيد مصر ___سوهاج
وما صبرك الابالله ماتستعجليش استعجالك دا ممكن يوقعك فمشاكل وحاجات انتى مش قدها .
كل شئ بأوان .نصيبك ورزقك موجود وهاييجى لحد عندك بس اتقلى انتى وبلاش الأستعجال دا.
عليكى بالصلااه والصبر ع قضاء الله وصلى صلاة الحاجه وان شاء الله خير .
انتي مستعجلة ليه يا اختي
سنك صغير لسه
اصبري وهتلاقي ان شاء الله الشخص اللي يحافظ عليكي ويقدرك
وحتى تجديه لا تجعلي من نفسك لعبة بيد الاخرين
يا اختى اصبرى الصبر جميل
وانتى لسه صغيره ولسه فى الجامعه
واكيد لسه نصيبك ما جاش وكل تاخيره وفيها خيره
جايز ربنا منعك من العلاقات دى بدرى عشان شايلك نصيبك فى واحد كويس لسه ما عرفتيهوش
بلاش الاستعجال لان الاستعجال مش كويس
اقرى المشاكل وشوفى اخرة الاستعجال ايه؟
هتاخدى ايه من الحب الا العذاب والسهر والتفكير والحيره والخوف ليسيبك والخوف احسن ما يخطبنيش واحسن اهلو ما يوافقوش وايه وايه وايه طب ليه توجعى دماغك
حاولى تقربى من ربنا دايمآ وادعى انه يرزقك بالزوج الصالح وربنا يوفقك لما يحبه ويرضاه
(سيد العاطفى)
مصر—بنى سويف
سلام اسمي يونس من جهتي ارئ ان تصبري لي ان الله عزوجل جعل لكل واحد منا من نصفه الاخر واتمني من الله عزوجل ان تلتقي مع الشخص المناسب
الدنيا دى قسمة ونصيب وبعدين ممكن يكون كدا خير ليكى وبعدين ان شاء الله يوفقك وتقابلى الانسان ال فى احلامك بس اصبرى وربنا يوفقك .