اصدق كلام الناس ولا اللي متمسك بيا

السلام عليكم ورحمة الله .. باختصار شديد انا بنت عندى 19 سنه ف كليه علميه .. حياتى بجد كأنها أفلام هندى بقابل ناس غريبه وبتخان وبيتغدر بيا وللأسف ولا مرة اتعلمت ونفسى أبطل أدى الامان للناس بس مش قادره .. المهم انى حبيت قبل كده وانجرحت واتأذيت جدا وأهلى كمان اتأذوا بسببى .. لكن من اربع ايام جالى زميل ليا ف الكليه بس أكبر منى بسنتين .. كنت ملاحظه انه بيبصلى كتير ولما اتعرفنا على بعض طلعنا زى بعض ف حاجات كتير أوى وحسيت انى ف دماغه فعلا وبيحبنى .. ارتبطنا ف نفس اليوم اللى عرفنى بنفسه بيه .. عرفت كل أصحابى وهوا كمان عرف كل اصحابه لكن كلهم مش مقتنعين وبيقولوا انى اتسرعت .. الموضوع غريب وسريع بس هوا دخل قلبى بسرعه أوى كأنى كنت بدور عليه من زمان .. المشكله انه عمل حاجات كتير غلط قبل كده وعرف بنات كتير جدا بس حكالى كل حاجه وكل واحده عرفها قبل ما يقول انه بيحبنى .. وبجد بيحاول يرضينى بأى طريقه وحاسه انه بيتغير فعلا بس مش قادره أخلص من الناس بقى كل شوية حد يجى يحذرنى منه ويقولى ده مش كويس ده كذا وهوا قالى ان ده هيحصل وحاسه انه مخلص ليا فعلا بس مش قادره مفكرش ف كلامهم وحاولت اقوله نسيب بعض لقيته متمسك بيا أوى وكل يوم يجيبلى هديه .. مش عارفه أصدقه وأصدق احساسى و أصدق الناس أنا فعلا محتـــــــــاره .. ياريت تساعدونى

مشاكل وحلول ذات صلة

• زعلت حبيبي وكدبت عليه ومش عارفة اصالحه
• بحبها ونفسي اخطبها بس حاسس انها بتعتبرني أخ او كزميل
• بحب بنت معايا في الكلية وخايف تضيع مني ..
• نفسى تحبنى زى ما بحبها
• معجبة بيه اقرب له ولا ابعد عنه؟
• مشكلتي احب ولد لكني انا احلى منه بكثير
• اسيب حب عمرى وارضى ابويا بأى جوازة؟