لو سمحتوا
انا بنت فى 2 ثانوى عندى 16 سنة باكل سنون الاقلام الرصاص و الاقلام الرصاص العادية بقسمها و اكل الرصاص وارمى الخشب بس الاكتر باكل السنون اللى بتتشرى للاقلام
و تقريبا الحالة دى عندى من وانا فى1 اعدادى بس اليومين دول زايدة شوية يعنى بشترى علبة السنون الكبيرة فيها 12 علبة وكل علبة فيها 12 سن وباكلهم ف اقل من 3 ايام
اقرب مثال كنت شارية لسه علبة سنون يوم السبت الظهر و كلتها كلها النهاردة مش معايا ولا سن
انا قرات عن ان دا مرض اسمه البيكا بس مالوش حل وبيجى للاطفال غالبا
لو سمحتوا عايزة اعرف ايه اسبابه وازاى اقدر اتغلب عليه بس انا مش عايزة اقول لحد من عائلتى او اصحابى عن الموضوع دا
ف ياريت اى حد يعرف دكتور يساله بعد اذنه طبعا او يعرف حل لمشكلتى دى يساعدنى
لان انا حاسة ان الموضوع دا بيدمر حياتى
ارجوكوا ردوا عليا
انا مع راي -مجنون نساء- في كل ماقال لك الحالة اللي عندك تحتاج تدخل الطبيب ولازم تخبري والدك بدي المشكلة عشان يذهب بك للطبيب لاجل العلاج قبل استفحال الحالة معك لانو فيها خطورة عليك ممكن تتعرض للتسمم من جراء المواد اللي تاكليها او يحصل معك انسداد في الامعاء والمعدة والجهاز التناسلي وتقرحات ونزيف حاد في الامعاء والجهاز الهضمي ودي اعراض البيكا اما ماقاله لك الاخ محمود الليثي فهو بعيد كليا عن المشكلة او الحالة التي تعاني منك
اختي الغالية عاوزك تعرفي ان كلهذي التصرفات اللي تعمليها في حياتك هي نتيجة انطوائك وحبسك من قبل الاهل وماتعين عنك التواصل مع زميلاتك اوصديقاتك ومحددين لك شخصين اوثلاثة من البنات فقط وده اسلوب خاطئ منهم وعدم الثقة فيك اومن باب الخوف والحرص مثل يعمل بقية الاهالي مع بناتهم وولادهم وهذايشعرك بعدم الامان والقلق والتوتر ويجعلك تاكلي الاقلام الرصاص وتشغلي وقتك بها ويسمى مرض البيكاوهو عبارة عن اضطراب صحي يتمثل في شهية المريض لمواد غيرصحيةاوغيرغذائيةمثل الورق والطباشير والنايلون وغيرها والبيكا خطرة قدتصيب الشخص المريض بالتسمم من المواد اللي يتناولها اوتجرح بعض المواد الجهاز الهضمي في الجسم وتتكون الطفيليات والديدان وقد تجلب القرحةوالجروح والانسداد المعوي في الجهاز الهضمي واسباب مرض البيكا -1- سوءالتغذية والانيميا2- نقص الحديدوالمعادن في الجسم كالزنك 3- الحرمان العاطفي من الوالدين للطفل 4- التخلف العقلي عندالطفل لايوجد علاج نافع لهذالمرض حتى الان ويحتاج المرض للعلاج السلوكي والاجتماعي والعلاج النفسي وللرعايةوالاهتمام من الاهل والمحطيين بالشخص المريض والتخفيف عنه اتمنى اكون قد افدت الاخت صاحبةالمشكلة واسال الله لها الشفاءالعاجل من عنده فهو القادرعلى كل شئ وان يسترعليهاويوفقهافي الحياة
شكرا ليكم كلكوا
استاذ محمود الليثى مشكلة النت دى كانت زمان فى بداية فترة المراهقة بس خلاص زى ما انتو عارفين انها فترة صعبة وكدة ويمكن اكون انا عديت منها بسرعة عشان انا دلوقتى 16 سنة والحمد لله مبقتش زى قبل كدة والحمدلله مبقتش اعمل حاجة
شكرا لحضرتك
بس انا عايزة اضيف حاجة انى ساعات بقدر اتحكم فى نفسى ومرة قعدت تقريبا 25 يوم من غير ما اكل حاجة بس كنت بقعد اشخبط بيهم ع دسك ف المدرسة و اكسره وكده يعنى
حبيبتي لازم لازم لازم تقولي لمامتك عشان تساعدك ما تتكسفيش هي بتحبك وأكيد هتلاقيلك حل انت بتعاني بسكوت و هتموتي نفسك ببطي حلقي نفسك و صاحبي مامتك و هي احسن صديقه في الدنيا عشان بتحبك و بتخاف عليكي من غير مقابل لازم تراجعي طبيب عام و تعملي تحليل دم عشان يعرفو السبب يمكن عندك نقص في معادن فيتامينات حديد و حاجات زي كدا انا شفت ستات حوامل في بلدي بياكلو الفحم و نا شخصيا لما كنت طفلة في سن 5,6,7 كنت بأكل التراب بهبل دات الرمل احمر و يا سلام و نزل عليه مطر ريحته تحفه هههههههه كنت اروح الكتاب و حفر و لا وكاني بأكل بسبوسه بس بس بذلتها من غير علاج ازاي الله اعلم بس جابتلي حصي بالكلي و عملت ليزر وعمليه معانات من الحمدالله دلوقت احسن و شوفي طبيب نفسي مش عيب لو انت ما قلتش علي فيك مافيش حد هبه رب ساعدي نفسك عشان الناس تعرف تساعدك ًو لا تقولي لاقاربك و لا لأصحابك بس مامتك و باباكي ربنا يعينك و يريحك حبيبتي
السلام عليكم ورحمة الله
أختي الكريمة صاحبة المشكلة …
أعانك الله وصبرك على ما أنت فيه …
ولكن أود اختصار الكلام حتى نصل إلى حل …
المشكلة الأولى ” مشكلة الوالد ”
المشاكل أو المشكلة الإجتماعية التي تعانين منها الحمد لله ليست بالمشكلة .. لعل والدك يعلم قصصا عن ما يحدث في النت أو عن طريق مواقع التواصل الإجتماعي فأصبح خوفه زائدا عن حده .. ولكن يجب علينا أن لا نعطي أو نضخم المشكلة حيث أنه أدخلك المدرسة وكونتي صحبة من البنات ونحو ذلك وهذا هو التواصل الإجتماعي الحقيقي وليس صفحات النت التي أبعدت الناس عن بعضها بشكل ملحوظ من انعزال وعدم الخلطة إلا من وراء أجهزة الحاسوب أو الأجهزة الذكي ونحوه …
لذلك هذا هو التواصل الحقيقي وفوق ذلك أنه لم يمنعك من التصفح في النت كما فهمت من كلامك فقط من الفيس بوك أو بالأحرى ” مواقع التواصل الإجتماعي ” لذلك لا تركزي على الممنوع وركزي على المتاح منك الذي يسعدك
المشكلة الثانية ” مشكلة الصداقة ”
دائما ضعي نفسك في موقف مشابه بــ معنى .. قلت أن لك صديقة الخ الخ دمها برد اوي
ألا تتوقعين أن يقال هذا الكلام عليك
تأكدي أختي العزيزة كم منا من كان لا يحب فلانا والقلوب بيد الله سبحانه وتعالى ولكن نجد أن الشخص الذي لايميل إليه القلب بدون سبب هو الذي يهتم بنا والخ .. هنا راجعي نفسك وتقربي ممن يحبك
المشكلة الأساسية والأخيرة ” المرض .. مرض البيكا ”
أمرك سهل أختي الكريمة اعرضي نفسك على طبيب سريعا ولا يمنع بطبيب نفسي أيضا فلا بأس حتى يشفيكي الله عزوجل .. أخبري والدك عن مرضك أو عن تعبك وقولي له
والدي أريد الذهاب للطبيب ومجرد وصولك للطبيب احكي له وهو سيقوم باللازم بإذن الله تعالى
وفقك الله تعالى
انا صاحبة المشكلة
انا مش عارفة ايه اللى بيخلينى اعمل كدة بس ببقى قاعدة عادى جدا وفجأة حاجة تخلينى ابقى عايزة اكل السنون من غير اى حاجة
وقبل كدة كمان كنت بكسر الجبس اللى بين السيراميك بتاع المطبخ واقرمشه برضو واكله و اهلى عرفو انى بكسره بس مايعرفوش لحد دلوقتى كنت بكسره ليه
ممكن يكون المرض دا لانى حصلى اضطرابات نفسية كتيييييييير
انا وانا فى الابتدائى كان عندى 4 صحابى بس كان فيه واحدة فيه بس اللى كنا متعلقين ببعض اوى و كانت لتيجيلى البيت و نقعد مع بعض فترة طويلة بس امها كانت ع طول مش بتحبها تصاحبنى او تيجى عندى ع عكس امى تماما عشان ماما كانت بتعامل اصحابى معاملة كويسة جدا عشان هما اصحابى بس مش لسبب تانى حتى لو ما كانتش بتبقى مستريحة ليهم
و احنا ف 6 ابتدائى كنا بنحب واحد اصغر مننا ب 3سنين انا عارفة طبعا ان دا هبل بس كان بداية سن المراهقة ما علينا
كنت انا وصاحبتى اللى انا قولت عليها دى بنحبه و هما كان مفهمنا انه بيحبنا (كنا اغبية اوى )
هو كان ليه اخ ادنا ف المدرسة وانا ف اولى اعدادى فيه بنت كانت جارته فصاحبتنى ودى تعتبر البدايه
بطريقة ما ….
المهم بعد كدة اهلى عرفو اننا كنا بنكلمه و الكلام دا كله فزعقولى و خلصنا من المشكلة دى بس خسرت فيها صاحبتى اللى كانو بيقولو عليها توأمى عشان كانت بتقلدنى ف اللبس و خطها شبه خطى محدش يعرف يفرقه حتى انا وهى ساعات كنا بتلغبط فيه وهى عيد ميلادها برضو نفس عيد ميلادى ف نفس السنة ف نفس اليوم ف نفس الشهر كل حاجة
انا بعدها كنت بكلمهم عادى (اصحابى الاربعة )
المهم بعدها بفترة مش كتيييرة تقريبا اسبوع او 10 ايام
حصل مشكلة تانية انا كان عندى اكونتين ع الفيس واحد بابا هو اللى كان عامله ومعاه الباسورد و كنت ضايفه عليه 5 بس ومفيهمش ولا واحد سواء قريبى او غير ….ودايما بابا كان يقولى متضفيش حد من ولاد خيلانك او كدة يعنى
المهم انا طبعا كنت متضايقة من التحكمات دى وانه ازاى هو اللى يعملى الاكونت ويبقى معاه الباسورد
دا كله كان هبل و شغل عيال
فانا قولت انا اعمل اكونت جديد ومعرفش حد عليه بس عرفت اتنين بنات من ولاد خيلانى ………و ف الاول مكنتش بقبل ادد من حد غريب خالص سواء ولاد او بنات ……….بعد فترة من بعد ما عملت الاكونت بابا نزل اجازة (هو ع طول مسافر بيشتغل برة وبينزل اجازات ) و بعد ما نزل عرف ان انا عاملة اكونت تانى و كان بيقولى ما تضيفى فلان وفلان (اتنين كانو معايا ف المدرسة ) دا انا ضايفهم ومش عارف ايه فانا قعدت اقوله لا لا و ف الاخر قلتله ماشى بس انا مكنش فى نيتى انى اضيفهم خالص فبصلى بصة عمرى ما هنساها وقالى انا عارف انك عاملة ايميل تانى وقالى افتحيه ع اما اصلى واجى فانا طبعا كنت خايفة افتحة عشان انا خلاص كنت بقيت اقبل اى حد يبعت ادد
المهم قعدت اكتب باسوورد غلط عشان ميتفتحش عشانا انا عارفة رد فعله كويس اوى
المهم انا كنت عاملة الباسورد عيد ميلادى سهل جدا لاى حد يعرفه
المهم هو جرب وفتح معاه و قعد يضرب فيا جامد كل الكلام دا وانا مكنتش 6اقلة يعتبر كنت لسه مش فاهمة حاجة و قعد يضرب وقالى منتش رايحة المدرسة تانى ولا الدروس انا هسحب ورقك و تقعدى تخدمينا هنا لحد ما تتجوزى ولا تموتى
المهم قعدت تقريبا يومين ما اروحش دروس وبعدين كان بدايه المدارس فروحت من اول يوم ف المدرسة و بقيت اىوح الدروس كمان وخلاص ع كدا بس كان بيقعد يضربنى كل شوية و يبهدلنى ويشتمنى و خسرت بقيت اصحابى و طبعا اللى كانت جارة الولد دا دلوقتى ولا بكلمها ولا ببص ف وشها اصلا وهى بتكرهنى اوى انا بالذات عن بقيت اللى كانو اصحابى و بالنسبة للى كانو اصحابى برضو بقوا عادى اقل من العادى كمان ولا اصحابى ولا بختلط بيهم ولا بكلمهم غير قليل اوى والكلام بيبقا ازيك …ازيك بس كدا غير ان واحدة منهم لسه بتيجى تعدى عليا ف الدروس والمدرسة وكدة بس انا مش بحبها اوى وهى الصراحة باردة اوى
بس انا بقى دلوقتى مليش اصحاب مقربين يعنى ليا زمايل بس واكيد طبعا الفرق بين الصحاب والزمايل معروف جدا ومليش حد اتكلم معاه ومليش حد احكيله ع حاجة حتى اقاربى ليا اقاربى بنات قريبين منى ف السن بس بعاد جدا عن بعض مش بالمسافات لا
يعنى مش بنكلم بعض ولا كإننغ نعرف بعض ولا قرايب ولا حاجة خالص
كدا كلامى خلص معلش رغيت كتيييير بس كان لازم اقول كل كدة عشان لو حد يقدر يساعدنى
………. انا حاسه ان الحاجات اللى حصلتلى دى هى السبب عشان ان بعدها ع طول بقيت كدا مريضة بالبيكا و كمان عندى هوس نتف الشعر والله اعلم عندى امراض تانية ولا ايه هما دول بس اللى انا اعرفهم
وعشان كل اللى انا حكيته فوق دا مينفعش انى اقول لحد ولا من عيلتى ولا اقاربى لان زى ما قولت يعتبر معنديش قرايب و لا عندى اصحاب مش هينفع حد يعرف دا ابدا لحد يا اما اتعالج عن طريقة انتو او يحصلى تسمم و اموت ….
شكرا ….
شكرا للناس اللى حاولت تساعدنى واللى هتحاول بعد كدة
السلام عليكم .. لو تقدري تتكلمي معا حد من افراد اسرتك يبقي كويس اوي وتشوفو دكتور . لو الموضوع صعب انك تتكلمي فيه معا حد من الاسرة اتنمي تكملي المشكلة وتقولي وانتي بتاكلي سنون الاقلام بتفكري ف ايه وايه اللي بيحصل ف شهيتك تتفتح لاكل الاقلام ههههههه وانشاء الله اللقيلك حل
السلام عليكم ورحمة الله وبركاته
أختي الكريمة وفقك الله تعالى …يجب إخبار والديك بحالتك وعدم السكوت عليها والذهاب إلى المختصين بذلك إلى الطبيب العام ليشخص حالتك ومنها عمل التحاليل اللازمة ولا بأس بالعرض على طبيب نفسي ليرى جوانب أخرى مثل حالتك الإجتماعية والأسرة ونحو ذلك
لا تهملي في نفسك وفقك الله تعالى