لو سمحتو انا نفسى بنت بجد ترد علية عشان نظرة البنت مش زى نظرة الولد انا بس عايز اعرف حاجة مش اكتر لان الموضوع دة والله انا كنت بتمنى انى أموت كرهت الحياة و مازال لانى انى اعتقد انى عمري ما هفكر اكلم بنت او اتجوز زى اى حد (انا عارف انت هتقولو مين العبيط دة) بس فية كدة والله المهم المشكلة انا بعتقد ان مفيش بنت عمرها فى حياتها ما هترضى حتى تكلمنى مجرد الكلام لية بقى دة كلو عشان تقدرو تقولو انا شكلى مش حلو او بمعنى أصح بدين والله انا مبطلبش انى أخرج أو اروح وأجى او أتجوز حتى بس نفسى بنت تر د عليا هل ممكن فى بنت تتكلم معايا وممكن لقدر الله تطور العلاقة وتبقى جواز (أنا عارف انتوا هتقولوا اية العبط دة )بس لو سمحت لو فى حد ياخد من وقتة خمس دقايق ويرد عليا بس عشان انا قربت و افكر في الانتحار مش عشان خاطر البنات لسمح الله ولكن يعنى زهقت بس انا عمرى ماها انتحر انا عارف بس خلاص زهقت مع العلم انى عمرى (ما جربت اكلم واحدة فى حياتى أو زى ما الشباب بيعملوا) مع ان الكلية اللى انا فيها معظمها بنات وفى مواقف لازم اتعامل معاهم وكدة ونا مبعرفش اتعمال نهائى مع بنت حاسس انها هتقولى كلمة تحرجنى عشان كدة بتجنب الموضوع دة
والله العظيم انا مشكلتي زيك بس انا مش زعلان ولا حاجه وعيزك تعرف حاجه? ي الاول ان البنت الي تحبك علي شكلك اكيد مش محترمه ومش هتكمل معاك اما البت الي تحبك علي علي طبعك وشخصيتك تبقي اكيد محترمه وبتحبك وعمرها ما تتخلي عنك يبقي لازم تركز في شخصيتك الله اكيد ربنا هيرزقك ببنت الحلال الي تحبك زي منتا نصيحه مني متفكرش في موضوع شكلك ده وركز في مستقبلك وعلي فكره الي يحب بجد بيشوف حبيبه احلي واحد في الدنيا صيحه مني ((ماتحاولش تبقي حد تاني غير نفسك خليك واصق في نفسك))..،..صدقني هتلاقي حاجه محدش فيها ينفسك .
مشكلتك تنقسم الى قسمين
اولاا البدانة تابع مع دكتور تغذية وحط امامك هذف انك عتخس يعنى عتخس
للعلم انك شكلك عيتغير بعد الرجيم للاءحسن
الثانية الخجل وديه محتاجه قوة عزيمه منك مثلاا اعتبر اى بنت فى الجامعه زى اختك وشوف انته بتكلم اختك ازاى واتعامل معاها بهذا المنطلق
علي فكره في شباب كتيير بيبقو شكلهم حلو اوي بس مش محترمين ومش رجاله انت من طريقتك عجبتني علشان انت راجل ومؤدب ومحترم واحسن من شباب كتير شكلها حلو والناس مش بشكلها علي فكره لما تكون محترم الناس هتحبك وهتلاقي بنت تحبك زي ما انت مش تقلق خالص من موضوع الشكل دا
بص انا هقولك حاجه عن تجربه ان بحب واحد كل صحابي بيحسدوني عليه عشان شكله وجميل وكله انا هقولك اه يمكن لازم تحسنمن نفسك شويه بس اخلاقك والقلب الابيض بتاعك ده قليل اما تلقيه متتخنقش الموضوع مش مستاهل بس لازم بردو تحسن من مظهرك بس شخصيتك جميله جدا واكيد هتلاقي الي تقدرك وياما ولاد كتيره حلوه وقلبه واخلاقهم بتخليني اشمئز ربنا معاك ونسمع انك خطبت قريب 🙂
السلام عليكم
اخي الكريم سـ اقول لك رإيي من دون إي مبالغة بأنك مخطأ, تعرف لماذا لئننا البنات نظرتنا مختلفة عن الشباب فـ نحن لانهتم للشكل الخارجي كـ ما يفعل الشباب ولااعني ان جميع البنات هكذا ولكن الاغلبية. والدليل على هذا اذا تلاحظ هناك الكثير من النساء الجميلات متزوجات بـ رجال اشكالهم عادية. نحن اكثر مايجذبنا بـ الرجل هو دينه واخلاقه وقوة شخصيته وثقته بنفسه وقوته الجسدية ايضا مطلوبة والشهم والسخي والعطوف الحنون الذي يحترم المراءة ويقدرها ويتحمل المسؤلية هذا النوع من الرجال هو الذي يجعل الرجل محبوب عند الكثير من النساء. وكل انسان قادر على ان يغير نفسه للأفضل, كما قال الله تعالى: ونفس وما سواها*فألهمها فجورها وتقواها*قدأفلح من زكاها*وقد خاب من دساها.
انصحك ان تجعل نصب عينيك الارادة لئن هي مفتاح التغيير للأفضل وعليك ان ترفع عنك الافكار السلبية.
كون ايجايباً
كون مرحاً ممازح بشكل لطيف دون التعليق على احد او جرحه
اجلس كل صباح وانت مبتسم وتقول الحمدلله
فكر في المشاكل التي تتواجد عندك ودونها في ورقة وحدد اهدافك التي تريد الوصول اليها ثم ابحث عنها في النت. مثلا مشكلة الخجل اكتب في الجوجل ” طرق للتخلص من الخجل” واتبع الارشادات التي توضع من قبل الاستشاريين. او لتعزيز الثقة بـ النفس.. وابدء بمشكلة وعندما تتخلص منها ابدء بـ الثانية مع تحديد مدة لك في دفتر تكتب فيه نتائج التغييرات وهكذا..
وفي الختام انصحك ان تبحث عن مواضيع وفيديوات للدكتور ابراهيم الخليفي تجدها عبر النت ستفيدك كثيراً وايضا فيديوات ومواضيع للدكتور ابراهيم الفقي.
كونوا بخير.. دمتم في حفظ الله ورعايته
الله یحفظک لامگ یاشییخ
هههههههههه من چد مبین دمک عسلل
حبیبے البناتگثر التراب خذذ لگ اللے تبے منهم بشرع ربگ
الرجااال بالموافق مو بالشنب والشگلل
هما لاقين عرسان اصلا؟ اة ياعم هتلاقي كتير.
سلام عليكم ورحمةة اللهه وبركاتهه .,
انا آسمــي خالد من السعوووديه آفضل طريقه تستغل بدانتك وتستخف دمك وكــل شئ تبغى تقوله للبنت تقددر تقوله لان لو شكلك وحش زي ماتقول ماراح يفكرون فيك تفكير انك عايز والا بتفكر انكك وجرب وشوف بالعكسس دايم الدببه يجي دمهم خفيف هههههههههههاي شوف وجهه احمد حلمي وشف مراتهه كيف؟؟
العموم انا احب مصر واحب ارضها وكل مافيها والله يديمكم لبعض مثل الاخوان
تحياتي لكم ,.,
انا متأسف لانى اول ما قرأت العنوان ضحكت الموضوع لا يستاهل كل هذه الحالة النفسية ممن تسأل نفسك سؤال (((ليه البنات مش تتنجذب ليه وتكلمنى مع انى فيه شباب اقل منى جمال بيكلموا بنات ))والاجابة سهلة جدا لانى تقريبا عندى نفس هذه المنحة وليست المحنة يا حبيبى عاوزك تعرف حاجة ان ربنا حكيم وله فى خلقه شئون وممكن ربنا يكون باعد عنك البنات لانه عارف انهم ممكن يكونوا سبب هلاكك والعياذ بالله وفى حديث لحضرة النبى _صل الله عليه وسلم_ فيما معنى الحديث يقول(( من الناس من لا يصلحه الا الفقر ومن الناس من لا يصلحة الا الغنى )) لذا اعلم ان الله _عز وجل اعلم بك من نفسك وكم رأينا من الناس كان فقيرا والح على الله فى الدعاء حتى اصبح من الاغنياء وكان غناه سبب هلاكه فى الدنيا والاخرة ولو قرأت السيرة النبوية لرأيت مثل هذه المواقف الكثير لذا اعلم ان الله يدخر لك الخير واعلم انك لو رأيت وتمنيت ان يرزقك الله الزوجة الصالحة فضع هذه المقولة أمام عينك
((( اذا أردت أن يرزقك الله (عائشة)) فكن محمد)))
المشكلة مش ف انك تعرف تكلم حد المشكلة فيك انت انك حاسس انك اقل من اللى حواليك لكن انت لو فكرت هتلاقى ان ربنا مساووى ما بنا بطرق مختلفة نصيحتى ليك الواقع اللى مش عاجبك لا تغيره لا تتعايش معاه وتعرف ان مفيش انسان كامل وبالنسبه لمشكلتك انت تقدر تتغلب عليها بشويه صبر ورياضه ورجيم وعشان متفتكرش ان دى نصايح وخلاص انا كنت 110 كيلو توقع بنت بالحجم ده 😀 كنت متضايقه وحاسه فعلا انى اقل من اللى حواليا بس الحمد لله قدرت اخس وبقيت دلوقت 65 مهما كان شكلك او حجمك انت احسن انسان ف الدنيا لو اقتنعت بده وباذن الله ربنا يوفقك ف حياتك وتلاقى الانسانه اللى انت ترضى تقبل بيها 🙂
i feel you bro
انا حاسس ان انا االلي كاتب السؤال بس فيه حاجة واحدة انا 13 سنة و بكرش و كل حاجة بس زيادة اني شاطر في المزاكرة و عصبي ففاكر ان البنات هتقول دحيح و كمان كزا مرة سمعوني بشتم شتايم قبيحة في المدرسة و الله ما كلمت بنت غير في تعاملات المدرسة زي توزيع الكراريس و لما المدير طلبني في الفسحة ههههههههههههههههههههههه ربنا يسعدنا و يسعدك
على فكرة الشكل مش هو كل حاجة في الولد يعني مثلا انت اعمل ريجيم والعب رياضة علشان يخف وزنك واهتمي بمنظرك اكثر يعني لبس يكون انيق ونظافتك يعني استحم كل يوم قبل ماتروح الجامعة والبس لبس شيك والاهم من ده كله انك تهتم بدراستك ومستقبلك لان ده هو اللي هيخلي البنات تجري وراك ياما شفنا بنات حلوة قوي ومتجوزة اولاد مش حلوة خالص . لان البنت مش بتفكر في ولد حلو وخلاص بالعكس هي بتهتم اكثر بالولد اللي مستقبله كويس وحياتها المادية هتكون مستريحة معاه لان الجمال بيروح والاهم من ده كل الاخلاق العالية وبتمنى لك التوفيق.
جمــــــــــال الروح يهون عليك المصائب
و
جمــــــــــال النفـس يسهل لك المطـالب
و
جمــــــــــال العقـل يحقق لك المكاسـب
و
جمــــــــــال الشكـل يحقق لك المتـاعب
ويا صاحبى البنات مش بتبص على جمال الشكل فعلا البنات بتبص على الشياكه والطقم اللى انتا لابسه والبرفان اللى انتا حاطه وحاول تقوى ثقتك بنفسك وشخصيتك تكون اقوى من كده فانتا اعمل رجيم ومفيش اكتر من طرق الرجيم على النت واقربهم على الموقع ده خلى املك بالله كبير وعلى فكره البنات الجامده جسميا يعنى الطويله الجامده مش بتحب الا الولد البدين او التجامد زيها ومش بتكره قد الرفيع وبصراحه البنات الجامده احلى فانتا خليك بدين كدا البنات الحلوه هتموت فيك ههههههههه ربنا يحلى دنياتك
اكيد شكلك البدين مأثر علي ماشيتك ولبسك ويمكن طريقة كلامك وكل ده مأثر علي نفسيتك وثقتك بنفسك فلو عملت ريجيم قاسي واصبحت مثل زملائك في الكليه ده يرجعلك ثقتك بنفسك وبعدين الانسان لازم يرضي بخلقة ربنا له واكيد انت احسن من ناس كتير استغفر ربنا علي فكرة الانتحار وربنا معاك
الراجل مش بشكله , لكن بأخلاقه وعقله , ربنا خلق الانسان ف احسن صورة , ممكن تلاقى شخص مش جميل لكن تلاقيه محبوب وروحه مقبولة جداً , ع العكس ممكن تلاقى واحد جميل جداً لكن مغرور ومش مقبول يبقى وقتها ايه فايدة الجمال ؟! إحمد ربنا ع كل حال وخلى عندك شخصية قوية وإنت تلاقى راسك ف السمآ
شكل مين يابا قلبك ابيض القرد فى عنينا غزال اطمن كل واحدة شايفاه اللى بتحبه توم كروز وهما مش كدا وانا اولهم
وبعدين بالعقليييييييييييييييية واوعى لو جربت انك تكلم بنت ومكلمتكش مرة تحط فى بالك انه علشان شكلك لا بس الظروف مساعدتكش او انت اخترت غلط
والله صدقنى انا عندى عقلية حبيبى بالدنيا وما فيها ولا عيون الزرق ولا الشعر الاصفر
الراجل عمرة ماكان بشكله , انا بنت وبشوف ان وسامة الراجل في عقله مش شكله نهاااااااااااائي وياما ناس جميله جدا ومحدش يطيق يقعد معاهم دقيقه واحدة , وفي ناس مش جميله ولكن اخلاقهم حلوة ودمهم خفيف وعندهم زوق وطيبه وحاجات تانيه احسن من الشكل والراجل مش يعيبه شكله ابدا , الرسول عليه الصلاة والسلام قال شرطين في الراجل البنت تختارهم قال : من ترضون دينه وخلقه فزوجوة يعنى مقالش يكون شكله جميل ولا يكون رفيع وبعدين البدانة دى تقدر تعمل رجيم وانا مش شايفه ان مشكلتك دى مشكله اصلا انت احمد ربنا انت احسن من ناس تانيه كتير يعنى احسن من الشخص المعاق بأي اعاقه بدنيه وجسميه واحسن من الصم والبكم واحسن من المعاق عقليا صح ولالا؟ واعرف ان كل فوله ولها كيال يعنى ربنا هيبعتلك اللي تحبك علي شكلك كدة وتبقي طايرة وفرحانة كمان بيك جدا بس لازم يكون عندك ثقه بنفسك اكبر من كدة شويه (اسأل الله العظيم ان يرزقك الزوجة الصالحة)
فعلا اشترك في جيم فيه أجهزة رياضية
واعمل تمارين باستخدام أوزان خفيفة وأعداد كبيرة وأدوار كتيرة
هتلاقي لياقتك زادت وبدأت تقوى
وهتقدر تنزل خلال سنة مثلا للوزن المثالي وهتكون قوي جدا كمان.
السلام عليكم ….
ان الله لاينظر الى اشكالكم ولا والى صوركم ولكن ينظر الى قلوبكم
اولا تنشغل كثيرا بهذا الشان فيقلل ثقتك بنفسك ويشغلك عن امور كثيره مهمه
“لكل ساقطه لاقطه” بالبلدى كل فوله وليها كيالها عذرا….
اقصد لاتايئس ابدا ان شاء الله ربنا يرزقك ببنت الحلال اللى تحبك وتكون زوجه لك وام لااولادك
و
انا عوزة بس اقولك حاجة ان انا من البنات اللى مش لازم الانسان اللى هيرتبط فيها يكون حلو وجميل ووسيم لان اهم حاجة ف الراجل هيا شخصيتة انا الحمد لله جميلة وانا مش بقول كدا والله اننى متكبرة ولا حاجة .. ,رحم اللة امرأ عرف قدر نفسة .. بس انا عمرى مبشوف نفسى جميلة الا لما الناس تقول وزى م الناس بيقولو فيك عيوب اكيد فية مميزات .. بس انا بقولك ان الراجل بمواقفة واحترامة لنفسة ودينة وربة واحترامة للبنت اللى هيرتبطبيها وعمر الشكل مكان بيحدد ابدا .. انا اول حاجة بفكر فيها ف اى راجل هيا شخصيتة وتقديرة ليا ومش بالشكل ابدا لان الشكل مش باقى انما صفاتك وتعاملاتك مع الناس هيا الللى هتبقى وحرام تقول انتحار انت هتغضب ربنا عشان اى .. كل واحد فية مميزات وعيوب وزى مفية مميزات فية عيوب مفيش انسان كامل ..
الراجل لا يعيبه الا اخلاقه وجيبه
اعمل رياضه ورجيم المشكله ليها حل
وقوى ايمانك بربنا شويه والانتحار ده كفر وتخسر اخرتك – فيه رجاله طخينه ومتجوزين ستات جمال وزى الفل وعايشين فى سلا
انا اخويه كان طخين وبيحب بنت خالته وهى كانت رفضاه عشان طخنه ففضل يعمل رياضه ورجيم ويجرى على الكورنيش لحد ماخس وراح يخطبها وافقت ودلوقتى معاهم ولاد اللى رايح كليه واللى فى ثانوى واخويا رجع طخن بعد الجواز بسنه ومع ذلك مراته متقبلاه وماعدش حكاية الطخن تهمها وبتحبه فوق الوصف
السلام عليكم
اولا انا كنت حابة ارد عليك وبالتجربة العملية كمان, انا بنت الحمدلله جميلة واتخطبت لواحد زميلي في الكولج معايا اقسم بالله شكله وحش جدا جدا جدا ودي مش اهانة ليه لاسمح الله لان دي خلقة ربنا لكن ده مجرد وصف وعلى فكرة انا بحبه جدا لانه انسان محترم فوق الوصف وده المهم وبيحبني بجد ربنا يخليه ليا يارب ومش يحرمني منه ابدا وعمري مابصيت حتى لشكله كفاية حنانه وادبه واخلاقه انا حبيت بس اوضحلك مش اكتر
ممكن من كلامى تستغرب انى بكتبلك حل لكن انا ممكن اكون شبهك انا عندى مرض مش بيروح بالادوية واعتقد مش هيروح لحد اخر عمرى المرض دا مش هيخلينى اعرف اتجوز وزيد على كدا انا اسمر يعنى اقل جاذبية بياااما عن باقى اصحابى لكن تعرف انا هصبر وانت لازم تصبر لانى قربت من ربى بجد بقى عندى يقين انه مش هيضيعنى واللى خلقنى مرة على الحال دى يقدر يخلينى تانى احسن 100 مرة خلاصة الكلام انك لو هتعيش عشان الناس تقبلك هتفكر فالانتحار لكن لو عشت على امل ان الله يحبك والله والله كمان مرة هتلاقى نفسك بايع الدنيا وشارى جنة ربك
يا عم انت مكبر الموضوع جدا جدا البدانة عمرها ما كانت مشكلة ابدا فى انت تتعرف على بنت وانا ليا اصدقاء كتير جدا معتقدش انك حتكون اكتر منهم فى البدانة ومع ذالك متزوجين ومعاهم اولاد زكان فى حياتهم بنات كتير جدا جدا غير زوجتهم المشكلة مش فى الشكل او فى الجسم المشكلة ديما بتكون فى اللسان والاحراج فى فرق كبير ما بين انك مش عارف تتكلم مع بنت وما بين انك مش مرغوب فيك شتان فى المعنى وبين انا عمرى ما كلمت بنت ولا مشيت مع بنت ولا حتى جتلى الفرصة انى اتكلم مع بنت ولغلبية البنات الى اعرفهم بيعتبرونى اخوهم مع انى نحيف جدا ومع ذالك انا سعيد جدا وكمان متزوج وبعدين اعمل زى انا وزى ناس كتير جدا بتسيب الحاجة تيجى لوحدها متسعاش ليها وبذات موضوع الحريم دة
نصيحة نصيحة نصحية / خلى اول بنت تعرفها فى حياتك هية الى تكون زوجتك ومتسعاش لمعرفة الحريم الا للخطوبة والزواج وسعتها حتلاقى بنات كتير جدا جدا ادامك وانت وقتها تختار الى تنسبك وتناسب ظروفك
اقسم بالله العظيم اهم حاجة فى الولد احترامه لنفسه وثقته بنفسه مش مهم ابدا الشكل لازم تبان دايما واثق فى نفسك ومحترم شكلك والبدانة دى بقى مشكله بس مش عشان البنات عشان ليها مشاكل كتير طبعا انزل الجيم واعمل رياضه وطبعا لما تحل المشكلة دى هتبقى كسبت 10 نقاط من ناحية الجمال الرجل ميعبوش شكله يعيبه ضعف شخصيته وقلة ثقته بنفسه طالما محترم وملتزم وشخصيتك قويه وبتحب البنت بجد اقسم بالله اى بنت تتمناك وسيبك من الانتحار والحاجات بتاعة الشيطان دى انت مشكلتك بسيطة جدا جدا جدا يمكن بالنسبة ليا ملهاش اساس