مشكلتي ممكن تكون بسيطة بس بالنسبة ليا معقدة انا كنت بحب ابن خالتي واتخطبنا هو كويس بس اتغير شوية بعد الخطوبة طبعة وحش اوي عصبي جدا انا استحملتة كتيير وكان بيعاملني وحش وانا طيبة عشان بحبة كنت مستحملاة كنت بلا شخصية كان ممكن يخاصمني بالاسبوع وانا اللي اتصل واصالح بس انا اتخنقت وماما مكنتش راضية علية من الاول وانا اللي صممت وهي معترضة علي تصرفاتة واتكلمت معايا كذا مرة انة مينفعش وانة حيتعبني بعد الجواز عشان طبعة وانة زي باباة طبعة وحش وانا بصراحة من كتر كلامها قلبي قفل من ناحيتة ومش عايزاة بقيت بعاملة وحش اوي ومش عارفة لية وهو نفسة حاسس اني متغيرة بس مش عارف لية كل يوومين نتخانق ونتخاصم ومبقتش تفرق معايا عادي يعني وانا عايزة اسيبة وخايفة من موضوع القرابة دية وحصلت ما بينا حاجات خايفة انة يقولها او يطلع واطي كمان بس انا حاسة اني اتسرعت واني مبقتش احبة كل حاجة فية مش عاحباني اتغيرتا مليون درجة ونسيت الحب اللي كان بينا هل اسيبة ومش ممكن اللي حيحصل في العيلة والمشاكل ولا ادي نفسي فرصة ارجع زي الاول وابقي بدون شخصية اكتر الناس بيقولولي انتي كنتي تستاهلي احسن منة وانا فعلا حاسة كدة دلوقتي عشان انا احسن منة في كل حاجة انا حاسة اني اتسرعت بالارتباط دة ارجوكم افيدوني بالحلول بالله عليكم نسيت انا حاسة اني ممكن اكون كرهتة عشان حد عاملي عمل عشان فية ناس كتير في العيلة كانت عايزة تخطبني وبتكرههة اوي مش عارفة بصراحة
ماينفعش ان تستمي معه لعصبيته الزائد عن حدها وماما معها الحق في هذا الله عزوجل بيعوض احسن منه نشا الله وتحياتي ل
اسمعي كلام ممتك واللهي انا كمان مخطوبه لابن خالتي بس بنحب بعض اوى اوى اوى اوى اوى وهو اكتر كمان وانا مخطوبة لي هو وانا عندي 17 سنة وحتجوز وانا عندي 20 سنة وهو اكبر مني ب4 سنوات بس بنموت في بعض هو ممكن عصبي علشان انتو قرايب او ممكن هو مش بيحبك بس واللهي مش عارفة يعني مش حظلمو
أختى العزيزة……..
أنا شابف أنك فعلا كدة عملتى كل اللى ممكن تعمليه بمعنى ساعات هو اللى يخاصمك وانتى اللى ترجعيه تصالحيه ساعات وتستحملى كلام الناس عشان انتى بتحبيه
لكن تعالي نتكلم صح وبكل حيادية جه الوقت عليكي اللى خلاص صعب تستحملى فيه كل ده وبدأتى تنتقلى من مرحلة لمرحلة أخرى وهى بدأتى تصغى لكلام الناس بسبب أن مشاعرك اتغيرت ..
وانتقلتى لمرحلة أخرى وقررتى أنك تسيبيه بس اللى وقف معاكى موقفك من العيلة
حسألك سؤال بسيط ..
هل تتحملين شخص يختلف معاكى 180درجة عنك وتعيشى معه أم تتحملى كلام من العيلة وسينتهى ؟؟
وأقول لكى شيئا حتى اذا تحدثوا فى العيلة فان هذا حقك ولا غبار فى أى شيئا وقرارا ستأخذينه
وفقك الله
بصي انا حاسة بيكي لان خطيبي كمان عصبي اوي بس الحمد لله قلل عصبيته كتييير بس خايفة زيك من بعد الجواز هيبقى الوضع ازاي
بس نصيحتي ليكي لو فيه اي امل حاولي تصلحي طبعه .. لو مفيش امل سبيه وخلاص لان بعد الاعجاب اللي بيخدد الحب هيفضل ولا لا اخلاق اللي بتتعاملي معاه ومتنسيشششش ان كل انسان فيه عيب ، بس لو مش مستحمله خلاص ، وربنا يكتبلك اللي فيه الخير يارب ويرضا عنك
مع كل سلام وتحية ..انتى بتقولى انه كويس بس اتغير بعد الخطوبة اية اللى غيرة مرة واحدة ..؟ هل كان فى ماضى اليم ليكى؟؟ وهو عارفه ولا لآ ؟ هو اكيد مش عاوزك للشهوة فقط او انه مجبر انه يكمل معاكى ..بس انا هقولك حاجة مهمة لحياتك الراجل بيحب دائما انك تحسسية برجولته ومتجرحيهوش فى كرامتة لآنه بيحس بالضعف او انه مش راجل ..خالى بالك من كلامك معاه واحترمية .الراجل بيحب بعنيه والست بتحب بودانها ..خالى بالك من تصرفاتك وكلامك معاه ومش كفاية حبك ليه ولكن اسمعى كلامه …والسلام والتحية
بصي انتي لو عايزه تسيبي ميهمكيش اي حد ولا عيله ولا حاجه وانا خايفه اقولك اديلو فرصه وبردو انتي ممكن تتعلق بيه تاني وبردو هو يفضل زي ما هو وترجعي تندمي تاني لان لو هو ده طبعه عمرو ماهيتغير خالص هيفضل زي ما هو وهو فعلا هتتعبي انتي لما تتجوزي وربنا يقدم اللي فيه الخير انشاءالله
الأخت العزيزة…. أنصحك بفسخ الخطوبة لأنه واضح فعلا أنه هيتعبك و سيعوضك الله أحسن من إن شاء الله….و لا تشغلي بالك باللي هيحصل في العيلة…ده كله نصيب
انا من راى انك تسيبة على طول حرام ترتبطى بانسان معندوهوش مشاعر من ناحيتك وانتى كذالك ومعتقدشى ان هيحصل مشاكل فى العيلةهيبقى فى زعل فى الاول وبعدين الامور هتتصلح وترجع الامور طبيعية تانى