السلام عليكم ورحمة الله وبركاتة
انا قررت ابعت مشكلتي هنا علشان معرفش حد اثق فية حتى ماما وبعدين مشكلتي غريبة نوعا ما انا على طول في مشاكل مع ماما وعلى طول بقفل على نفسي غرفتي واقعد لوحدي وصحابي مش ساكنن جنبي واهلي ساكنين بعيد عننا يعني مفيش حد اروح لة او اكلمة ومرة وانا قاعدة لوحدي جة في بالي ولد كان معايا في اولي اعدادي في درس الكلام دة وانا في تانية اعداي وبعدين تخيلت اني بحبة لاني كنت محتاجة اتكلم مع حد مع ان الولد دة كنت بقول علية بارد وشايف نفسة معرفش ليه جة في بالي وبعدين بقيت بغمض عينة واتخيل اني بتكلم معاة وبحكيلو على مشاكلي وهو عمال يواسيني وبقيت على الحال دة كتير اي حاجة تحصل معايا تفرح او تزعل بقيت بتخيلها معاة وبعدين لقيت نفسي بحبوا بجد وبقيت بحلم بية بجد وبقيت بقولة اني بحبة في الحلم وفي يوم وانا رايحة المدرسة شوفتة بيعدي الشارع وانا راكبة التاكس اصل مدرستي بعيد عن البيت فبركبلها تاكس كنت هموت من الفرحة علشان شوفتة وبعدين انا سبت الدرس اللي كنت فية يعني معدتش بشوفة خالص ودلوقتي انا متعلقة بيه وبفكر فية طول النهار ومش عرفة اركز في المذاكرة وامتحاناتي قربت وانا دلوقتي في تالتة اعدادي يعني بقالي سنتين بفكر فية انا عرفة ان اللي بيقرا الكلام دة بيضحك وبيقول عليا مجنونة انا عرفة ان دة مرض نفسي علشان بقعد لوحدي كتير وعرفة ان الولد دة مستحيل يفكر فيا او اقابلة تاني لان هو في مدارس خاصة وانا في مدارس عادية يعني مستحيل اشوفة الا صدفة من بعيد وانا دلوقتي مش عارفة اعمل ايه الحكاية اللي كانت مجرد خيال قلبت جد ارجوكوا ساعدوني من غير ما حد يضحك عليا لاني بجد محتاجة مساعدة
البنات المراهقات
بحب واحد في احلامي
اضيف بتاريخ: Thursday, November 22nd, 2018 في 18:59
كلمات مشاكل وحلول: الحب, المذاكرة, بنت, حب, شاب, مدارس
تعبتي عقلك وارهقتي نفسك وكل شيء بالنهاية يطلع لا شيء مجرد تخيلات، عيشي حياتك الحقيقية بجد لا يوجد ولد يحبك الان اشغلي وقتك بالقراءة وبالصلاة وبالنت وبالالعاب واليوتيوب وبأي شيء حقيقي تعمليه وابتعدي عن التخيلات دائما لكن اعتبريها تمنيات وادعي ربك بكل شيء تريديه يعني زواج نجاح رزق وبكل شيء ، لن ينكد حياتك الا تنكيدك على أمك، وكل اللي لك مكتوب، عيشي مع امك بهدوء لا تعانديها بأي شيء لا تتعبي قلبها بأي شيء كوني زي ما تحب هذا مهم ومجرب لا تزعل او تتضايق منك أمك تتوفقي بحياتك وتتيسر كل أمورك لا تغضبي أبدا مهما عاملتك بأي شيء تكرهيه أ ويضايقك ،لا يغضب الا الحمقى والمتخلفين عقليا والجاهلين والناقصين
شوفي يابنتي العزيزة اللي تعمله مع امك غلط وحرام عليك تعامليها بالشكل ده مهما كان دي امك اللي حملتك في بطنها 9شهور وتحملت الالم والعذاب حتى الولادة وارضعتك من صدرها وسهرت الليالي لاجلك حتى اشتد ساعدك وكبرت ومهما قلت لك عن فضلها وقدرها لن توفيها حقها مهما فعلت والله تعالى اوصانا باللوالدين وخصوصا الام مش تعلمت في المدارس كدا ولا انا غلطان وتاكدي يابنتي ان الجنة تحت اقدام الامهات ورضاالام من رضا رب العالمين ربنا يهديك ويصلحك تقربي منها وبوسي راسها وعلشان ترضا عنك وتسامحك وتدعي لك من كل قلبها فدعاء الوالدين مستجاب واياك ان تزعليها منك مرة اخرى او تكسري كلامها او تخالفيها واخرج من حالة العزلة والوحدة اللي انت فيها لاتجعل الشيطان يفسد عليك دينك واخلاقك بهذة الافكار والاحلام الشيطانية التي تحلم بها واظبي على اداء صلاتك في وقتها والاكثار من قراءة القران والاستغفار وربنا بيحميك ويحفظك من كل مكروه ويسترعليك ويؤفقك طوال عمرك