السلام عليكم , انا بنت عمري 16 سنة انا عندي صاحبة بعرفها من مدرستي القديمة من تلت سنين بس رحت مدرسة تانية و ضلينا نكلم بعض و هلاء النا 4 سنين , المهم .. احياناً كنا نطلع مع بعض عشان نشوف بعض و نحكي مع بعض اكتر لانو ع الموبايل مافي وقت كتير و خصوصاً بأيام الدراسة و حتى بوقت العطلات احياناً بنشغل و بطلع مع أهلي , و اليوم صحبيتي حبت انو نطلع مع بعض و اهلي ما وافقوا و أنا امي بتكرهها بدون أي سبب واضح , بتحكي عليها كلام بضايق و انا بتضايق كتير صراحة .. يعني اختي الكبيرة عندها عشرين صاحبة ولا عمرها امي حكت عنهم هيك كلام و قعدت تبهدل فيهم زي صحبيتي هاي , و أنا صحبيتي والله عليها اخلاق بتجنن و الها صفات حلوة و دايماً بتنصحني و بنصحها و محترمة كتير و لبقة بالتعامل و رايقة و ولو انها مش هيك كنت تركتها و نسيتها من زماااان لانو انا بس بقرب ع الناس المنيحة و الي اخلاقها منيحة , و أنا عارفة انو الله ما كاتبلي أطلع معاها لانو خير و الحمدلله بس نفسي اعرف ليش هيك أمي حاقدة عليها و كارهيتها بدون سبب واضح ؟؟ هي ما ثقلت علي أبداً بس يمكن صار موقف صغير انها طلبت مني كم حل لمادة الانجليزي و امي بهدلتني مرتين حكتلي انتي بتضيعي وقتك وهيك أنا لما اخلص من دراستي أو أول ما ارجع من المدرسة ع طول بعطيها يعني , يعني معقول امي كارهيتها لهاد السبب ؟؟ حتى لما حكيتلها انو انا ما بقدر و اهلي ما وافقوا حكتلي أنا آسفة اذا كنت ثقل عليكي و قعدت تلوم بحالها و قعدت ابين الها انو هي ما الها دخل أبداً أبداً و انو هي مش السبب .. فأنا جد محتارة و قاعدة أفكر كتير ليش أمي كارهة صحبيتي بدون سبب ؟؟ و أنا طلعت معها 5 مرات و مافي اي صياعة أو وساخة لما نطلع بنكون بحالنا و بتمرق الطلعة ع خير يعني اهلها و امها بمدحوا فيني و أمي ما بتمدح فيها بتضل تسب عليها بدون أي سبب واضح , و لما نقلت ع مدرسة تانية عشان بدلوا مكان مدرستي القديمة أهلي بحكولي خلص شو بدك فيها أو شو بدك ببنات مدرستك القديمة للصراحة أنا بحب صحباتي الي بمدرستي القديمة و خصوصاً صحبيتي هاي لانو هي ثقة و عمرها ما كسرت ثقتي فيها و لانو بنحكي لبعض اسرار كتير و بنساعد بعض و بننصح بعض و لما رحت المدرسة الجديدة ما تأقلمت كتير ولما كنت احاول اتأقلم كانت تزبط احياناً و احياناً لا و انا امي معلمة بمدرستي الجديدة فهي بتنصحني عليهم أكتر من صحبيتي أو صحباتي الي من المدرسة القديمة و هما أحسن من بنات مدرستي الجديدة بكتيييير في بنات مناح و في لأ .. فأنا مش عارفة يعني ليش امي بتكرهها بدون سبب واضح !!! يعني مافي مواقف كبيرة صارت أو اشي تاني .. ياريت تعطوني مساعدة لاني أحترت كتير و تعبت من التفكير و أنا تضايقت كتير و شكراً الكم جميعاً و ياريت بدون أي تجريح
شكراً أخوي كريم , انا ما بقدر اتركهها بهالسهولة يعني بنفس الوقت بكون بظلمها و هيك و هي الصديقة الوحيدة الي بتفهمني و بفهمها 🙁
أخوي ابو البتول شكراً للنصيحة , لسة صارحت امي امبارح حكيتلها نفس كلامك حكتلي لا انو هي بس بتكرهها و حكتلي انها بنت خبيثة بس هي ابداً ما فيها خبث ولو فيها خبث كنت ع طول كشفتها بطريقتي و ألغيت صداقتي معاها .. و اختي الكبيرة حكيتلها و انتي و قدي كانت ماما تسوي فيكي هيك ؟ حكتلي اه و ازود منك ولما كبرت طلعت على حق بس مش كلهم يعني كان في بنات مناح و هيك ..
انتي ف سن المراهقة سنك 16 سنة.. دايما اهلك بيبقوا عندهم وعي وبعد نظر ابعدي عنها وركزي ف دراستك ومستقبلك وارضي والدتك احسن كوني صداقات مع بنات تانية وربنا يسعدك
قصتك دي مشابهة لقصة حصلت مع ابنة اختي كان عمر الفتاة 17سنة ولها صديقة من ايام الدراسة في مثل عمرها والبنت على دين وخلق وطيبة ومحترمة لكن اختى ام الفتاة كانت تكره البنت دي صاحبة بنتها ولاتطيقها دون ان تذكر لابنتها سبب كراهيتها للبنت وكل مرة تتشاجر مع ابنتها لانها مصاحبة البنت دي وجات بنت اختى ذات يوم لي وتشكو من معاملة امها لها وانها تطلب منها قطع علاقتها بالبنت صاحبتها دي وترفض ان تسمح لها بالمذاكرة معها او ان تاتي لبيتهم او تسال عنها فطلبت من ابنة اختى ان ترجع لبيت اهلها وتخلى الموضوع علي اتكلم مع امها وافهم منها المشكلة وفعلا ذهبت لاختى وتكلمت معها بكل صراحة وسالتها هل شفت من الفتاة حاجة ماهي كويسة وليه تكرهين الفتاة صاحبة بنتك كلهذة الكراهية فاخبرتني بالحقيقة انها كانت تعرف ام الفتاة من زمان وحصل بينهما موقف كان سوف يدمر حياتها مع زوجها لانو زوج اختى كان قد تعارف على ام الفتاة هذة وكانت اختى تشك ان في علاقة بينهما وانه يخونها مع الست دي وادت الى مشكلة تسببت في طلاقهما منذاكثر من 12سنة ولكن اختى كانت غلطانة في حكمها على زوجها واتهامه بالخيانة واتضح ان المراة دي ام الفتاة ليست هي المقصودة بل في امراة اخرى هي من كانت على علاقة بزوجها وتسرعت في اتهامها للست دي ام الفتاة وندمت اختى على مافعلته لكن بعد فوات الاوان وبعدما طلقت من زوجها وتوفي بعدها في حادث سير وطلبت من اختى ان تنسي كل ماحصل في الماضي ولاتظلم البنت صاحبة ابنتها وتكرر الغلطة التى غلطتها في الماضي وتبدا صفحة جديدة في حياتها وتتصالح مع ام الفتاة صاحبة ابنتها وفعلا رضيت بانها سوف تذهب مع ابنتها لزيارة صديقتها ام الفتاة وتصفى المشاكل بينهما وتتسامح منها وترجع صديقات كما فيالسابق والحمدلله تصالحوا وبقوا زي الاخوات وعادت المودة والمحبة بينهما اكثر من الاول وكانا اسعد الناس بهذا ابنتها وصديقتها المقربة وصارا لايفرقتا عن بعضهما
شوفي ياابنتي العزيزة لااعلم سبب كره امك لصديقتك المقربة ومستغرب انها تكره البنت دونما حصل اوبدر منها شي يخلي امك تعاملها هيك وتكرها كلهلذي الكراهية في احتمال يكون امك تعرف اهل البنت وبالذات امها وحصل بينهما مشكلة كبيرة فلما عرفت امك ان البنت دي صاحبتك مين هم اهلها ظهرت كراهيتها لها وعاوزك ماتزعلي امك اوتغضبيها علشان هذة الصديقة مهما حصل تظل امك هي ست الكل واجب احترامها وتقديرها وارضاها ولاقول لك اقطع علاقتك بصاحبتك هذة او اتركيها بل اسعى لارضا امك والاحسان لها وخلى صاحبتك هذة تسال عن امك وتوود اليها وتتكلم معها وان شاء الله مع التقارب والكلام الطيب والمعاملة الحسنة تزول تلك الكراهية من امك لصاحبتك وتبقا المودة والمحبة بينهما والله يصلح لكم الحال ويوفقك ويسترعليك ويسعدك في هذة الحياة