السلام عليكم ورحمة الله وبركاته اولا انا بنت في المرحله الثانويه ومشكلتي هي غبائي وعدم تركيزي طبعا لمن كنت صغيره ما كنت زي كده كنت زكيه وكنت اركز وانتبه اما دحين كل ما اكبر كل ما اسير متخوره ومتنحه وسرت دايما انخدع بالناس واخليهم يضحكو عليه واتعرض للشتم والتحقير
واحيانا الضرب سرت حاسه نفسي اني ماني طبيعيه ليش انا ماني زي بقية الناس اعرف كيف اتصرف وافكر وانتبه وايضا بسببها سارت امي تقول عليه مصيبه واختي تسبني بسبات ماينفع اقولها من كتر ماهي مش كويسه ,طبعا ممكن من كلامي دا ما تفهموني فحقلكم مثال:
1_في مره نسيت فيها كتابي وبعده بيوم كان اختباره
2_ومره كنت لوحدي في البيت معدين جا عمي ودق الباب قلتلو انو مافي احد في البيت بس قال انو بيدخل وقتها ما فكرت وقلتلو انو ماعندي المفتاح يعني انو اهلى خرجو واخدا المفتاح معاهم المهم هوا طبعا ما قعد كتير بس شرب مويه وراح معدين لمن اتصلت باهلي طبعا صرخو عليه وسبوني وقالولي ليش ماقلتيلو انو ماعندك المفتاح معدين لمن جو امي ضربتني كفوف وصرخوا عليه واختي رمتني بشنطه والشنطه كان فيها حزام زي الحديد جات على بطني ومن يومتها طبعا بطني سارت توجعني وطبعا بعد ما ضربوني حصلي ارتجاف وتشنج عشان انا معايا مرض السكري اصلا معدين اختي بدال ما تساعدني عشان جالي تشنج ورجفه جلست تضحك عليه بحقاره يعني كانها تقولي احسن الي بيحصلك دا .
واخيرا احب اقولكم انو مو دي بس الحوادث الي حصلتلي من تناحتي كثير وادا جلستو معايه حتعرفو مدا غبائي وملاحضه اخيره وهي ان هده المشكله والحمد لله لم تؤثر على درجاتي في الاختبارت
