بنت عمي تعشق صاحبتها بجنون

مرحبا كيفكم أنا اول مرة اشارك بموضوع هنا بس حبي لبنت عمي هو اللي خلاني اناقشكم مشكلتها واتمنى تعطوني الحل المناسب لانه الموضوع بالنسبة لي مهم جدا
أولا بنت عمي عمرها 13 سنة وانا عمري 15 احنا دائما يفكرونا خوات نلبس نفس الشئ نتشابه ف الشكل وكأننا توائم وكل يوم على تواصل
بس من بداية السنة الدراسية هذي كانت تخبرني انها تحب وحدة بنت ف صفهم وانا قلت عادي يعني بس مع الوقت هذي البنت صارت بعد تحبها وبعد فترة قصيرة تقوت علاقتهم جدا وصاروا يتراسلون ف الواتس اب كلام حب وبنت عمي صارت تحبها بشكل ما طبيعي تحبها بجنوووووون ولا احد يقول لي عادي حب صديقات انا عندي صديقات واحبهم وكم سنة واحنا مع بعض بس مو لهذي الدرجة وكل سوالفها عن هذيك البنت طول الوقت بس تفكر فيها واذا صارت مشكلة بينهم بنت عمي تبكي طول اليوم واحيانا تنقص من كرامتها وتترجي هذيك البنت تسامحها وحتى احيانا تقول لي لو صديقتها طلعت من حياتها هي بتنتحر وما اخفي عليكم هذي البنت ما تتناسب واجد معاها لانه احنا عائلات محافظات بس هالبنت عندها ظروف انه امها ما تهتم فيها ودائما بس طالعة ومع صحباتها وتحس بنقص حنان اتجاه امها فأحيانا تعمل تصرفات خطأ وبنت عمي تتاثر فيها مثلا في مرة هذي البنت جرحت يدها بكتر على حرف اسم بنت عمي وبعدين بنت عمي عملت نفس الحركة وطبعا انا قلبت الدنيا فوق تحت عليها ولما تشاجرت معها وفهمتها كبر الخطأ اللي سوته هي استوعبت ولا هي من قبل ما كانت حاسة انه عملت شئ غلط ع بالها عادي يعني تجرح نفسها وهالحركات ومن غير انه بنت عمي فارق العمر بينها وبين امها كبير فتفكيرهم مختلف فأمهما دائما تنازعها على ابسط الاشياء وامها ما تحب تطلع مولات تحس زحمة وما يعجبها وبنت عمي تنزعج منها بس امها ف الاساس كثييير طيبة وتحبها كثيير وهي البنت الوحيدة واخر العنقود حتى اذا طلعت معاها امها بتتصل خمسيين مرة تتطمن اكلتوا صليتوا متى بتردوا حتى مرات انزعج من الاتصالات وهالفترة صارت بنت عمي تقول لي انه ام صاحبتها احسن من امها لأنه ام صاحبتها ع الاقل تطلع بنتها مرات المول عكس امها ما تطلعها ابدا يعني صارت تقارن بين ام صاحبتها اللي ما تهتم ف اولادها بس عشان ترضي ضميرها تطلعهم مرة ف السنة مول وبين امها اللي راح شبابها وهي تهتم فيها وفي اخوانها بس عشان طلعة مول … الحين انا اعطيكم من الاخر كيف ممكن اساعد بنت عمي ؟! وكيف اتعامل مع حبها لصديقتها ؟! وكيف افهمها بالنسبة لأمها ؟! المشكلة هي ما تتقبل نصيحتي لانه تشوف انه احنا نفس العمر واللي انا اقوله كلام فارغ وما في احد كبير تسمع كلمته واسفة طولت عليك انتظر ردودكم

مشاكل وحلول ذات صلة

• صديقتي المفضلة تحدث شاب
• صديق اخوي بهددني وابصر شو رح يوصل
• اهلي يرفضون يسامحوني على اخطاء الماضي
• أنا وحشة مش مجرد اني شايفة نفسي كدا
• اختي بتشرب سجاير
• شخص بيهددني يأذيني يا يأذي أهلي عشان أفضل معاه
• جدتي تميز اخوتي عني