انا بنت كنت فى الكلية وانا لا اتحدث مع شباب اطلاقا وكان فى ولد فى الكلية على طول بيبصلى وحسيت من نظراته انه فاكرنى على نياتى او ممكن يصاحبنى بسهوله مع العلم ان الولد دة باين عليه انه مش جد خالص وبيكلم بنات كتير وكان بيتعمد يكلمهم ادامى مش عارفة ليه رغم انى مش بحسسه انه واقف ادامى اصلا وكان دايما يتعمد يقف ادامى هو وصحابه ويلفتوا انتباهى باى طريقة زى مثلا انهم يعلوا صوتهم وينادوا عليه ادامى وكانت نظراته مش مظبوطة المهم فضل على الحال دة سنه فى الكلية وفى السنه اللى بعدها لقيته مستمر بردوا وحسيت ان نظراته دى حرام لانه المفروض يغض بصره مع انه عارف انى مش بكلم ولاد قمت قولت لوحدة صاحبته قوليله يلم نفسه ويبطل قله ادب والا حروح لعميد الكلية وصاحبته اكدتلى انه كدة بيحب يغلس على البنات ولما قالتله قالها انا معرفهاش ودى بنت محترمه انا بعاكس البنات المفتحة وانكر مع انه والله العظيم كداب المهم بعد ما حصل كدة يقى كل ما يشوفنى متغاظ منى وراح قال لكل صحابه فى الدفعة (ان البنت دى بتقول عليا انى ببصلها ) وعمل نفسه الملاك الطاهر ومبطلش بردوا غلاسة انا مضايقة اوى انه حكى للناس كلها ودة ثبتلى انه مش كويس خالص وبقى كل ولد يكلمنى فى الكلية او يسالنى عن حاجة بصدة وابعد عنه عشان ميفكرش حاجة
احسن حاجةتعمليهاطنشيه خالص ولاتعبريه ولوقل ادبه معك اوتحرش بك اشتكيه لعميدالكلية ده ولد مش مودب ولامحترم نفسه ويستاهل صك على دماغه وربنا يحميك من كل شر ويسترعليك
انت سيبك منه ده انسان ناقص ومش محترم او هو ممكن متغاظ منك عشان مش عارف يكلمك وعارف ان انت محترمه
المهم ان انت تتجاهليه خالص ولا كأنه موجود وربنا يثبتك على اللى انت فيه ولو تعدى عليكى اكتر من كده بالكلام فأنا انصحك انك تكبرى الموضوع وتروحى لعميد الكليه واكيد كل الناس هتشهد فى صفك وهينشدو باحترامك
احسن تصرف هو الاهمال مش لفت الانظار اليكى..وايه يعنى حتى لو كان بيعاكسك طب ما كل البنات بتتعاكس..لكن رد فعلك هو اللى غريب…وبعدين ايه يعنى لما يقول عليكى انك فكراه بيعاكسك هو ده حاجة مسيئة ليكى؟؟؟
momkin taftahi safha jadida wa tat9abalih wa tanfathi b3la al3alam al2akhar
اسف….بس انت عبيطة باللي عملتيه دا…جايز ماكانش معبر سيادتك وانتي اللي كنتي لازقاله و متابعاه و حاسه انه بيرمي عليكي كلام
اول حاجة يا استاذة هو كده عرف ان حضرتيك واخده بالك منه وبالتاكيد دلوقتى حيزود الغلسة عليكي
سيبك منه خالص ومن اي حد يتكلم وخليكي في حاليك ومن المحضره الي البيت وان شاء الله اخلاقيك حتخلي الناس المحترمة تعرف ان كذاب والناس المش محترامة عرفين اصلا
احسن حاجة مع العالم دى يا اختى هو التجاهل وعدم الاحتكاك بيه نهائيا … عايزك تحسسيه انه مش قدامك اصلا
ولا تعمليله اى قيمة لانه انسان زبالة مايستهلش ان الواحد يعمله قيمة
وعايز اقولك حاجة تانية … الاحسن انك مايكونش ليكى علاقة باى ولد فى الكلية لان دة حرام وبيجر وراه مصايب كتير ومتلتلة والله .. واديكى شوفتى اللى انتى ما كلمتهوش عمل ايه … ومال لو كنتى كلمتيه كان اتصرف ازاى
نصيحتى ليكى يا اختى ماتتكلميش مع اى ولد بعد كدة مهما كان محترم .. لان الشاب دة حاطك فى دماغة وممكن يتبلى عليكى باى كلمة
ومانصحكيش انك تكبرى الموضوع وتروحى لعميد الكلية الا لو الموضوع فعلا كبر عن كدة ودخل فى منطقة الاعراض والسمعة
ومدام انتى محترمة وفى حالك سيبية يتكلم وعلى راى المثل الكلب لما يهوهو محدش بيرد عليه .. سبيه يهوهو