علاقاتى كتير و نفسى ارجع زى الاول

السلام عليكم و رحمة الله و بركاته …
انا من زمان كان نفسى الاقى حد يسمعنى و يفهمنى و يقولى الصح مش قادرة اتكلم مع بابا و ماما خالص و لا قادرة احكيلهم حاجة عن حياتى و لما بحكى لاصحابى بحس انهم بيفهمونى بس بينصحونى على حسب حدود فكرهم و خبرتهم .. فانا اسفة هطول عليكو شوية …
انا عندى 20 سنة اكتر حاجة بحبها فى حياتى و مستنية تحصل و رابطة حياتى بيها و متوقفة عليها انى الاقى حد احبه و يحبنى بجد و اعيش معاه فى هدوء و من غير مشاكل طول عمرى رابطة حياتى بكده و تخيلت كل حاجة ممكن تحصل فى حياتى مع حبيبى و كنت مبسوطة منها اوى و حبيت احققها فى الواقع بس مش عرفت خالص بقى ليا علاقات كتييييييييير و انا فى السن دا و حاسة انى بقيت مش نقية خالص و ضميرى بيانبنى اوى من ناحية اهلى بابا و امى و اخويا و حتى من اصحابى و قرايبى و الاكتر من دا كله ربنا بعدت عنه خالص و مش ليا عين ادعيه و لا اتقرب منه من كتر تقل المعصية …
هحكى اللى حصلى و بالله عليكو اتمنى انكو تردو عليا نفسى ارجع نقية و محترمة تانى نفسى ارجع زى ما متوقعنى اهلى و اصحابى …
اول علاقة فى حياتى كنت فى اعدادى بس مش كانت علاقة بالمفهوم الطبيعى .. كنت طفلة جدا اصلا كان مقفول عليا من اهلى اوى لدرجة انى مش كنت بعرف اتعامل مع الناس و بخاف منهم جدا بس كنت بسمع البنات اللى معايا فى الفصل بيعملو ايه و المدرسة اللى كانت بتتكلم معانا فى امور الحب و كدا بدات افهم ان فى حاجة اسمها حب و لان اهلى مش قريبين منى خالص بدات افكر فى الموضوع و اعيش نفسى فيه بعيد عن كل الدنيا اللى مش عارفة اتعامل معاها .. كان ابن خالى فى الوقت دا بيحبنى اوى و كان فى نفس سنى كنت فى اعدادى وقتها و قالى و انه بيحبنى مش كنت فاهمة و قتها يعنى ايه “بحبك” بس قبلت الموضوع حسيت انه حاجة حلوة و لقيت تشجيع على دا كمان بس مش كمل الموضوع و الحمد لله بس كان بيتعامل معايا كأنه ولد كبير فاه بس انا مش كنت فاهمة و لما سمعت كلام عن الحب و فهمت يعنى ايه حب حسيت انى مش بحبه و بعدت عنه و هو سافر بس فضل اقرب واحد ليا فى قرايبى .. و بعد كدا رجع تانى و كنت فى الوقت دا كنت داخلة اولى ثانوى و كنت مقيمة عند خالتى لظروف فى بيتنا و كان ساكن فى نفس الشارع ولد و كان برضو فى نفس سنى و كان صاحب ابن خالى اللى كان بيحبنى و الولد دا كان بيحبنى و من كتر ما كنت بشوفو كتير و الكلام اللى كان بيوصلى عنه انه بيحبنى و الحركات اللى كان بيعملها قدامى حبيته اووووووووى و جه ابن خالى اللى كان بيحبنى قالى عليه و قالى ارتبط بيه و ان اكلمه فى التليفون و ان دى حاجة هتبسطه لقيت تشجيع من اقرب واحد ليا و لما قلت لاصحابى البنات قالولى دا ابسط حق ليكى و مش عيب و شجعونى برضو كلمتو بس عمرى ما قبلته او خرجت معاه كان كلام تليفون و بس عمرى ما قلتله اى حاجة فى كلام الحب كان هو بيقولى بس انا عمرى ما قلتله اى حاجة كنت بتكلم كلام عام كلام اطفال عن اصحابى و المدرسة و الدروس و هكذا بس عمرى ما اتكلمت فى اكتر من كدا بس كنت ببقى مبسوطة من الكلام اللى كان بيقولو و كان قايل لباباه و مامته بس انا مش كنت قايلة لبابا و ماما كنت خايفة اوى و فى يوم و انا بكلمه بابا عرف و طبعا اتصرف معايا زى اى أب و اتعقبت طبعا بس رجعت كلمته تانى و فضلنا سنتين بعدها لحد ما حصلت مشاكل كتييييييير و ناس كتيييييييير عرفو و كنت حاسه انى بمووت ان الناس اخدت عنى فكرة وحشة اوى و انا عمرى ما كنت كدا بس انتهت .. بعدها كنت لواحدى فضلت سنة على كدا بس كنت بسمع اصحابى بيتكلمو عن اللى مرتبطين بيهم و اللى بيحبوهم فكنت بعجب بولاد كتيييييير اوى من اللى معايا فى الدروس و كنت بحكى لاصحابى و كل واحد كنت بحس انى بحبه بجد مع انه مش كدا فى حين ان بابا و ماما عمرهم ما نبهونى او اتكلمو معايا فى حاجة زى كدا ابدا عمرنا ما كنا اصحاب على الرغم انا مستوانا الاجتماعى و الفكرى كوييييييس اوووووووى فضلت كدا لحد تالتة ثانوى و بعد كدا كان فى واحد صاحب قرايبى كان اكبر منى بسبع سنين اتشديت ليه و مع الوقت حسيت انى بحبه اوى و اتعلقت اوى برضو كنت بحكى لللى حواليا فضلت احبه و اتخيل علاقتى بيه هتبقى عاملة ازاى لما يكلمنى و يقوللى انه بيحبنى تخيلت كل حاجة من الالف الى الياء فضلت 3 سنين احبه عمرى ما كلمتو و لا قلتلو و لا حتى وصلتلو احساسى باى طريقى بس فى الوقت دا قلت لماما كنت بستنى اشوفو كل اسبوع بس هى كانت بتزعق و تتنرفز عليا على الرغم انى مش بعمل حاجة غلط فكرت كتييييييير انى اقولو بس مش كان عندى الجرأة لكدا كنت خايفة من رد فعله او نظرته ليا اجلت سنة تالتة سنوى اجلت مواد فيها بسببه و بعد كدا دخلت الكلية و كنت بروح مع بنت خالى معايا فى نفس الجامعة بس كلية تانية و كانت اكبر منى ب3 سنين و عرفتنى على معظم اصحابها و لاد و بنات .. فى الوقت دا كانت ليا واحدة قريبتى بس اكبر منى باكتر م 14 سنة كنت بحكيلها على كل حاجة مش كانت متجوزة و لا مخطوبة و لا اى حاجة خالص بس كان ليها علاقات كتير لحد دلوقتى هى مش متجوزة بس علاقتى اتقطعت بيها بس عرفتنى كل حاجة فى الدنيا و شجعتنى على كل حاجة و بررتلى كل الغلط اللى فى الدنيا كان ابن خالى اللى بيحبنى مسافر و رجع فى الاجازة اللى قبل الكلية و قالى انه بيحبنى تانى هى قالتلى اجرب جايز احبه و انسى اللى كنت بحبه من طرف واحد دا سمعت كلامها بس مش قدرت اكمل و بعدت عنه و فضلت احب من طرف واحد تانى .. دخلت الجامعة و كنت بروح مع بنت خالى اللى كانت اكبر منى ب 3 سنين و عرفتنى على اصحابها و كانت دايما بتحكيلى على واحد زميلها دايما كانها بتحاول تحببنى فيه و كانت دايما تقولى هخليكى ترتبطى بيه حسيت انى حبيته قبل ما اشوفه او بمعنى انى اتشديت ليه فى حين انى كنت بحب الولد من طرف واحد نزلت معاها الكلية اكتر من مرة بس زميلها دا مش كان بينزل لحد ما قبلته فى فرح اخت واحدة صاحبتها هو كمان شافنى و اتشدلى و انا كمان اتشدتلو كان مرتبط وقتها و سابها و اتفقنا كلنا على اننا هنخرج مع بعض يوم و هو جه علشان يشوفنى اسلوبه و حركاته و كلامه و اهتمامه بيا شدنى اوى و فى نفس اليوم عرفت ان الولد اللى كنت بحبه من طرف واحد خطب و هيتجوز انهارت جدا بس مش طولت بسبب و جود الشخص التانى دا فى حياتى مع الوقت و من خلال كلامى معاه ارتبط بيه و كنت عارفة انه لسه بيحب حبيبته اللى قبلى و انا كمان كنت لسة بحب حبيبى خلال شهر كنا مرتبطين كل حاجة فيه حببتنى فيه قلت لماما و كان معارضة طبعا علشان كدا رجعت خبيت عليها بس معاه وصلت لمرحلة فى حبى ليه و كأن زى ما بيقولو “استغفر الله العظيم” ان ربنا فوق و هو تحت كان اى حاجة بيقولها او يطلبها كنت بنفذها من غير نقاش كنت بحس ان روحى فيه لو سابنى هموووووت و هو كان عارف كدا فكان بيتكلم معايا فى اى حاجة و عرفنى كل حاجة ممكن تتخيليها و مش كنت بقول لا كنت بخاف يسيبنى و بعد كدا طلب منى اروح ليه بيته كنت فاكراه فى الاول بيهزر او بيختبرنى بس طلع بيتكلم بجد كنت خايفة برضو اقول لا و يسيبنى بس هو كان بيحبنى اووووووى و كان باين المهم رحت ليه البيت بس اول مرة مش حصل حاجة خالص مجرد قعدنا مع بعض و بعد كدا مرة على مرة بدا يتعامل معايا على انى مراته زى المتجوزين بالظبط بس لسه زى ما انا “بنت” و مع ذلك مش عمل كدا مع اى بنت غيرى انا بس و عمره ما اخد عنى فكرة مش كويسة و كان مقدر اللى بعمله علشانه بس كانت بتيجى عليه اوقات كنت بحس انه مش مقدر و لو حصلت بنا مشاكل يكلم كتييييير غيرى و يتكلم معاهم فى الحاجات اللى كن بيتكلم معايا فيها حزرته من كدا كتييييير و مش كان بيبقى فى فايدة كنت لما بغلط كان بيشتمنى و يهينى جامد اوى و يجرحنى و يكلم غيرى و يرجع يحسسنى بالذنب من ناحيته و يخلينى اعتذر سواء غلط او لا هو كمان عمل حاجات كتير حلوة علشانى و معاملته فى الاول ليا كنت بحسد نفسى عليها بس اتحول مع الوقت و بقت كل مقابلتنا عنده مش بقينا نخرج ابدا الا قليل اوى بس انا كنت ببقى مبسوطة علشان كنت حاسة انى برضيه بس كان باين برضو انه بيحبنى .. كنت بحزره كتير انو كدا بيبعدنى عنو لان مش دى الحياه اللى انا تخيلتها كمية المشاكل اللى كانت بتحصل كان مش فى فايدة لحد ما بعدت عنو بالفعل احساسى بيه مات و كنت بتشد لاى واحد يظهر فى حياتى فى الوقت دا المهم زوجة اخوه عرفت بموضوع انى كنت بروحله البيت بصراحة قالتله يقدرنى بس بعد كدا حصلت ظروف ليا و مع احساسى بيه بعدت عنو اكتر من 3 شهور .. فى الفترة دى كان فى ولد مع والدى فى الشغل اكبر منى ب 3 سنين عرفته من 7 سنين بس من يوم ما عرفته و انا حاسة انه دا نصيبى عارفة ان مش فى حد بيحس بكدا بس دا الولد الوحيد اللى حسيت ناحيته بكدا فى كل اللى حبيتهم مش حسيت الاحساس دا ناحيه اى حد فيهم بس الولد دا انا مش بحبه بس مشدودة ليه علشان بس الاحساس اللى حاساه ناحيته .. بعدت عن الولد اللى كنت مرتبطة بيه تقريبا 3 شهور و فى الوقت دا كنت مشدودة للولد اللى حاسة انو من نصيبى بس كان الولد اللى كنت مرتبطة بيه كان بيحاول يدايقنى و يستفزنى علشان ارجعله غرت عليه و رجعت كلمته تانى بس مش كنت حاسة انى بحبه كنت غايرانة بس و قلتله على اللى انا حاساه ناحية الولد اللى انا حاسه انو من نصيبى دا اتضايق طبعا بس فضل جنبى و استحمل طبعا انا عملت فيه نفس اللى عمله فيا و كنت بجرحه اوى لانى كنت محروقة منو فضلنا كدا شهر و نص لحد ما زهق و مش كلمنى تانى .. و انا بكلمه ابن خالتى اتقدملى بس اخته اللى قالتلى فى حين انه كان خاطب قبلى مرتين مش رديت عليه و قلت لبابا و ماما انى مش موافقة بس كان لسه مش اتقدم رسمى كان كلام بس بينى و بين اخته بس كان ناوى يتقدم بعدها باسبوعين قطعت كلام مع الولد اللى كنت بحبه و كنت نسيت موضوع الولد اللى كنت حاسة انه من نصيبى و تانى يوم اتقدملى عريس فيه كل الصفات اللى تتمناها اى بنت وافقت مش علرفة ليه و كنت مبسوطة فى الاول مع الوقت حسيت انى مش بحبه خالص و لا قادرة اتصوره حاولت و مش قادرة فضلت شهرين مخطوبة و رجعت كلمت الولد اللى كنت مرتبطة بيه رجعت زى الاول معاه و رحتلو بيته تانى مرتين و دا كله و انا مخطوبة مش طايقة خطيبى مش قادرة اتصوره و مش لاقية سبب مقنع اقولو لاهلى علشان افسخ الخطوبة بعدها باسبوع من رجوعى لحبيبى حصلت مشاكل بينا كتير و كان بيجرحنى اوى و كنت هسيبه بس رجعنا تانى و اتفقنا انه يرجع زى الاول و مش يكلم بنات تانى خالص يبقى ليا انا و بس و انا هفسخ خطوبتى و ارجع ليه فى نفس اليوم بتصل بيه لقيته انتظار و لما سالته قالى انه مش كان بيكلم حد و انه تليفونو معلق على تليفونى زعلت و قفلت معاه و قعد يتصل كتير بعدها مش رديت و لما رديت بعدها قالى انه كان بيكلم واحدة قررت انى ابعد خالص و عمرى ما هرجعلو تانى بس هو بيحاول يعمل اى حاجة علشان يرجعلى و انا مش عايزة .. بس انا هخلينى صادقة معاكو مش قادرة اتخيل حياتى مع شخص غير اللى حاسة انو من نصيبى دا مش عارفة ليه بس حاسة انه الوحيد اللى هبقى مقتنعة بيه و مش هبص لحد غيره و لا هخونه و انه الوحيد اللى هيملى عينى و مش هيخلينى ابص لحد غيره انا دلوقتى فسخت خطوبتى و مش فاكرة اللى كان خطيبى دا اصلا لانه مش اثر فى حياتى خالص بس اتحسبت عليا علاقة و خطوبة و خلاص دى الحاجة الوحيدة اللى اثر بيها و رجعت لحبيبى اللى مرتبطة بيه بس مش ناوية معاه على حاجة و لا متخيلة حاجة معاه و مش بسال على حاجة او ايه اللى هيحصل معاه عادى يعنى عايشة حياتى و خلاص بس بفكر فى الولد اللى حاسة انو من نصيبى دا و مستنياه و بتمناه اوى على الرغم انو ارتبط هو كمان عارفة ان الحكاية معقدة جدا و اى حد هيقرا الكلام دا هيقول عليا عبيطة بس دا اللى انا حاساه ارجوكو افهمونى و حسو بيا لاحظو ان انا وقفت حياتى على وجود شخص احبه و يحبنى بس …
بصو فى الاول كنت متربية اوى و كنت بصلى و بحفظ قران و كنت على وشك انهيه و كنت بكره الغلط اوى و اهلى ناس محترمين جدا و بتوع ربنا اوى انا فى كلية عالية و بابا و ماما مراكزهم عاليه فى شغلهم و اخويا فى ثانوى و متفوق جدا مش عرفة ليه مش عملت حساب لدا كله طول حياتى و الاهم من دا كله مش عملت حساب لربنا “عز و جل” .. باختصار انا حياتى دلوقتى بتتلخص فى انى كنت مخطوبة لواحد مش بحبه و مش متصوراه زوجى ابدا على الرغم انى وافقت عليه و كنت مصرة و فى نفس الوقت بكلم حبيبى اللى بحبه و بيحبنى اوى على الرغم من ان انا برضه مش متخيلاه زوجى و لا مستنية حاجة منه و لا ناوية على حاجة معاه على الرغم انى بحبه اوى و مش هقدر ابعد عنه بسهولة طبعا مش قادرة اقوله انى مش عايزاه تانى و مش عايزة اكلمه لانى خايفة اجرحه بجد و اعمل اللى عملته معاه تانى انى اجرحه و اقوله انى مستنية واحد تانى و خصوصا انى اتخطبت و هو سامحنى لما رجعتلو و حس انى محتجاه و منتظرة الولد اللى حسيت انه من نصيبى على الرغم انو ارتبط و كنت ناوية اقولو من الاول قبل ما اتخطب او ارجع تانى لحبيبى و هو مش كان ارتبط لسه ندمت انى مش قلتله اوى و مؤخرا اتعرفت على ولد اصغر منى باكتر من سنة عن طريق واحدة صاحبتى بيحبها بنتكلم اصحاب بس كلامه بيبين انه بيلاقى فيا اللى مش لاقيه من حبيبته اللى هى صاحبتى و الموضوع قلب بحاجة تانية حب يعنى و كدا بس مش من ناحيتى انا حسيت انى كنت بغير عليه ساعات و بخاف على مصلحته بس خلاص مش عايزة اكلمه تانى بس انا بخاف اجرح حد او ازعله .. دى كل حياتى باختصار 🙂 .. انا حاسة انى اوحش واحدة فى الدنيا و انى مش بقيت محترمة ابدا و لا نقية و كمان بقت فيا صفات مش حلوة خالص مش كنت اتمنى انها تبقى فيا بقيت احس انى حبيثة شوية و بغير من اللى حواليا و احس ان هما احسن منى و عايزة اقلدهم على طول و احس بالنقص ناحيتهم و بحقد و غير كدا بعيدة عن ربنا اووووووووى و علاقتى بامى زفت و بجرحها جدا و مش عارفة اتحكم فى نفسى حاسة ان الطريق دا بيشدنى غصب عنى .. نفسى ارجع زى زمان تبقى ليا حياة هادية من غير مشاكل مع اى حد فى ظل رضا ربنا و انتظر الولد اللى حاسه انه من نصيبى و انا طاهرة نظيفة عند حسن ظن ربنا و اهلى و اصحابى و زوجى مستقبلا بيا عارفة انو ارتبط بس انا عندى حسن ظن بالله انه يكون من نصيبى نفسى اوى لانه الوحيد اللى حاسة انو هيعوضنى عن كل حاجة و هيملى عينى و مش هخونه ان شاء الله و دا لانى حاسة ان من كتر ما بحب و بحب بسرعة و ببعد بسرعة هخون زوجى لو عاملنى وحش او حصلت بنا مشاكل انا نفسى فى حياة هادية فيها مشاكل طبعا بس تتحل بحب و من غير عنف .. ارجو منكم مساعدتى لانى محتاجة ارجع زى الاول لانى تعبت اوى من كتر التجارب اللى فى السر اللى مريت بيها و انا فى سن صغير كدا .. ارجو من الله انك تقرأو رسالتى و تردو عليا .. و جزاكم الله خيييييييييير

مشاكل وحلول ذات صلة

• خائفة أن أخسره
• خبيت مشاعري خوفا من ربنا وبفكر اصارحه
• بحبها وشاكك من اسلوبها الناعم فى الموبايل
• هو ده حب المراهقة ولا كان بجد
• ما هي الاشارات التي تدل على اعجابه بي
• انا بحب وحده بس مش عارف ان كانت بتحبني
• كيف اتعامل مع مدرسى الذى احبه