السلام عليكم
انا فتاة ابلغ من العمر 25 عاما تعرضت قبل البلوغ بقليل للتحرش لسنوات من اخوانى
ولدين واحد فيهم كان مستمر والتاتى امتنع من نفسه وكنت صغيرة ومش فاهمه حاجة ومكنتش بتكلم ولا اقول خوفا من اهلى ان يعاقبونى رغم انى مكنتش فاهمه بس كنت حاسة بالذنب وكمان كان ليا جارى صاحبهم وكنت بطلع لاخته اكبر منى بكتير وحاول يتحرش بيا وفعلا بالاتفاق مع اخته تم الامر ولكن اعتقد مع كل هذة المحاولات انها كانت خارجية ولم افقد بكارتى الحمد لله
المهم اخويا كان بيضربنى كمان قبل مايبدا يتحرش بيا زمان كان عنيف دايما معايا ايما كنت ابكى واهرب لجدتى منه ولانشغال اهلى بالعمل ومخدش قريب منى مكنتش بعرف اشتكى كنت بكتم فى نفسى وعانيت كثيرا فى طفولتى رغم كل ماحدث كنت متفوقه جدا فى دراستى الى ان بلغت وشعرت باحتياجى للحب اللى ملقتوش ولا مرة كنت بحاول اتعلق باى شخص ادامى واتعب اوى لما يطلع بيمثل عليا او مش بيحبنى فعلا لحد ماضعت فى الثانوية من كتر منا بفكر فى الحنان والعاطفة اللى مش لاقياهم وجبت مجموع وحش رغم نجاحاتى السابقة وطبعا مفوقتش من وهم الحب المرراهق الا بعد ماضيعت مستقبلى فى كلية صغيرة وكل اصحابى دخلو طب وهندسة رغم انى كنت اشطر منهم
دلوقت انا فى البيت والحمد لله كل اخواتى اتجوزو وبعدوا عنى لكن انا معنديش حياه عائليه محدش قريب منى من اهلى ولا قرايبى ولما اخواتى بيزورونا بكون مخنووقه اوى مافيش علاقه خالص بكرهم وبكره اهلى اللى مربهمش ومخدوش بالهم منى زمان ولا فى اى مرحلة
انا تعبانه نفسيا وكل الناس فاكرانى انطوائية وغريبة حتى اهلى
انا نفسى اتجوز وابعد عنهم كلهم
قولولى انا عاوزة اعرف اعمل ايه فى وضعى دا وهل صلة الرحم بالنسبة لاخواتى واجبة برضه ولا انا ليا عذرى منا بصراحة مش هقدر ولا طايقة اى حد منهم ولا عيالهم
وجهونى وادعوولى ان ربنا يبدل حالى لاحسن حال
التحرش الجنسي
تحرش من اخوانى وجارى هدمنى نفسيا
اضيف بتاريخ: Wednesday, January 13th, 2016 في 01:59
كلمات مشاكل وحلول: البلوغ, التحرش, الثانوية, الحب, فتاة
لاحول ولاقوة الابالله الله المستعان اختي عليكي بتوكل على الله حفضي على الصلاة واكثري من الاستغفار والصلاة على الني لن هذا سبب تفرج الهم
الاخت الفاضلة صاحبة الشكوي – جميل جدا انتي كتبتي المشكة وبتقري الردود وبتعقبي عليها – باخصار ربنا جعل لنا النسيان نعمة- وانتي تحمدي ربنا انك سليمة ومحصلش ليكي فض لغشاء البكارة – وحاولي تتأقلمي مع واقعك – وانتوا كنتوا صغيرين والوقت كفيل بأن ينسيكي كل الماضي وحاولي تساعدي نفسك – وحاولي تكوني اجتماعية -وهذا هو الطريق الوحيد للوصول الي زواج من المحيطين حولك – من اقاربك أو زملائك في العمل أو جيرانك – أو من المسجد اقارب المصليات ابن او قريب لهن – حاولي تساعدي نفسك – وتقربي الي الله سبحانه وتعالي بالصلاه وقراءة القرأن الكريم – والاستغفار في وقت السحر – والله سبحانه وتعالي ينزل بما يليق جلاله سبحانه وتعلي في الثلث الاخير من الليل ويقول يا عبادي هل من مستغفر فاغفر له – هل من تائب فاتوب عليه – هل من صاحب حاجة فاعطيه – اختي الكريمة صلي صلاة الليل وادعي الله سبحانه وتعالي واستغفريه – وربنا يوفقك وكل عام وانتم بخير
اختي صاحبة المشكلة لست الوحيدةفي هالحياة تعرضت للاغتصاب اوالتحرش الجنسي في حياتها غيرك الكثير من البنات تعرضن لابشع انواع التحرش وربما فقدن بكارتهن وعايشات حياتهن دون خوف اوقلق لانهن واثقات بالله عزوجل وانهن ضحايا لذئاب بشرية وههن لاحول لهن ولاقوة في هذا وصبرنا وتحملنا حتى جاءهن الفرج من الله عزوجل وتزوجن من رجال تخاف الله وناس صالحين ربنا يكرمك نشاءالله بواحدمنهم عليك بالزواج فهو ستر ةلك وعفاف في هذي الحياة واكثري من الدعاء لله عزوجل بان يرزقك الزوج الصالح في حياتك وربي يفرج عنك ويكرمك من واسع فضله وعظيم احسانه
الشاكية الكريمة بعد التحية والاحترام – لقد أضحكتيني عندما قرأت تعقيبك الأخير- ليه دا كله ؟ ومن أين أتيتي بكل ما وصفتي به نفسك
*يوجد خلل في شخصيتي
*لا أحب الجلوس إلى الناس
*لا أعرف التكلم مع الآخرين
*أشعر بالخجل لاعتقادي أن الآخرين يعلمون أسراري
*لا أجيد التواصل مع أحد
*لا أحب أحد
*لا أستطيع تمني الخير للآخرين
*لا أشعر بالحزن لمصائب الآخرين
*لا تحركني دموع الآخرين
*لاأشعر بالأحداث
دانتي وصفتي حالتك بشكل لايجيده الطبيب النفسي
وما حدث في حياتك ليس لك فيه ذنب فلا تتركي نفسك للماضي الذي أوشكتي به أن تنسي حقوقك على نفسك ورسم خريطة
المستقبل قلت لكي أدفني الماضي وفكري فقط في بكره في الشيئ اللي إنتي عايزاه هتلاقي روحك أوتوماتيك بتتغيري
يعيش الإنسان بخمس أشياء وهي (النفس والروح والعقل والقلب والجسد) لا تستسلمي لوسواس نفسك فالنفس أحيانا تأمر بالسوء وإذا أمرت بالسوء إنصاعت لها جميع الجوارح لأن الشيطان يسكنها فالنفوس ثلاثا النفس المطمئنة والنفس اللوامة والنفس الأما رة بالسوء
والقلوب أيضا ثلاثا قلب سليم وقلب مريض وقلب ميت والعياذ بالله
وأنت تعيشي بنفس لوامه وطول الوقت تعاقبين ذاتك دون تحري الحقيقة – قلت لك لاتنتقدي نفسك ولا تعيشي بالماضي – عيشي بنفس مطمئنة – أنت ليس بك شيئا شاذا بالمرة – فقط عيشي بقلب سليم ونفس مطمئنة هترتاحي وتنسي كل اللي انتي فيه ولك التحية
انا لا اري في كلامك تأثر نفسي عميق يمكن ان يكون عائقاً يقف امامك للوصول الي بر النجاه .. اللي حصل حصل وعليكي انك تنسي الماضي برمته وتبصي في حاضرك ومستقبلك .. علاقتك بنفسك اهم بكتير الان من علاقتك بمن حولك .. لان حالة العزله اللي بين رغبتك وقدرتك هتخليكي واقفه مكانك ومش هتاخدي اي قرار ايجابي .. لازم تخلقي اهداف في حياتك عشان تخرجي من قوقعة الانطوائيه .. ولازم تحاولي تحسني علاقتك بابوكي وامك وتتحملي في سبيل ده اي ردود افعال متوفعه نتيجة الجفاء والعزله الطويله .. وانا عن اخواتك .. فلو كانت زي ما حكيتيها .. فالخجل في اللقاء يبقي في عيونهم مش عينيكي .. كرهك ليهم امر مبرر بل ومنطقي .. لكنه بقائه هيكون عائق في طريق الحل .. لازم ترجعي التوازن في علاقتك مع الجميع .. لان ده هيساعدك كتير انك تتحرري من رواسب الافكار الهدامه .. ومن الواضح من كلامك ان اخواتك اتجوزو ومن ساعة مانتي كبرتي مفيش محاولات لاعادة الماضي .. يعني ممكن نعتبر الامر شهوة شباب في مرحلة المراهقه رغم انه امر ينم عن اخلاق واطيه اما تتوجه الشهوه للاخت .. الا انه تلاه امتناع ناتج عن انهم كبرو وانك كبرتي .. انتي جالك فقدان للذاكره وعقلك سف مرحلة الطفوله واخفاق الثانويه .. وابتدي يسجل من دلوقتي كوني قمه في قاع كليتك الصغيره وورده في بيت اهلك ودوده وحبوبه وشقيه وعيشي سنك وحاولي تتجاهلي نقطة البحث عن مشاعر الحنان والطيبه لانك هتلاقيها في حد من اهلك او اصحابك او المجتمع المحيط بيكي لما تقرري انك تبقي انسانه تستاهل تتحب .. ولو احتاجتي اي استشاره يسعدني التواصل معاكي .. ربنا يخرجك من كبوتك علي خير .. والعزله جفاء .. والبشر ليسو كلهم شياطين وليسو جميعا اسوياء ..
استاذ امجد عبد الوهاب
للاسفوحاولت انسى وابدا لكن يوجد خلل فى شخصيتى اعتقد رهاب اجتماعى
لا احب الجلوس مع الناس او مخالطتهم
ولا اعرف التكلم مع الاخرين اشعر بالخجل وكانهم يعلمون مافى
كما اننى لا اجيد التواصل مع احد ولا احب احد ولا استطيع تمتى الخير للاخرين لا اشعر بالحزن لمصائب الغير
ولا يحركنى دموع الاخرين
احس ببرود عام لكل الاحداث وكاننى قد عشت اخطر من كل الاحداث فلا اهتم بما دونها
اريد الارتباط بشدة ولكن لا ادرى كيف ساربى اطفال وميف ساتحمب مسؤوليه
المحترمة صاحبة شكوى : ت تحرش من اخوانى وجارى هدمنى نفسيا
السلام عليكي ورحمة الله وبركاته – حين أتهمتك بالتقاعس فأنا لا أقصد أنها وصمة فيكي أو أنك معوجة لاسمح الله – لكن واضح أن المهتمون بك قليلون حولك ولهذا فقد اختلت عجلة الإتزان في الحياة معك – وأنت لاتحتاجين طب نفسي لا أبدا كلنا مرينا بظروف مشابهة لظروفك وعدت الأمور والزمن أصلح كل شيء وأنت أجبتي عن انتقادي وقلتي منسوخا : (محدش زرع فيا إنى أكون مش خايفه لو حد ضايقنى أو ممكن ضرب أهلى وضرب إخوانى جعلنى أخاف وقتها) نعم وهنا الخلل ضرب إيه بس هي البنات تنضرب ؟ إيه التخلف دا ؟ ! واضح أنك كنتي ضحية إهمال توجيهي وتربوي من أسرتك وأعجبتني كلمتك حين قلتي (محدش زرع فيا إنى أكون مش خايفه لو حد ضايقنى) نعم لقد أهملوكي ونسوكي أو خبراتهم قليلة فى السلوك التربوي ومسئولية التنشئة السليمة –
الخلاصة : نحن جميعا معك ولن نتخلى عنك وأعلمي أنك لست في مشكله عويصه بس أنتي مكبره الموضوع شويه
النصيحة : أشطبي من حياتك تماما فترة طفولتك وعيشي اليوم بنفسية صافية وأعلمي أن المخلوقات كلها لاتعيش بالماضي بل انظري إلى بكره وعايزة تعملي إيه – ولا تلتفتي خلفك أو تنبشي الماضي – ادفنيه كماهو – أنت اليوم إنسانة جديدة – ونحن معك
لا تذهبي للطب النفسي فأنت لست مريضة نفسية – نصيحة أنت فقط ينقصك شيء من التفاؤل والنسيان مش أكثر – يوفقك
كنتى صغيره وكان اخوانك صغار وكان جارك صغير وعفا الله عما سلف واكيد لاهما راضين اليوم ولا انتى راضيه بما حدث ولا اجد سوى باب التوبه تقبل الله منكى وصفحه جديده من عمرك ابدائيها كما تشائين وكفى بكاء على ماضيكى ولتكن بدايتكى أيوم
مجنون نسوان
تزاى ليهم حق وانا حقى فين ازاى. اود حد دمرلى حياتى
ربنا ميرضاش الظلم واللى انا عايشاه من تعب وكسرة وضياع لكل حاجة حلوة فى حياتى
أبو البنات
بقالى سنين نفسى ازور طبيبة نفسيه
بس اولا مش عارفه هتتكلف كام
تانى خاجة انا فى مدينة صغيرة معتقدش فيها حد لازم اسافر نفسى الاقى حد يتبنى مشكلتى ويتواصل معايا للعلاج لانى تغبت اوى ونفسى انهى كل دا
استاذ امجد عبد الوهاب
بتتهمنى بالتقاعس فى فضح اللى حصل انا كنت طفلة وكنت خايفه واعتقد ان مخدش زرع فيا انى اكون مش خايفه لو حد ضايقنى او ممكن ضرب اهلى وضرب اهوانى جعلنى اخاف وقتها من البوح
لا اعلم السبب ولكنى شعرت انى مذنبة رغم انى مكنش ليا يد دا نابع من الاسرة اكيد
ازاى بتطلب منى ازورهم وانخرط انا مش حاسة انى قادرة خالص غصب عنى
ربنا يعينك يارب ويوفقك ويرزقك بالزوج الصالح امين
ت تحرش من اخوانى وجارى هدمنى نفسيا
(ليس أقدر من الشخص نفسه على حل مشكلتة فأنا لا أحل المشكلة جذريا ولكني أضيء له الأنوار ليرى فيها جوانب لن يراها من نفسه )
بسم الله الرحمن الرحيم – أنتي تعيشين حالة معينة والحالة تطورت إلى مشكلة أو شبه مشكلة – فأنتي لن تستطيعي أن تتحكمي في أخلاقيات من يحيط بك – وكان الأجدر بك أن تصفعي اخاكي الذي تحرش بك وليكن مايكون وقتها وافضحي أمره عند أباكي لكن قد يكون ماحدث لك يرضيكي بدليل أنك قبلتي تحرش جارك بك وأيضا لم تخبري أهلك ليردعونه عنك وشكلك يقول أنك جميلة للدرجة التي تجعل من يراكي يشتهيكي أو على الأقل جذابة لمن ينظر إليكي أو تنظرين إليه – انت تعيشين بنفسية مدمرة جعلتك بعيدة عن مباهج الحياة واعلمي أنك شريكة في هذا التدمير بسلبيتك أوتقاعسك عن الثأر لنفسك – واليوم تشكين مر الشكوى وتعيشي في حالة عزلة قد تكوني أنتي من تفرضيها فقد ضربتي حصارا وسياجا حولك وليس من حولك هم من فعلوا هذه العزله كما تدعين بدليل اعترافك بتزاورهم لكم وانتي التي لا تباركين هذه الزيارات لتوهمك ولعدم ثقتك بالجميع – أقول عندك حق نعم وبلا مجاملة فواضح أنه لم يوجد من يهتم بك منذ الطفولة ولذا شعرتي أنها كدا الحياه – هي دي الحياة – لا بل إنخرطي مع الجميع وكوني أكثر اجتماعية حتى تمحي عنك اتهام (الإنطوائية) الوهمي الذي يوصمك به الجميع وأعتقد أنك لست كذلك – أما من ناحية صلة الأرحام فأنتي من تستحقين السؤال والتواصل من قبل الجميع وليس معنى هذا أنك معفية من مسئولية البدء بالتواصل – لا ابدأي واسألي أنتي علشان على الأقل تحدي من حالة الإختناق التي تعيشيها – أنت في حاله ماسة للإهتمام ممن حولك بك – فلا تساعديهم في الإبتعاد عنك أكثر من ذلك – لا زلت أقول وأوضح أنك ظُلمتي (بضم الظاء) مجتمعيا وأسريا وساءت حالتك النفسية بسبب حالة الجفاء التي تحيطك – ساعدي نفسك للهروب من حالتك والجأي عاطفيا إلى أعز صديقاتك لتخفف عنك حالة العزلة التي تلازمك – دعواتي لك براحة البال وصلاح الأحوال وتحقيق الآمال والعريس ابن الحلال والهداية من رب العباد والحماية من الأوغاد ويسعدك ربي ويحميكي ويجعل حياتك كلها أعياد – آميييييييييييييين
ابنتي ماحصل لك من تحرش من اخوانك في الماضي وانت صغيرة اسال الله ان يعفو عنك وعن اخوانك ويقبل توبةالجميع اكثري من الاستغفار والدعاءلله عزوجل بان يكرمك بابن الحلال الصالح واهتمي بنفسك وحافظي على اخلاقك وشرفك ولاتفرطي فيهم ابدا وايضا اهتم بدراستك ومستقبلك لاتخلى تلك الامور توثر على تفوقك والوصول لطموحك في الحياة بالعزيمةوالاصراروالتحدي تحقق كل طموحك وامانيك في الحياة واخوانك لهم حق عليك السؤال عنهم وزيارتهم في البيت والاقارب لهم صلة الرحم لاتقطعيها فالله عزوجل امرنابها وفيهاالخيروالرزق وطولة العمر في الحياة وفقك الله واكرمك من واسع فضله وبورك فيك
.. نعم لك كل الحق ولكن الي متى ستظلى هكذا .. اقدر تماما انه بمفرده لا تستطيعي نسيان ذلك فالجرح كبير والمواقف
كثيره..ولذا انصحك أن تتخذي قرارا حاسما وتزوري أخصائي نفسي وهذا ليس عيبا وقد جعل الله لكل داء دواء ولا حياء في العلم فلا تتأخري في ذلك
وابدئى من أﻻن وان شاء الله ستنعمي وتسعدي بحياتك ..وفقك الله وسدد علي الدرب خطاك..
اوعى تزوريهم اقطعى صلتك بيهم خالص وربنا ينتقم منهم واتجوزى وابعدى عنهم