بصراحه كدا انا مش عارف اعمل ايه ومحتار جدا خطيبتى خطبتها عن حب وهى بنت خالتى وانا بحبها اوى وللأسف اختها لما اتجوزت اخدتها تقعد معاها فتره الاجازه كان زوج اختها يسيب اختها نايمه وراح داخل عليها الاوضه واتحرش بيها بس تحرش بس وهى سكتت ومرضتش تتكلم عشان متعملش مشاكل وعشان خاطر بيت اختها ميتخربش وبعد فتره اختها حملت وانا ساعتها كنت خطبتها راحت بعد محيلات من اللى حوليها عشان تساعد اختها راح جوز اختها رجع تانى جى يمسكها بالعافيه زقتو راح ضربها بالقلم وفضلت تعيط وكانت عاوزه تروح و دا كلو ساكته عشان متفضحهوش وتخرب بيت اخترها وعشان كمان الناس تفكرها مش كويس وهى بنت والسمعه وكدا المهم جت اعترفتلى وانا من ساعتها وانا تعبان جدا ومش مصدق لانها محرمه عليه ازاى يفكر فى كدا قولولى اعمل ايه اسبها ولا اكمل معاها واتصرف ازاى مع جوز اختها
اخي صاحب المشكلة اني افهم شعورك هذا امر ليس هين ولكن البنت ليس لها ذنب هيه صدقت معك عليك بستر عليها
انا حابب بس اقول حاجه اننا ليه بنقلل من كرامتنا اوى كدا عشان شهواتنا انا انسان متجوز المفروض احافظ على بيتى لان كما تدين تدان الانسان دا استفاد ايه لما عمل كدا غيل التهزيق وان قل من كرامته وبقى شكله وحش جدا وفقد الثقه من الناس اللى حواليه وعلى فكره من ساعت ما عمل كدا وسبحان الله والله المرض ما ساب جسمو وبقى مديون فى حاجات كتير وربنا فعلا بيخلص حق الناس وحق المظلوم لانو كسر قلب انسانه محترمه واللى عاوز اقوله ان ربنا كبير وكبير اووووووووى كمان ارمى حمولك على ربنا وقول يارب وسيب ربنا يخلصلك حقك ومحدش يستهون بكلام ربنا لان فعلا كلمه كما تدين تدان كبيره اووووووووى للى يفهم معناها
اولا شكرا جدا لكل واحد نصاحنى الحمد لله انا وقفت جنب خطيبتى لحد لما جبتلها حقها ورديت ليها كرامتها ومن غير ما اعرف امها واخهت وجوزها انى عارف حاجه خليتها اتصلت بيه وكنت معاها ع الموبل وخليتها سجلت ليه المكالمه وهى بتكلمو قالتلو المكالمه اتسجلت فضل يعيط وقال انو هينتحر وان هو مش هيعمل كدا تانى ومش عارف هو عمل كدا ازاى وفضل يحلف فيها ان هى متجبش سيره لحد وتفضحه لان اهلها كلهم عصبيين جدا ومش بيتفاهمو فى اى حاجه ولو والدتها عرف بكده ممكن يقتلو فيها المهم هو مصعبش ليا قولتلها لازم والدك يعرف قالتلى بلاش هيحصل مشاكل كبيره وطلاق وفضايح قولتلها خلاص يبقى اختك ووالدتك يعرفو فوافقت وفعلا قالت ليهم وراحت امها واختها ضربوه وباس رجليهم وايديهم وفضل يعيط ويقول انا عقلى كان فين لما عمالت كدا وازاى اعمل كدا انا لو مش خايف من ربنا كنت قتلت نفسى المهم انا كمان عشان نارى تبرد شويه روحت مكلمه وزعقت معاه جامد جدا بحجت انو زعق مع خطيبتى لما كانت عندهم وطبعا مرضتش اعرفهم انى عارف حاجه وخليت خطيبتى متقولش انى عارف حاجه ومنعتو من انو يخش بيتى تانى ولا انا ادخل بيته وان انا مش هقطع الاخت من اختها هخليها تروح عند اختها بس هو ميكنش موجود وخليتها نفس النظام قالتلو مفيش بنا كلام ولا سلام ولو شوفتنى فى اى حته متمدش ايدك لانى مش هسلم لان الاول كنت بحترمك عشان جوز اخى لاكن دلوقتى مفيش احترام بنا والحمد لله دلوقتى عايشين كويس مع بعض وفاضل 3 شهور على جوازنا وانا بحبها اوووى وملحوظه للأستاذ اللى بيقول ان هى ممكن تكون بتقول كدا عشان تبعد عنى ومحرجه لا هى بتحبنى جدا وبنا حب 6 سنين وهى وقفت قدام الناس كلها واختارتنى انا وباعت الدنيا كلها عشانى واكيد برضو رأيك فوق دماغى بس حبيت اوضح الامور فقط وشكرا
طبعا ما تسبهاش هي كانت صريحة معاك و قالتلك واعرف طالما هي قالتلك حاجة زي كده يبقى فعلا حبيتك ولقت معاك الأمان و السند والظهر انا رأيي انك تكون جمبها ولازم حد من العيلة يعرف أختها أو الأم أو الأب لازم يكون في حد يوقفو عند حدو و هو لما جوز أختها اتجرأ عليها تاني ده بسبب أنها سسكتت فهو اتمادى فيها
وهي اصلا تقول لواحد متحجر مثلك لماذا اريد اعرف انا بس اين عقلها , او قد تكون هي متعمدة واصطنعت الحكاية لكي تتخلص منك , يبدو انك ثقيل دم شوف تأكد يمكن هي لا تريدك لكن لانك قريب هي محرجة كيف تتخلص منك بدون زعلك وزعل اهلك ,
لازم يتوقف عند حده وتاخد معاه موقف علي الاقل تعرف اختهغ
انا شايف انها كانت امينه معاك انها جت حكتلك على كل حاجه فمش جزاء الامانه انك تسيبها اعتقد يعنى انا بصراحه لو مكانك مكنتش هبقى عارف اعمل ايه بس هى امينه انها جت قالتلك لو هتكمل معاها خليها متدخلش بيت اختها تانى ولا جوز اختها يدخل بيتك .. خطيبتك معملتش جريمه لان التحرش بيها كان رغما وغصب عنها ومع ذلك من باب الامانه جت حكتلك تحياتى ليك وليها
تسيبها ايه يا جحش انت؟؟؟؟
هي دي الرجولة انك تسيب خطيبتك عشان واحد حيوان اتحرش بيها ؟؟؟
اوقف جنب خطيبتك وبلاش هي تروح عند اختها نهائي طالما الوضع مش امان
اتقي الله في خطيبتك وخليك راجل مسؤول
الراجل يا عمنا يحارب عن حبه
اخي لوكنت فعلا تحب البنت دي ومتاكد من دينها واخلاقها وتربية اهلها لها فااياك ان تتخلى عنها في المحنة دي واستمر في خطوبتك لها وبالنسبة لموضوع تحرش زوج اختها بها فانصحك بان تتكلم مع اختها وتبين لها حقيقة زوجها السافل الواطي وتشرح لها ليه اختها سكتت على الموضوع ده لاجل ماتخربش بيت اختها وبكدا تكون الزوجة على علم بكل مايفعله زوجها من خيانات وتحرش وانه زوج غير محترم ولايخاف الله عزوجل ولايقدر الحياة الزوجية وهي حرة تصدقكم او ماتصدقكم اهم شي ماتترك خطيبتك اللي تحبها وعارف انها مظلومة وبرئية وربنا يتمم لكم بالخير ويوفقكم ويسعدكم في حياتكم القادمة