التحرش الجنسي

ابنتي 8 سنوات ابن خالتها تحرش بها

احنا عايشين بالخارج و من 8 شهور ذهبنا زياره للأهل. نعيش في بيت خمس ادوار واختي تعيش بالدور الاخر عندها ولد عنده 12 سنه. كانت ابنتي تلعب معه بشقتهم هي وأخوها 5 سنوات و والده بغرفته بنفس الشقه. أنا سمحت لهم باللعب لان الكمبيوتر يوجد بشقة أختي و لم اتوقع منه ذلك ابدا. نزلوا بعد فتره وابنتي شكلها زعلانه وهو شكله خائف. المهم سألت ابنتي ايه حصل قالت لي ان الولد لمسها من المنطقه الخاصه و اراها منطقته. و هي قالت لي انها حاولت ان تنزل وهو رفض و قعد يقلها عشان خاطري. المهم و خوفها انها تقول لحد و قالها ربنا هيزعل منك لو قلتي. انا كنت دايما بقول لاولادي محدش يلمس المنطقه الخاصه بكم ولا اي مكان بجسدكم . فهي اول اما سالتها قالتلي و انا حاولت اهديها و قلتلها انت كنت المفروض تزعقيلوا و تنادي ابوه و متخافيش لانها مش غلطتك و هو اللي غلطان بس انت لازم كنتي تزقي والكلام ده و قلت لاختي و طبعا الضرب و العقاب ابتدأ. بس بنتي انا متأكده انها اكيد لسه فاكره ومش عارفه اعمل ايه لما أنزل أجازه تاني. لانهم يعيشون في بيت والدي كما ذكرت في شقه مستقله. انا نفسي حاسه اني مش طايقاه فما بال بنتي وخايفه قوي الموضوع ده يأثر عليها في المستقبل و انا كنت متأكده انها عمرها ما كانت تفكر في ولد وبنت و كلام من ده . دلوقتي انا خايفه عليها قوي و طبعا الموضوع اتقفل من ساعتها و مش بكلمها فيه خالص و مقولتش لابوها عشان منظر اختي طبعا. لو سمحتم لو اي واحده واجهت المشكله دي تديني رأيها

مشاكل وحلول ذات صلة

اضيف بتاريخ: Tuesday, March 6th, 2018 في 23:23

كلمات مشاكل وحلول: ,

ردود to “ابنتي 8 سنوات ابن خالتها تحرش بها”

  1. كريم نور
    07/03/2018 at 10:50

    صلي ع رسول الله دول اطفال وف سن ميعرفوش حاجة هما عارفين الغلط بس ميعرفوش غلط ليه لم بنتك تبقي ف سن مراهقة كلميها ف الحجات دي ونبهيها انها لازم تحافظ ع نفسها وتبعد عن الاولاد والكلام الباقي لحد سن 13 سنة يعني 5 سنين وفهميها وهي هتتقبل الامر ولو افتكرت حاجة زي دي فهميها انها كانت لسه طفلة وابن خالتها طفل وخلصت

اترك رداً أو حلاً لهذه المشكلة