انا 3 ثانوي عام علمي علوم الشهادة الثانوية العامة. النظام الجديد اللي هو سنة واحدة , عندنا 7 مواد (( عربي , انجليزي . فرنساوي , فيزياء , كيمياء , أحياء , جيولوجيا )
وطبعا بناخد دروس خصوصية وعددهم 7 دروس و وقتي تقريبا بيضيع بسببهم والفترة اللي فاتت حسيت بخنقة أوي ومكنش ليا نفس ازاكر وخصوصا بعد ما نزلوا علينا الجيولوجيا وعرفت انها مادة حفظ ف حفظ والبنات عقدوني منها وقالولي صعبة ومكلكعة وبقالي 3 ايام تقريبا مش بفتح كتاب خالص ومعنديش حد يقدر يساعدني
ومش عارفة انظم جدول للمزاكرة فلو سمحتوا ممكن اديكم مواعيد دروسي وتحاولوا توجدولي جدول مناسب للمزاكرة ولو تكرمتوا ممكن تنصحوني بافضل الحاجات اللي اعملها علشان احصل اكبر كم من الفهم والمزاكرة
جدولي كالتالي :
السبت : من 9:11 صباحا درس جيولوجيا , ومن 4 :5 فرنساوي , ومن 5ونص : 7 كيميا
الأحد : الساعة 6 ونص الصبح أحياء , ومن 2 :3 ونص عربي , ومن 3 ونص : 5 ونص انجليزي
الأتنين : فيزياء من 5 : 6 ونص مساء
الثلاثاء : من الساعة 4 :5 فرنساوي
الاربعاء : أحياء 6 ونص الصبح , عربي الساعة 2 ل 3 ونص , انجليزي من 3 ونص ل 4 ونص , كيمياء من 5 الي 6 ونص
الخميس : فيزياء من الساعة 5 :6 ونص مساء
الجمعة فااااااااااااااضي
بجد انا عارفة اني هغلس عليكم بس انا معنديش حد يساعدني زي ما قولتلكم قبل كده , ونفسي بجد ابقي دكتورة
ساعدووووني , والسلام عليكم ورحمة الله وبركاته
السلام عليكم بصى يا شطره انتى فعلمى علوم وعندك سبع مواد يا حرام كتير انا ازهرى علمى طبعا ما فيش حاجه اسمها علمى علوم ولا رياضه لااااا الاثنين مع بعض وزياده خمس مواد عربيه نحو وصرف ومطالعه ونصوص وادب وبلاغه و سته معلشى واربعة شرعى حديث وتفسير وتوحيد فقههههه ده عير 30جزء قران كريم يعنى من الاخر كده اللى انتى ما بتحبهوش هتلافيه بصى انا مش باللك كده عشان احبطك ولاكن عشان اديلك عزيمه عشان تزكرى وتجيبى مجموع وان شاء الله ربنا يستر بس نصيحه القران الكريم لازم كل يوم .
على فكرة تنظيم الوقت مهم مع مذاكرة اول باول وقبل كل دة لازم تكونى قريبة جدااااا من ربنا وتواظبى على قراءةكتاب اللة يوميا وتحولى تذاكرى اكثر من مادة فى اليوم بتنوع
شوفي يابنتي نظام الجداول لاياخرولايقدم شي ابدا حاولي تركزي جيداعلى الموادالصعبةاللي انت مش فاهمتهازي الجيولوجيا اعطيهااهتمام اكثرمن اي مادةاخرى ولامانع من الاستعانة بمدرس خصوصي لهذةالمادة كي تتقوي فيهاويسهل عليك فهمها وايضا الاجتهادوالمثابرةمع العزيمةوالابتعادعن السهر والنوم مبكرا والاستقياظ في الصباح مع النشاط والحيوية وعدم القلق اوالخوف اهم عوامل النجاح في الحياة وتوكلي على الله واستعيني به قبل كل شي وربي يوفقك ونشوفك في الجامعة السنةالقادمة
نصيحه لله وللوطن شغل الجداول ده مابياكلش عيش واسئلوا مجرب وكل الى تعملوه تحافظوا على مواعيد درسكم جدا واول ماترجعوا تخلصوا الى اخدتوه او فى اسؤء الظروف تخلصوه قبل ماتروحوا الحصه الجايه واشتغلوا على كدا هتخلصوا المنهج ووقت المراجعه هيكون قدامكم وقت تلموا الى مش مظبطينه
والله انا زيك بالظبط علمى علوم وبرضو مش عارفة انظم وقتى خالص بسبب الدروس وكل يوم احاول اعمل جدول مذاكرة بس مش بنتظم فيه وحاسة انى تايهة خالص وخايفةومش عارفة اعمل ايه
السبت 6:8 جيولوجيا _ 11.5:1.5 كيمياء_ 1.5:3.5 فرنساوى _ 8:10 احياء
الاحد 9:11 عربى _ 11.5:12.5 انجليزى
الاثنين 6:9 فيزياء _ 9.5:12.5 انجليزى _ 1:4 كيمياء _ 7.5:10 عربى
الثلاثاء 6:9 فرنساوى _ 9.5:1 احياء _ 1.5:3.5 فرنساوى _ 6:9 احياء
الاربعاء 9:1 عربى _ 7.5:10 فيزياء
الخميس 6:9 انجليزى _ 9.5:12.5 جيولوجيا _ 1:4 فيزياء _ 7.5:10 كيمياء
الجمعة 6:9 فيزياء _ 9.5:12.5 عربى _ 1:3 كيمياء _ 3.5:5.5 انجليزى _ 6:9 احياء
انا حاولت انظملك جدول مناسب بس مش عارفة هتعرفى تنتظمى عليه ولا لا لان مواعيد دروسك كتير ومش منظمة اوى
بس انتى استعينى بالله وان شاء الله ربنا يوفقك وتحققى حلمك وتبقى دكتورة