انا شاب عمري 19 سنة طالب جامعة جذاب والحمد لله لكن هذه الصفة تجعلني لا افرق بين الحب والاعجاب من الفتيات.
تعرفت على بنت عن طريق الفيس على الشات وكانت مرحه جدا معايه وبدات تكلمني وتقولي انا اعرفك وتوصفلي نفسها وانا شوفتك لمدة اسبوع وفي يوم جت قالتلي نعيما كنت حلقت يوميها:) فتعجبت من كدا الا انني متعود على شقاوة البنات معايه فطنشت، وبعدين قالتلي عرفتني قولتلها لا قعدت توصفلي نفسها لحد ما افتكرتها اني كلمتها مرة بالصدفة وانا بكلم صاحبي وعرفت انها معايه في الجامعة وبعد كدا حصل ان كان في كورس تبع الجامعة واكتشفت انها معايه فيه وبرضو هي اللي قالتلي.
لما عرفتها لاحظت نظراتها كتير وبتزيد كل يوم عن يوم لاحظ نظرات حب غير نظرات الاعجاب اللي بتحاصرني من البنات التانيين، بعد فترة بدات اهتم بنظراتها واحاول اتابعها من فترة لفترة وكانت بتنشر بويتات حب ع الفيس بس بمعنى ان هي بتحبني وانا لا ابالي!
ولاول مرة حسيت بيها وصعبت عليه! اول مرة بنت تصعب عليه
تاني يوم رحت الكورس عادي لقيتها داخله وباين عليها الحزن وفوجئت انها جت قعدت ورايه وبعدين قربت وبقت جمبي! حركاتها وتعبيراتها كانت غريبة
تصوروا انا اتكسفت انا خجووول ههههه!
المهم لقيتها متضايقة اني مطنشها بس انا احب مبصش للبنت عشان معلقهاش، خصوصا اني محبش اغضب ربنا برضو اخري هزار وبس والحمد لله، بس حسيت اني لما ببعد عنها بتتضايق حتى زقت زميلنا لما قعد جمبها عشان تبقى جمبي!
المهم خرجنا ولقيتها قعدت لوحدها قولت اكلمها واشوف ايه الحكاية، ولاول مرة اكتشف اني غبي ويكانني معرفش اكلم بنات ومعنديش احساس، للدرجة دي دا انا كنت فظيع زمان اه والله
المهم رحت كلمتها وقولتلها خلينا نتكلم بصراحة انتي ايه حكايتك بالظبط انتي بتحبيني؟ وش كدا يا صحابي
راحت اتكسفت جدا وكانت مش قادرة ترد وتتهرب قولتلها انا عندي مبدأ ان
مش هرتبط الا مع الانسانة اللي تحبني بجد وتكفينى عن اي بنت
وهي قالتلي وانا كمان وكان ردها مش واضح مهي بصراحة عندها حق دا انا كنت غبي اوي صح!
المهم حصل تطورات وبعد فترة كلمتها ع الفيس وكدا وتطورت الحكاية لدرجت اني بدأت احس اني بحبها بس حاولت اتأكد وبقيت تلميذ بقى وافكر واشوف بعدت شوية بقيت وعرفت اني بحبها بس مش اوي، انا طول عمري مش بتسرع في اي حاجة ودي عيب وميزة في نفس الوقت.
بس في الفترة دي كنت حاسس انها زعلانه مني وبتتألم بس مش عارف اعمل ايه، خصوصا ان بوستاتها بقت ان انا كنت بلعب بيها وكدا! مع ان والله كان قصدي شريف واي بنت مكانها كانت هتطير من الفرحه بس انا اتأكدت انها بتحبني بجد لانها زعلت لكن التانين مجرد اعجاب وبردو في حب بس قدر الله ما شاء فعل.
بعد كدا 6 شهور بعيد عنها وكنت خرجت من الجروب او مش بتكلم فيه بعدين صاحبي قالي ابقى تعالى اتكلم معانا وحشتنا وكدا
المهم دخلت الجروب وبدات اتكلم فيه وبوستات وكومنتات لقيتها رجعت تكلمني كومنتات وبوستات وتبادلني ردوود وكنت بنشر بوستات حب ورمانسية وكدا عادي لقيتها بتبادلني بوستات وبقت تعمل لايك لكل بوست ليه وترد عليه اصل انا بصراحة كييف بوستات 🙂
صراحة انا فرحت انها مش زعلانه مني واتاكدت انها بتحبني لما لقيتها بتغير عليه من اي بنت اكلمها ع الفيس او اي بنت اخليها تركب الهوا عشان اعدي في الجامعة كانت تبصلي بغضب ونظرتها كانت صعبة اوي لدرجت اني خفت منها وبقيت بعملها حساب اة والله!!
وكمان بقت تغير عليه حتى من اصحابي الولاد! لما بكلمهم وهي تكلمني وانا ارد عليهم وعليها يعني عايزاني تقريبا اكلمها هي وبس، وانا بطبعي لو في الجروب واحد صاحبي واجمل بنت في العالم يدوووب اتعرف عليها واكلم صاحبي ومهتمش بيها، دا كان بيجنن البنات مني صراحة بس دا طبعي
المهم كل ردود فعلها دي وغيره كتير ميكفيش كتابه حبيتها تقريبا اه والله بجد حبيت لاول مرة في حياتي ازاي معرفش.
هي برضو بنت مرحة وجميلة وطيبة ومؤدبة ومحترمة وكل حاجة، بس انا حبتها ازاي وليه برضو معرفش كمان انا مكنتش حاطط معايير لشريكة حياتي الحاجة الوحيدة اللي معملتش حسابها!
المهم حبيتها وبعد فترة دخلنا على سنة كدا دا انا عندي فترات طويلة وتخنق الصراحة ربنا يصبركم معايه المهم بعد فترة بعتلها رسالة فيس وحكيتلها كل حاجة وقولتلها كل اللي حسيت بيه بصوا فضحت الدنيا معاها
واعترفتلها اني بحبها وبجد انا كنت حبيتها خلاص بجد فعلا.
انا عمري ما قولت لاي بنت عرفتها بحبك حتى ولو وقفت على دماغها هي تقول زي ما هي عايزة تقول انما احنا مجرد اصحاب او زمايل نهزر ونخرج وكدا وبس،
بس هي لاني حبيتها بجد قولتلها بحبك لاول مرة
تتوقعوا ردها ايه يا شباب؟
لا متتوقعوش هتخالف كل توقعاتكم قالتلي انها مش بتحبني 😮 !وكلام فيما معناه اني بلاش اعلق نفسي في حبال دايبة وان البوستات اللي بتنشرها مش ليه وان انا واهم نفسي وي وي وي وي!!
اتصدمتوا صح وانا كمان البت اخدت بتاركوا يا بنانيت ههههههههه
ما علينا قولت افكني منها بس انا بنساها وكل ما احاول انساها احبها اكتر يالهوي ايه اللي حصلي مش عارف يا حول العالم مين دعى عليه يا ولاد التيت!!
المهم رجعنا للكورس تاني بعد الامتحانات واتقابلنا طبعا انا لو هموت عليها مش هبصلها انا كرامتي فوق كل شيء بس بجد كانت وحشاني
وفعلا كنت مشتاقلها والحب كان عامل عمايله لدرجة اني بطلت اكلم بنات كتير ولو الحوا ارد عليهم بس كلمة وبس كان كل كلامي صد مع اني احب اجامل حتى اني مبقتش اشوف غيرها في البنات!
ولقيتها حوليه وجمبي وفي كل مكان بس احس انها عايزة تبعد وتقرب في نفس الوقت ونظرات شوق في عنيها اكيد الشباب عارفين النظرات دي كويس 😉
المهم بقيت ابعد كتير جت في مرة دخلت الجروب تاني انا بالمناسبة عندي حوالي 500 جروب فمبدخلش الجروب دا كتير بس هي بقت تدخلني كتير 🙂 وكلمت صاحبي ع الشات وبعدين لقيتها تقول السلامم عليكم
قولت دي كانت لما بتلاقيني في الشات بتمشي
فاعتذرت ومشيت برضو ما انا مبسكتش لازم ارد زي ما حصل معايه غبي انا صح! وشوية وهي مشيت وسابت الشات.
بعد كدا رجعت اتكلم تاني كان صحابي مشيوا قولت السلام عليكم
بعد 5 دقائق قالت سلام عليكم انا طبعا مرضتش غبي برضو 🙂
بعد كدا يوم الجروب ميت مفيش كلام دخلت لقيت واحد صاحبي بيتكلم كلمته وبعدين مشي فدخلت هي وانا اكيد هكون موجود دي في نفس اللحظة قالت سلام عليكم فمردتش غبي جدا انا كدا صح 🙁
فبدات تقول اسمي وتنادي مثلا رد واحد تاني خالص لا انا اعرفه ولا هي تعرفه!! ههههه المهم اتعرفت عليه انا بقى غيرت عليها بدات اتابع الشات بس مشكلتي ان لو حصل ايه مش هدخل اتكلم معاها الا لو الباف دا غلط
المهم فعلا غلط وقال عليه حاجة مع اني معرفوش ولا هو يعرفني سبحانه الله بس في ناس بيبقوا حقودين كدا من حكاية البنات انتوا عارفين بقى
انا اتعصبت ودخلت رديت عليه هوا جري دخل اصحابي والدنيا اتلمت وطبعا مش هيقدر يتكلم ولا هيفتح بقه دا كان قضاء وقدر.
بس المصيبة السودة بقا انها عرفت اني كنت متابع الشات قولت لنفسي البس يا معلم يعني كانت لازم تاخدك الجلالة وترد ع الواد سيبه يتمنظر عليك شوية مفهاش حاجة بس يلا خير وربنا يستر
المهم دخلت قالت سلام عليكم تاني برضو مردتش وارد ازاي هو انا غبي دا انا اتفضحت ادامها
المهم اللي كنت هموت واعرفه كانت عايزة مني ايه بكتر السلامات دي عايزة تقول ايه؟؟؟؟
اللي يقولي هتقولك بحبك هقوله احيااات ابوووك مش ناقصة غباوة
مهي عندها الرسائل وانا قدامها في الكورس.
المهم مرت فترة كدا ورحت الكورس بعد النتيجة لقيتها حزينة وزعلانة طبعا انا جالي اكتئاب افتكرت انها قدر الله جابت تقدير وحش او شالت اصل الدكاترة عندنا والحمد لله ولااااد تيييت هما كمان شكلي هعمل معاهم الصح لو جبت اقل من جيد هنفخهم وربنا
المهم طلعت جايبة تقدير كويس بس معرفش هو ايه خصوصا اني عارف انها موصية اصحابها وبيراقبوني ديما حتى من يوم ما عرفنا بعض!
فقولت الايام هتعرفني كل حاجه.
تاني مرة كنت رايح الكورس زعلان بس بعد فترة هي كانت وحشاني جدا بس انا برضو كنت عندي مشاكل في الشغل وقفلت عليهم
المهم ساعة ما شوفتها ماسورة ضحك وسعادة ضربت في الكورس وكنت شغال ضحك وطبعا البنات والمستر بتضحك ولاحظت انها اي كلمة بقولها صاحبتها بترجملها او بتوصلها الكلمات بيقول كذا هي هي هي
المهم انا شغال ودايس يمكن فرحت لما شوفتها ما علينا ♥
المهم انها بدات تبص وتحاول تظهر نفسها وانا عامل نفسي اعمى وشغال الش متقولش حصلت حاجة وقعت مني هي اتخضت عليه واتطربت وبعدين بصتلها متخافيش الحمد لله خير فكانها رجعتلها روحها وقعدت تاني
اذ فجأة ماسورة الضحك ضربت تاني يا معلم مهو الدكتور ملوش نصيب يشرح النهاردة لحد ما خرجنا لاحظت انها حزينة وزعلانه اني مشيت وانا ماشي بصيت ورايه لقيتها بتبص عليه من الشباك!
السؤال بجد هل هي بتحبني بجد ولا دا ايه؟؟
انا بجد بحبها اوي ي ي اوي ي ي ودا فعلا انا اكتشفته لوحدي بقت بتوحشني جدا دا حتى هي اللي علمتني الاشتياق والحنين.
بجد انا حاسس اني اتجرحت من ردها عليها لما قالت مبتحبنيش بس لما حبيتها بجد اوي والله لسه حاسس انها بتحبني بس رافضة تعترف ليه
انا بقى عايز اعرف رايكم هي بتحبني ولا لا ولا دا ايه بالظبط؟
وايه نصيحتكم ليه؟
معلش طولت عليكم بس بجد كان لازم افضفض وعايز اسمع اكبر ردود ممكنه عايز ماسورة ردود مفيدة ومقنعه تضرب في الكويز دا اتحفوني بقى :))
