انا طالبه كليه طب 19 سنه متفوقه جدا من ونا صغيره وعلطول من الاوائل .اهلى ديما كانو مفهمنى ان الحب عيب وغلط وتفاهه وعمر ما والدتى كلمتنى عنه ديما شايفاه غلط فى غلط وانا كنت مقتنعه بده ومكنش ليا لا فى حب ولا غيره لحد ما قعدت على شات مره من زهقى مع العلم انى عمرى ما كنت بدخله بس دخلت اتسلى اتكلم وكدا.ساعتها كلمنى ولد وكان من نفس بلدى والى شجعنى على الكلام معاه ان كلامه محترم جدا ومثقف اوى وهو بردو كليه علميه بس اقل منى عجبنى اوى كلامه وثقافته وادبه واحترامه عمره ما لمح بحاجه وحشه ودا شجعنى اكلمه كل يوم وفضلنا فتره نتكلم على النت وكل يوم بكتشف انه انسان محترم ويستحق انى احبه وكان خجول ديما فى كلامه ولو حس انه قال كلمه زعلتنى يعتذر ويفضل يتاكد انى مش زعلانه منه اتطورنا وبدانا نتكلم على الموبايل كان كل يوم بيطمن عليا ويحفزنى على المذاكرة ويسالنى انا صليت كل صلوات اليوم ولا لا وكنت بحب اتكلم معاه اوى واشكيله كل همومى …بعديها طلب منى نشوف بعض.وشوفته فعلا ولقيته محترم جدا ووسيم بجد فرحت اوى وهو كمان حب شكلى جدا وبقينا نتقابل كتير يسالنى عن مذاكرتى واى حاجه فى الكليه مضايقانى الاقيه بيساعدنى عليها بكل حب حتى الجدول بتاع الكليه الاقيه جايبه ليا بجد انا بحبه اوى وبقدره وهو كمان بيحبنى اوى وطلب منى يتقدم لاهلى لانه معجب بيا وباخلاقى وبذكائى .روحت قلت لماما قابلت ده بالرفض وقالتلى انى لسه صغيره وكذلك بابا موافقش لانى برده صغيره .ومش كده وبس لا دى ماما ديما بتحاول تقلل من شانه وتالس عليه وعمرها ما تكلمنى باسمه ديما بتحاول تخليه نكره ادامى زمع انه والله طيب خالص ومحترم ربنا يكرمه .قلتله على راى ماما قاللى مش مهم هستناكة ان شالله العمر كله وبردو هتقدملك وانتى من نصيبى ونا هعمل كل حاجه عشانك وعشان تكون ليا فى رضا ربنا وكل يوم بيزيد اعجابى بيه وبحبه اكتر وعمرى ما شوفت منه تصرف وحش ولو حس مره انو زعلنى اقسم بالله بيعيط من زعلى ومش بينام الليل .بس انا رغم ده كله مش مرتاحه انا حسه انى بغضب ربنا وخايفه من الحب الى معرفتوش الا مع الشاب ده.ومتردده هيا ماما صح ولا لاء واسيبو لحد ما يقدر يتقدملى ولا ايه علما انى لو سبتو هيدايق اوى وهيياس وهيتالم وانا كمان كذلك وانا مش عايزه يحصل كده .انصحونى اخوتى ف الله اعمل ايه؟
الحب الاول
استنا حبيبي لحد ما يتقدم للزواج ولا اسيبه
اضيف بتاريخ: Sunday, February 5th, 2012 في 04:00
كلمات مشاكل وحلول: الحب, الحب الاول, النت, شات, مشاكل الحب
اختي الفاضلة كلام اهلك عن الشاب قبل مايشوفوه اويعرفوه غير مبرر ولامنطقي واناشايف انوالشاب كويس ومحترم وابن ناس طيبين ولايمنع انك تقنعي اهلك باباك ومامتك بالخطوبة من الشاب حتى يتاكدوامن اخلاقه وسيرته واذاوافقوااهلاوسهلا خليه يتقدم ويخطبك رسمي وان رفضواوتحججواانك صغيرة ومش عارفه شي اطلبي منه ان يستنى حتى تخلصواجامعة وتلاقواوظيفة وبعدين يكون لكم حديث في الموضوع مع الاهل وربي يسعدكم ويوفق بينكم بالخير
اختي!!!للاسف اصبحنا في مجتمع يقمع الحب بكل الطرق..يحاول دائما ان يفرق بين قلبين متحابين..فلا زلت اواجه نفس مشكلتك تماما..فلدي حبيبه احبها واكن لها كل احترام وهي كمثل..نكلم بالعربي بقي..فعلا والله انا بواجه نفس المشكله بتعتك انا كشاب حاوت اكتر من مره اني افاتح اهلي في موضوع البنت اللي بحبها دي وهم رفضين تماما بيقولوا ان الظروف مش مناسبه وهي ضاحكه عليا بالعكس هي متدينه وعارفه ربنا وبتحبني كتير وانا اتاكدت اكتر من مره ان هي بتحبني المهم اللي ااقدر انصحك بيه انك تستخيري ربنا اكتر من مره وان شاء الله ربنا يجعلك الخير وانصحك اذا كنت بتحبيه فعلاوهو كمثل اوعي تتخلي عنه لانك فعلا هتحطي قلبه وانصحك انك تتدخلي طرف ثالث في الموضوع يكون عمك او خالك يكون طرف ثالث بيحبك من عائلتك وخليه يتكلم مع والدك ووالدتك وربنا يكتب لك الخير
بجدهى قلقاعليكي وزي اي ام نفسه تفرح بيكي وهي دي سكتك معاهااقنعيه بالواقع ان كل الجوزات مشاكل بس بتفرق لو اللي معايا بيحترمني ويقدرني واكيد هيقدر اهلي وعلي قد متقدري كلميه علي الحلو فيه وعرفي انك مش مستسلما بس كمان مقدرش اعص اهلي بس افتكري العند هيتعبك انت وسيسااكيدهتفرحكم كلكم وانشا الله هتفرحي قريب بس اوعي تنسي فرحينا معكي
المكتوب على الجبين بتشوفه العين سيبيها على ربنا واستخيري وادعيه وبلاش حبيبك تكلميه ولا تقابليه سيبيه يحاول لوحدة بس قوليله قبل ما تسيبيه ان علاقتنا دي غلط وانا هستناك ولو ربنا رايدنا لبعض هنبقى لبعض ولو مش رايدنا يبقى كل شئ قسمة ونصيب (وياااااااااااارب يجعله من نصيبك ومفيش حاجة تفرقكم عن بعض ابدا ان شاء الله)
بجد يا جماعه انا بعانى اوى الايام دى حبيبى وانا تعبنا من رفض امى لخطوبتنا لانى لسه صغيره زى ما هى شايفانى كمان حبيبى مرض وهيعمل عمليه قريب وتعب خالص ونا نفسى اتخطب ليه واحسسه انى جمبه لانه محتاجنى اوى قولولى اعمل ايه؟
بجد انتى محظوظه ان فى انسان فى الدنيا دى بالادب والاخلاق والاحترام المجوودة فيه كل الى اقدر اقولو ربنا يكتبو من قسمتك ونصيبك
وانا كمانعندي نفسالمشكله
انتي ضحية الكبت والربط والبرمجه السالبه والسلبيه
هي تعتبر تجربه مفيده ليكي
بس كدا ماما off ومش هتبقى on من ناحيته خالص
لو بتحبيه فعلا ضحي زي ما انا ضحيت وكتير ضحوا بللي حبوهم بسبب ظروف البيت
وخليه يحافظ على كرامته عشان هي اللي باقياله
شالوم
انا هقولك رايى
اولا تستخيرى ربنا لمدة 3 ايام وتطلبى منه انه يقدملك الخير بدون الكلام مع اى شخص فى الموضوع حتى هو وممكن تقوليه انك هتستخيرى وتطلبى منه نفس الشىء وتكونى فعلا معتمدة ومتوكلة على ربنا
ثانيا تكلمى اسرتك بهدوء بان يكون فى ارتباط رسمى كخطوبة وان الخطوبة مش نهاية المطاف وانها مرحلة اختبار للطرفين وكل واحد يسال على التانى
لو اهلك صمموا على الرفض وانتى مقتنعة بيه كشخص اتفقى معاه انك هتستنيه فترة من غير ما تكلموا بعض ولا تقابلوا بعض ولو فعلا الحب ده حقيقى هيستمر وهيحاول مع اهلك مرة واتنين وعشرة ومش هيفكر فى غيرك ولا انتى مشاعرك هتتغير وادعى ربنا ديما يوفقك للخير
طالما أنه لم يصرح أو يلمح بأي شيء يضرك طوال هذه المدة فأنا أعتبره أهلا للثقة بشكل نسبي أو مبدئي..
ولكن لا تعطي ثقتك كلها لأي شخص كان..
سنك ليس صغيرا فأقل منك سننا يتزوجن وينجبن أطفالا..
كلام أهلك غير مبرر أبدا، فالخطوبة أولى في هذه الأيام من غيرها..
يمكنك التحدث مع أهلك مرارا وتكرارا ولك حرية الاختيار طالما أنه شاب خلوق..
يمكنك الانتظار إلى أن تتحسن الأحوال وأيضا أخبريه أنك لن تتخلي عنه، ولكن:
أنصحك ألا تكثري التحدث معه حتى لا يحدث ما تخشاه كل فتاة..
أنا لا أشكك في أخلاقه أو أخلاقك ولكن
لا أحد يعرف الظروف والغيب..
وختاما أرجو التوفيق من الله وأدعو لكِ بأن يجعله من نصيبك..
اوعى تضيعيه من ايديكى حافظى عليه لان الحب الحقيقى مش بيتعوض وانتى اعملى المستحيل علشانه لان ده انسان يستاهل بس نصيحه منى ليكى حاولى تقللى الخروج معاه او التلفونات عشان لو مكنش من نصيبك لقدر الله متظلميش الانسان اللى هتتجوزيه وهو مش هيكون اول واحد فى حياتك
على فكره انا حاسه بيكى اوى بس اقسملك بااله ان لا فى حب ولا الكلام ده الدنيا كله مصالح وانا بنت متستخربوش من اسم عادل عادى وفى سنك كنت مخطوبه وباعنى بالرخيص زى ما بيقولوا بس والله انا اللى كسبانه وبعدين هو لو من نصيبك هيبقى ليكى وتمنياتى ليكى بالتوفيق
السلام عليكم احب اقول لكى هذا الرجل فعلا محترما ويستحق ويستحق الصبر وباذن الله يكون من نصيبك
اولا اتمنى من كل قلبى ان ربنا يوفقكم ويجمعكم ببعض على حب الله وطاعتة
ثانيا ياريت تتعاهدوا على الحب ده وتحافظوا علية بشرط مايكونش فيه مقابلات والأتصالات للإطمئنان على بعض من وقت للتانى عشان يستمر الحب ده ويكبر وكمان انا كنت نفس قصتكم بس اهلها فرقوا بينا طبعا عشان الفروق المادية وحاليا بيندموا وانا دلوقتى الحمد لله مركز إجتماعى مرموق ومستوى مادى محترم.
نصيحة اوعى تتخلى عنه او تنسيه حتى لا تندمى
امك اكبر منك واعلم منا كلنا .. اسئلي حبيبك لو اعرفت انو اختك بتحب واحد وبتطلع معه وبتكلمو علي الموبايل شو حتعمل ..؟هو شب من كلامك محترم لكن مين قلك انو مو بوجهين انا مدأكد ميه بلميه لو كلمتي كم يوم ورا بعض حيكلم كلام مو محترم وحيدخل بلغميق .. اختي انتي متفوقه وعقلك اكبير لازم تتجوزي واحد متلك او اكثر منك زكاءولاز يكون بينكو ثقه اكبيرة.. لو اتجوزتو اول سؤال حيقلك ايه اكم واحد حبيتي علي النت ومش حيصدق كلامك ابداا..عزراا
نصحتي ليكي تفضلي معاه مهما كان لان الحب الاول صعب نسناة لانة يعتبر الحب الاول ليكي وهو حد يلاقي حد بيحبوا كدة وشارية ويفكر يسبوا ان شاء الله خيرو ربنا يوفقك
انا عجبني كلام حازم اووى ومعاه فكل كلمه
وكمان هقول حاجه على كلامه لو لقيتي كل ده منفعش اعملى اضراب
يعني ازعلى واسكتي كتير ومتاكليش زي الاول لحد ماوشك يصفر وترفعي
وحسسي مامتك انك بتقعدى فاوضتك كتير وانك مبقيتيش زي الاول وبتعيطي كتير وبتسرحي وسواد حوالين عينك بقى وكده
وقوليلها يا ماما ده بيحبك ومزعلش من كلامك وهو بيحترم قرارك عشان انتى زي والدته
وبوسيها واشتغليها بكلمتين هههههههههههه لو منفعش اعملى الاضراب اللي بقولك عليه والله بينفع جامد لما هتحس انك اتغيرتي وهتروحي منها ممكن تفكر بشكل مختلف
كانت جت عليا فتره كنت مكتئبه عشان سبب وكنت بالسبب ده بختلف كتير مع اهلى وليل نهار خناق لحد ماوالله فكرت في الانتحار ومسكت المقص وعورت نفسي من ساعه مالحجه عرفت رجعت فكلامها وعيطت وعملتها حكايه هههههه الله يسامحنى بقى
بس اوعي واياااكى تعوري نفسك ولا اى حاجه من العنف اللى انا عملته
بس عرفيها ان مادام انتى مش هتاخدى اللي بتحبيه هتبقى واحده تانيه وعمرك ماهترجعي زي الاول
وتمسكي بالشخص ده بجد شكله محترم وربنا ييسر امورك ويجعلك من نصيبه يا توته يارب يسعد قلبك وقلبه
بصي صلي استخاره وشوفي وعلي العموم حاولي العلاقه مش تطور غصب عنكم ومش تغضبي اهلك وعلي العموم انتي لسه صغيره واعرفي حاجه مهمه لو ليكي نصيب فيه وربنا كتب لكي كده هاتخديه بس صلي وادعي ربنا وربنا يوفقك ويصلح لكي الحال واعرفي حاجه انتي مش عشتي معاه دايما العشره الصح بتبان بعد الجوز
الحل الوحيد الاستخارة لله وان كان فيه خير الله رح يسهلك معاه ولا تنسي لازم رضى الوالدين يعني لازم تتعبي حتى تقنعيهم مثل ماهو رح يتعب حتى يتقدملك والله يوفقكم
الحب مش عيب ولا حرام اذا الانسان شاريك وعايزك بالجد يجي يعمل خطوبه لحدي ماتخلصي بعدين تتزوجو وامك المفروض تشجعك على كدا مش تقول ليك مايجي يتقدم ربنا يقدم ليك الخير ان شاء الله
نصيحتى تفضلى معاه مهما ان كان لانه بيحبك بجد وسيبك من كلام الحاجة عشان هتوديكى فى داهية وطلاما انتى شايفه انه كويس وانسان محترم وبيخاف ربنا فيكى وفى علاقتكم مع بعض بجد اوعى تسبيه واتسمكى بيه واتحدى الدنيا كلها عشانه وبلاش تفكرى فى كلام مامتك
اختى
هو شكله محترم بجد لان مش كل اللى على النت عيال سيس
لانه جه واتقدملك الغايت باب بيتكم ..اى حد هنا هيقولك حب النت ده فاشل وكدا
فكك منه لان الشخص ده بجد محترم لانه اتقدملك
ع العموم
حاولى مع والدتك كذا مره واقعدي معاها وفهميها بالهداوه كدا وقوليها
ماما عايزه اكلمك في موضوع مهم جدا هتقول قولى
قوليها انتى يهمك ابقي سعيده في حياتى ومبسوطه ولا لا
هتقولك اه طبعا يا ضنايا ههه قصدي يا بنتى
قوليلها طب انا شايفه ان سعادتى هتكون مع الشخص ده لانه محترم
وبيدلنى ع الصح دايما وبيقف معايا علطول في مشاكلي
وعمره ما زعلنى وهو انسان محترم وطيب ومثقف جدا
انا بنتك يا ماما وحرام تسبيني اضيع مع حد تانى
انا مقدرش اتصور حياتى من غيره مع شويه سهوكه كدا مانتوا اصلا اساس السهوكه ههه
لو منفعتش الطريقه دي كلمى اى حد يكون مقرب من والدك او ماماتك وخليها تقنع اى حد مهنم
لو صديق مقرب من العيله عندكم
المهم تحاولى كذا مره من غير يأس
استنيه بجد لانه محترم واتقدملك مش زى الشباب التانى اللى بيضحك ع البنات ع الشاتنج
بس افتكرى كلمتى من غير يأس
ربنا يكرمك
نصيحتى هذا الراجل يستحق الانتظار وسيبك من ماما