الحب الاول لا ينسى

السلام عليكم يا شباب ، انا كنت عايز اخد رايكم فى موضوع خاص بى ، انا من ايام الجامعة حبيت واحدة كانت معايا فى الكلية بس اصغر منى ، ولما جت فرضه انى اتكلم معاها ، اتعرفت عليها وصارحتها انى بحبها ، وسالتها اذا كانت بتحس بنفس الشعور ده و الحمد لله كانت كده ، المهم فضلنا نتكلم مع بعض لمدة طويله ، طبعا انا كنت سه متخرج ولسه مش جاهز ولا فى شقه ، بس قلتلها انى عايز اتعرف على عليتها علشان اتقدملها ، المهم ان البيت عندها غير مستقر بين باباها وماماتها ودايما فى مشاكل بين الطرفين وده كان بياثر على نفسيتها ويخليها ترفض انها تتكلم معايا على فترات ، المهم كلمت ماماتها وللاسف ماماتها رفضت بدون اى اسباب ، والبنت كلمتنى وصدمتنى ، رغم انا حاولت مع ماماتها لاكتر من مرة ، وانا كمان عملت كل جهدى وخليت اخواتى يكلموها علشان تتاكد انى انا عايزها ، وقتلها ممكن اخلى والدتى تكلم والدتها ، بس برضه مفيش رد من اهلها ، المهم كلمت ماماتها وقلتلها على الموضوع قالتلى لما نشوف باباها هيقول ايه ولو الكل موافق مبروك بس هات رقمك ، وبعدين وانا بتابع مع والدتها قالتلى لا مقيش نصيب والموضوع اتقفل ، المهم البنت سافرت لاباباها فى السعودية وانقطعت بقى اخبارها وارقام تليفونتها حتى الفيسبوك ، وفضلت ادور على اى خيط يربطنى بيها مفيش للاسف ، سالت كل الناس اللى كانوا يعرفوها محدش دلنى عليها ، وعدى سنه وقلت خلاص الموضوع اتنسى ، وفضلت قاعد بدون ارتباط ولا جواز لانى كنت بدور على حب حقيقى اكتر من جواز صالونات ، ومع ذلك كل ما كان يظهر اى صديق قديم كنت باسله عليها يقولى معرفش عنها حاجة ، لحد من كام يوم ، بدور على الفيسبوك من موبايل غير موبايلى ، وخطر فى بالى ادور باسم صاحبتها بس كانت بتكتب اسمه بطريقة مزخرفة ، وفجاة لقيت الاكونت بتاعها ، لان حتى البنت دى كمان عملت لى بلوك على الفيسبوك هى كمان ، ولقت البنت اللى كنت بحبها عندها عاملة اكونت جديد ، وبعتلها اضافة من عندى وقلت احاول اكلمها واسلم عليها ، بس الموضوع عدى عليها 6 او 7 سنين ممكن تكون اتجوزت وعندها اولاد دلوقتى ، المهم كلمتها ووهى مش بترد فهمت انها خلاص حياتها استقرت ، لحد ما اتفاجئت انها بترد عليا وبتسالنى عامل ايه واخبارى ايه ، طبعا كنت طاير من الفرحة وقعدنا نتكلم ونسترجع الايام واللحظات الجميلة اللى كانت بينا ، وسالتها السؤال اللى كان شاغلنى ، انتى اتجوزتى ولا اتخطبتى ؟ قالتلى انا كنت عايزة اقولك على حاجة واحتمال دى تكون اخر مرة نتكلم فيها ، انا طوال المده اللى فاتت ما ارتبط لانى كنت عايز ارجع مصر وكان الارتباط كله بره ، بس انا حاليا فى موضوع مفتوح عندى وحاليا ما هعرف اتلكم فى اى حاجة دلوقتى ، صارحتها بكل اللى عملته علشان اوصلها وكل المجهود وهى مصدقانى ومبسوطة وتقولى انت بجد عملت كل ده علشانى ، وقلتلها ان الارتباط بالنسبة لى مش مجرد رويين اجتماعى لانى بدور على اللى يكملنى ، وانتى الانسانة دى ، قالتلى مش عارفه اقولك ايه بجد ، بس انا فعلا مش هعرف اتكلم فى اى حاجة دلوقتى وانا عندى موضوع مفتوح ، سالتها هو نهئى و اجبارى تتجوزيه قالتلى لا كل شى فى ايدى بس لازم علشان انهيه يكون فى حاجة قوية ، قتلها عموما اعملى استخارة وشوفى ، وبعتلها شوية نصائح تقدر من خلالها تعرف اي حد مناسب بالنسبة لها وتختار على اساسه ، وفضلنا نتكلم تانى عادى وكل ما اسالها هنعمل ايه تقولى انا بجد مش عرفه افكر والموضوع صعب انى اتكلم فيه ، لحد من كام يوم كنت بنتكلم وبعدين قالتلى كل الكلام الجميل ده كويس بس انا مش هعرف اعمل حاجة ، فحسيت انها عايزة تقفل معايا ، وما رضيت اطول بس سالتها : تفتكرى كان ممحكن اى حد يعمل اللى عملته علشان بيحب حد كده قالتلى لا ، سالتها تفتكرى الشخص التانى اللى متقدملك ممكن يعمل كل اللى انا عملته علشان خاطر بيحبك كده قالتلى لا ، قلتلها شكرا انتى رديتى على نفسك ، قالتلى انا ما هقدر اتصرف واعمل حاجة ، انتى لو كنت كلمتنى ساعة ما العريس ده اتقدم يمكن كان فى فرصه ، قلتها خلاص ربنا يسعدك وسبتها ، وهى فضلت تقولى وانا بتتمنالك الخير وان انسان كويس ومحترم ،،
تفتكروا انا المفروض دلوقتى اتصرف ازاى ؟
هل انسى الموضوع ده بالكامل وشوف حد تانى ؟ ولا ممكن يحصل فى الامور امور والارتباط اللى هى فيه ما يتم وتبقى حره الاختيار؟
وتفتكروا حتى لو موضوعها ما كمل هتكلمنى تانى ؟ ولو كلمتنى المفروض اسامحها ونرجع لبعض ولا المفروض هى استغنت عنى خلاص فا المفروض انساها وما ارضى ارجع تانى ليها حتى لو هى كلمتنى ؟
طبعا انا بطرح المشكلة لسبب انى فعلا كنت ولا زالت بحبها جداااااا ، لانى لو مكنتش بحبها طوال المدة دى كلها ، كنت تجوزت او على الاقل لو كانت قالتلى انا مرتبطة مكنتش هزعل كده ، فياريت تقولولى رايكم

مشاكل وحلول ذات صلة

• قطع علاقتي معه لان الحب حرام
• حاسة ان ربنا عاقبني بسببه لكن نفسي ارجعله
• عايز يجى يتقدملى وانا بقوله لما هخلص دراستى
• بحبها وخايف اظلمها او اغلط فيها
• بحب خطيبي لكن الماضي شاغلني
• ازاى اخليه يخطبنى وانا اتحمل تكاليف الزواج
• بحب بنت وبتحبني وخايف من المستقبل