انا اترددت كتير قبل ما اكتب اى حاجه هنا بس مكنش قدامى حل تانى قبل اى حاجه انا بقالى شهور وايام على الوضع دا
– انا حبيت واحده لمدة خمس سنين بس للأسف كانت بعيدة انا كنت من بلد وهى من بلد تانيه هى من اسيوط اخر الدنيا وانا من اسكندرية
حبيتها بجد اقسم بالله ومكنش حب مراهقة والهبل دا خمس سنين بحبها وبعشقها وكلام حب و ببنى مستقبل وحياة مع انى قبلها كنت كويس وفى حالى اه كنت بعجب ببنات اه عادى يعنى كنت مراهق قبل ما اعرفها لكن معرفش ايه اللى حصل وبلاش عرفتها ازاى المهم فى اخر سنه كانت بتتغير بتغغير جامد كنت اتصل متردش كانت دايما تقول احنا مش لبعض وحصلها مشاكل ومعرفش ايه اللى حصل مبقناش نتكلم *انا حتى دلوقت مش عارف اتكلم ولا احكى ولا اقول ايه * انا كل يوم بفكر فيها انا مش قادر انساها ولا انسى اليوم اللى اتصلت وقالتلى خلينا اصحاب واخوات انا مبقتش حاسه بنحايتك فى اى حب وعرفت انها لسا بتكلم شباب وكنا بنتخانق على الموضوع دا وبعتتلى صاحبتها تقولى هات الحاجه اللى ادتهالك اترفنزت وشتمتها وقولت ملكيش حاجه وبعدين لما قعدت مع نفسى قولت تغور هى وحاجتها المهم انساها بس بعد فترة عرفت انها عندها كانسر واتقلبت الدنيا معايا تانى وحنيتلها وبقيت مستعد اسامح كل اللى عملتو فيا و اضحى بحياتى علشانها او علشان افضل معاها اخر 24 ساعه فى حياتى
وبدأت اتابعها على توينر وباين انها عايشه حياتها عادى وكل شويه اراقبها ومبقتش اقادر انساها وكل ما اشوف واحده اشوفها هى بقيت بحلم بيها كل يوم بقيت بحلم بحضن منها بحلم بيوم واحد بس معاها وبعدين اموت مش عايز حاجه تانى بقيت فاشل فى دراستى وسقطت سنه واحتمال اسقط السنه دى كمان انا عمرى ما كنت كدا
انا بقيت فراغ من جوا
محدش بقى طايقنى
انا بشتغل وفلوس الشغل مش مكفيانى ولا مكفيا اهلى
ولا مكفيه الكليه اللى انا فيها
انا نفسى ارجع زى مكنت
او اتغير مش مهم اتغير لايه المهم اتغير غير للى انا فيها
انا نفسى انساها نفسى فى غسيل مخ
انا بقيت فى مصيبه
مبقتش مصدق فى ربنا مبقتش مصدق حاجه
انا بضيع دا لو مكنتش ضعت
انا مبقتش عارف انا عايز ايه من الدنيا
مش عارف انا عايش ليه
شخصيتى زى الخرا
وتخين وشكلى زى الخرا
انا معرفش ايه اللى بقوله دا انا جوايا كلام كتير واللى قولته نقطه فى بحر
نفسى حد يساعدنى
