هل ممكن يكون بيحبنى وبيفكر فى الارتباط الجاد

تجاهلته نهائيًا فتجاهلنى لكنه عاد لي بملء نظراته يرمقنى، زميلى فى الجامعة وفى نفس مرحلتى العمرية، واستمر مسلسل التجاهل بينى وبينه على مدار عام كامل للآن لكنه يتجاهل ثم يرجع،، بينما أنا مستقرة على رأيي ولا أفكر حتى فى بدء أى حوار معه ، حكى عنى لمعظم الشباب وعرفت كده من نظراتهم ونظرات البنات ايللى مصاحبينهم لا أعرف مالسبب؟ ولسه من وقت قصير كان بيتعمد إنه يظهرلى فى مواقف نبيلة زى مثلًا يمشى يسند زميله المعاق أو يذاكر قصادى او يمشى قدامى وفجأة يقف عشان اشوفه ، أو يقف ورايا (ضهره لضهرى) وانا بكلم صحباتى وهوا يكون بيكلم اصحابه وبيتعمد إنه يعلى صوته وهوا بيتكلم او علطول يتعمد إنه يطلع من المحاضرة بعد لما انا اطلع ..لحد لما بصتله باشمئزاز واحتقار ومشيت وسيبته ومن بعدها تجاهلنى وبئا بيسيبنى ومش بيستنانى بعد ما اطلع من اى امتحان او محاضرة .. هل البنى آدم ده ممكن يكون بيحبنى وبيفكر فى الارتباط الجاد بس انا ايللى مش مدياله اى فرصة؟ولا لعب عيال وترضية عشان سمعته قدام اصحابه وخلاص؟ اعمل ايه؟ عايزة اعرف رأيكم كلكم وخصوصًا إن الحكاوى دى اول مرة تحصلى حاجة زيها فى حياتى ومستعيبة حتى الكلام عنها(مش بكلم شباب وفى حالى والله).

مشاكل وحلول ذات صلة

• انا مريضة وممكن المرض يوقف بطريق حبي ليه
• لو حبيبى مجاش هل اقبل العريس التانى
• مقدرش اعيش من غيره وهو بيحاول يثبت انه مش بيحبني
• هل البنت فعلا بتحبني ولا هي مش محترمة
• الغربه بعدتني عن حبيبي
• بحب شاب اقل منى فى المستوى المادى
• لو كان فعلا بيحبنى ليه كلم البنت التانيه