انا عندى 20 سنه لاول مره بحياتى احب بعد ما عشت طول حياتى خايفه من انى احب بسبب مرضى واخيرا حبيت وكمان حبيت حب مش عادى وهو دايما كان يقولى بحبك وتصرفاته كانت بتقول انه بيحبنى ولكن فى يوم من الايام تعبت وهو جارنا واخدنى هو ومامتى للمستشفى وهو كان يعلم انى مريضه بالقلب ولكن بعد فحص الدكتور اليوم ده قال لى الدكتور اننى لا استطيع الزواج الا وانا عندى اقل حاجه 30 سنه ولكن لا استطيع ان انجب اولاد ولكن حبى الاول اتصدم وقال لى انى اعرف انك مريضه بالقلب ولكنى لا اعرف انك لم تتزوجى الان ولا تنجبى ابدا وبسبب كده سامحينى فأهلى لم يوافقوا وسانسحب من حياتك بهدوء ولكن هو معتقد انه كده انسحب من حياتى بهدوء ولكنى لم يدرى انه سبب لى جرح سيظل بقلبى طوال حياتى وكل الناس ملاحظين انى بحالة انكسار وما احد يعرف شو سبب الانكسار ده ولكنى الان عايشه اسوء لحظات حياتى وبسبب كده ماما تعبت من خوفها عليا من اللى بعمله بحالى من بكا ومابكلش وحتى الدوا اللى كنت مهتمه بيه جدا عشان حبيبى مش حتى عشان نفسى دلوقتى اكتر حاجه مهمله فيها هى صحتى وهو كان يعرف انى الاول كنت رافضه الحب لاجل ما اظلم احد معايا وكان يقولى لو كان فيكى ايه هتجوزك انا اتمتع والحمد لله بقدر كبير من الجمال ومعظم الناس اللى يشوفونى يقولوا عليا شبيهة نانسى عجرم ولكنى رافضه الارتباط بعده ساعدونى اعمل ايه اعيش بعيده عنه وهو ساكن قصادى مش عارفه انساه ابدا او اعمل ايه ساعدونى انا عمرى ما كنت بالحاله ديه اكلمه تانى ولا لأ بس كرامتى اهم حاجه عندى
اختي الكريمة،،الشاب كان صريحا معك فلاتكون أنانية،، تمني له السعادة مع غيرك،،وأنت إقترب من الله وادعيه بالشفاء ،، وأن يرزقك بمن يناسب ظروفك،،الشاب معذور فهل ستظلون على علاقة عشر سنوات حتى تصل الثلاثين دون رابط شرعي،، وايضا لن تستطيع الانحاب،،يجب أن تعذريه ،،لا تكلميه مرة أخرى،،أشغل نفسك بالاستغفار وتقرب من الله ،،وربنا أمره بين كن فيكون قادر على شفاءك فأكثر من الدعاء خاصة أوقات الإجابة،،وأدمج نفسك بأنشطة خفيفة تناسب مرضك كالجمعيات المتعلقة بتعليم الأنشطة مثل حياكة الصوف،،وادخل خلقة لخفظ القرآن،،ربما تقابلين يوما من ظروفه تناسب ظروفك كأن يكون مطلق أو أرمل ولا يرغب بإنجاب الأولاد،،إرحم نفسك ووالديك ولا تعذبيهم،،واعلم ان الله يختبر صبرك فلا تتذمر ولا تيأس واخرج من قوقعة اليأس