كنا اصحاب اوى وقربنا من بعض كان بيهتم بأدق التفاصيل فى حياتى كان محسسنى بالاحتواء والاهتمام والحب وبيخاف عليا اوى بعد كده قالى انه بيحبنى انا و واحده تانيه قلتله لاء انا اللى هيكون حبيبى لازم يبقا ليا لوحدى وهى كمان قالتله كده بس هو فضل متمسك بينا احنا الاتنين عدت فتره وبعدين اتخانقنا كنت متعصبه منه اوى فضلت مطنشاه وبعدت عنه فتره ولما رجعت قالى انه ارتبط بيها وكان فاقد الامل انى ارجع خالص فضل يعاتب فيا زى ساعتين وبعد كده قالى انتى صديقتى برضو وغاليه عندى بس اتغير اوى معتش زى الاول قليل لما يكلمنى معتش بيهتم بيا ويخاف عليا حسيت انها اخدت كل مشاعره الغريب انى قبل كده مكنتش بحبه كان بالنسبالى مجرد صديق بس لما حبها حسيت بالغيره وانى بحبه وكنت بهزر عادى وطول الوقت ابقا مبسوطه قلبت نكديه هو لاحظ كده وقالى انتى كنتى بتحبينى واتصدمتى لما لقتينى بحبها قلتله لاء انا مبحبش حد كل ما يكلمنى يقولى انتى متغيره انا عايزك ترجعى زى الاول تضحكى كل ده قدر ونصيب محدش عارف هيحصل ايه بعد كده بس انا لما احب واحده لازم ابقا مخلص ليها ومقدرش اخونها انتى لما بعدتى كنت محتاجك وهى اللى وقفت جنبى ولقيتها معايا دايما واتعلقت بيها وحبيتها دلوقتى انا مش عارفه اى تفسير لشخصيته وهل هو بيحبنى ولا لاء مع العلم انه بقا يرد عليا رد بارد ساعات يتجاهلنى وقليل اوى لما يكلمنى اتغير180درجه ده كان طول اليوم معايا كان لازم يصحا على صوتى كنت شئ اساسى فى حياته كان بيقولى يومى ميبقاش حلو لو مكنش صوتك اول حاجه اصحا عليها
