انا بحب شاب من 5 سنين المشكله انى بحبه بس مكنتش موافقه اكمل معاه عالشان شايفه ان ده غلط وكنت خايفه ان اهلى يعرفوا كنت ببعدوا عنى وبتعمد انى اكرهه فيا دلوقت بعد خمس سنين بقيت بس انى مش هقدر اعيش من غيره وانى طالما مش بعمل حاجه غلط ايه المشكله انا غلط ف حقه كتير وكنت بتعمد اكرهه فيا بس انا عمرى محبيت اى حد غيره هو الوحيد الى ممكن احبه انا معرفش اى حد غيره ولا جربت اتعامل مع اى حد انا اتخطبت مره لواحد من 2 سنتبن وحاسه ان ده كرهه فيا اكتر هو سافر بقاله سنتين وكانت حصلت عنده ف البيت ظروف وحشه وحاولت اكلمه بس معرفتش وكلمته اكتر من مره على النت بس سلام وخلاص بس انا نفسى اكلمه وحاولت اكتر من مره وزى ما يكون هو خايف منى المشكله انى متاكده انه بيحبنى بس هو عصبى اوى وعاقله صغير وكمان هو جد لو كانت الفرصه قدامه هيخطبنى من غير شك عرفت انه تعبان اوى من يومين وتقريبا كان ممكن يموت ومكلمتوش وبالصدفه كلمته ع النت وقالى انا كنت بموت قالتله انا عرفت ومحبتش اكلمك عالشان متزعلش قالى يعنى انتى عرفتى ومكلمتنيش بقيت مش عارفه ارد اقوله ايه بس عاداها وقعدنا نتكلم كتير وقالى لو مخبيه عنى حاجه قوليها وانا مش هزعل قولتله انا ع الفيس بوك ضايفه ولاد وبكلمهم رد عليا وقالى ليه وبس وقام قافل انا بعتله رساله تانى يوم قولتله انا مبكلمش ولاد بس الى انا عملته انى فتحت ايميلك ولقيت عليه بنات كتير وحبيت اخليك مكانى وبعتله ايميلى ع الفيس والباس ورد وفتحه وغير الباسورد بتاع ايميله ومش راضى يرد عليا
يابنت الناس علاقتك بالشاب حرام ولاتجوز اتقي الله في نفسك وفي اهلك وسمعتهم وكرامتهم وعايزك تعرفي ان اي علاقة بين الشاب والفتاة من غير رابط رسمي تعتبر غير صحيحة وغلط كبير وقعت فيه طوال 5سنوات وانت تخدعي نفسك واهلك بهذة العلاقة المحرمة والغير صحيحة توبي لربك واستغفريه واندمي على مافات واقطع علاقتك بالولد هذا نهاايئا وللابد وحافظي على دينك وخلاقك وشرفك وسمعة اهلك وكرامتهم وصونيها جيدا واياك والاستمرار في العلاقة مع هذا الشاب اوغيره واصبري حتى يكرمك الله عزوجل بابن الحلال اللي يستاهلك وجاد في الارتباط بك ويقدرمشاعرك ويصونها ويسعدك العمركله ربنا يصلحك ويهديك ويسترعليك انت وكل بنات المسلمين