السلام عليكم انا شاب عندي 19 سنة بحب بنت بقالي 3سنين وهيا كمان بتحبني جدا جدا لدرجه متتوصفش وبتغير عليا جدا من اصحابها المهم انا زي ما انتو شايفين انا شاب في مقتبل العمر ولسه قدامي مشوار طويل في حياتي انا قعدت افكر في العلاقه الي بينا دي لاقيت ان انا لازم انساها لان لسه قدامي مشوار طويل ومش ممكن هيا تستناني العمر ده خصوصا انها بنت يعني بس انا قولت انا لازم اخليها تنساني علشان مظلمهاش معايا المهم بعتلها رساله وفهمتها الوضع وقولتلها انها لازم تنساني علشان ده لمصلحتها وربنا يشهد عليا اني وانا باكتب الكلام ده كان من ورا قلبي وكنت في حسرة كبيره عليها لاني بحبها جدا جدا وعمري ما هاعرف انساها المهم هيا قرات كلامي كلمتني في التليفون وكانت منهارة جدا وبتعيط لدرجه انها متكلمتش ولا كلمة من العياط انا بعد المكالمه حسيت بالذنب خصوصا بعد ما قالتلي ان عمرها ما كانت تتوقع اني اجرحها بالشكل ده انا زعلت من نفسي جدا خصوصا انها كانت قالتلي اني لو في يوم سبتها هيا ممكن تموت انا بصراحه خفت عليها جدا وقررت اني ارجع لها وقلتلها انسي كلامي الي قولتهولك هيا فرحت جدا بيا وقالتلي اني هرضيك في كل حاجة واخدت وعد علي نفسها ليا انها هتستناني لاخر يوم في عمرها وعمرها ما هتكون لحد غيري بصراحه انا بحبها جدا بس انا خايف في الاخر ان كل ده يضيع مني لما اكبر وتكون لحد غيري ساعتها هتكون الصدمة الكبيره علشان كده انا كنت قررت اني انساها علي الاقل الصدمة هتكون اخف ليا وليها والله العظيم وربنا يشهد اني بحبها وخايف عليها بس مش عارف اعمل ايه اكمل معاها واسيب الباقي علي ربنا ولا انساها والي يحصل لها يحصل ارجوكم افيدوني بارأئكم يا اخواني
حرام عليك تعلق البنت فيك وانت مش قادر على الارتباط ولسه ماجهزت نفسك وقدامك المشوار طويل لوكنت فعلا تحبها وتريد الخير لها اتركها وانسحب من حياتها تماما ولاتردش على اتصالاتها او رسائلها وصدقني ده هو الحل المناسب لك ولها وماتخافش عليها مش هيجرى لها شئ مع مرور الزمن البنت تنساك وتلتفت لمصلحتها وده بيحصل لكل البنات في حياتهن المصيبة انك لو استمريت معاها وانت مش قادر على الارتباط بها وظروفك صعبة وغير مستعد للارتباط في الوقت الحالي لانك لسه في بداية حياتك وعمرك 19 سنة لااظنك تقدر على تحمل المسولية والارتباط وتجهيز نفسك وتحمل اعباء الحياة من الظلم انك تخليها تتعلق بك بلاطائل