انا بنت عمرى 21 سنة حبيت شاب زميلى فى الكلية .حبيته حب الجنون لدرجة انى كنت بفكر فيه وانا صاحية وانا نايمة كمان
وفى اخر سنة فى الكلية عرفت انه اتقدم لواحدة زميلتى عشان يخطبها بس محصلش نصيب وكانت صدمة ليا ….بس انا بعد الكلية مخلصت دورت على ايميله وجبته من ع الفيس بوك وعملت ايميل غير بتاعى وكلمته منه على انى واحدة ماعرفوش عشان اعرف اذا كنت مهمة بالنسبة له والا لاء …بس هو سالنى عن اخبارى العاطفية وقلت له انى حبيت واحد بس معرفش شعوره من ناحيتى قالى لو انا كنت مكانك كنت صارحته بحبى..وقالى ان قبل كدة واحدة قالت له انها بتحبه وهو وافق وحبها بس حصلت مشاكل وسابو بعض ؟؟ بس انا مش عارفة دالوقتى اصارحه بحبى وبشخصيتى الحقيقة والا هو مش هيصدقنى بعد مكذبت عليه وقلت له انى شخصية تانية
؟؟وهل لو صارحته اقوله انى انا الا كنت بكلمه والا لاء؟؟؟بالله عليكم افيدونى
الحب الاول
هل اصارحه بحبى وبشخصيتى الحقيقة
اضيف بتاريخ: Friday, August 31st, 2018 في 06:43
كلمات مشاكل وحلول: الحب, الفيس بوك, الكلية, بنت, حب, شاب
أختي الجبيبة…
منورانا
بصي بقا …
مفيش أحلى من الصدق وأحلى حاجة فيكي انك عارفة انك عملتي حاجة غلط
انا مش شايف صراحة في قصتك ديه شئ عجيب يعني بصراحة ، وعلى فكرة أمر وارد جدا انك تكوني حاطة واحد مثلا في دماغك ونفسك مثلا فيه أو انجذاب له ،، وتلاقيه اح لواحدة تانية ،، أفتكر الأدهى من كدة كمان بيحصل
عموما في أيي اقفلي الأكونت ده وانسي الموضوع في رايي الدخلة ديه مش صح على فكرة
،، يا اما تظهري بوشك الحقيقي يا اما متظهريش ،، متعرفيش العواقب ايه بعد كدة ؟؟
كبي دماغك وكملي حياتك ،، وعلى فكرة أكتر من اللي ررربنا كاتبهولك وقاسمهولك مش هتاخدي
ربنا يكتبلك السعادة والخير يارب
اخوكي
الانسان الطيب
الشاب عمرو ماحبك ابدا لازم تعرف الشئ ده وترضي به وتبعدي عنه خالص عيب اوي البنت تجري وراء الشاب وتصارحه بحقيقة مشاعرها هل من قلة الشباب الدنيا مليانة شباب زي الفل واحسن من صاحبك ده مليون مرة وربنا بيكرمك بواحد منهم بابن الحلال اللي يصارحك بحقيقة مشاعره ويصون كرامتك ويسعدك العمر كله