انا عندي 20 سنه بحب واحد في سني وهو كمان بيحبني عرفته من سنه بس من غير خطوبه ولا حاجه هو مجرد انه كلم ماما واخواتي اتعرف عليهم … بس هو اتغير معايا جدا واتحول لشخص تاني وكل لما اقوله نسيب بعض ميرضاش ويقولي انه بيحبني وعايزني بس دايما بحس اني مبقتش اعجبه ولا في شكلي ولا طريقه كلامي ولاهزاري يعني اكتر حاجات كان بيحبها فيا بقت عادي واتعود عليا لدرجه جامده انه عايز يمشي ماسك ايدي حاطط ايده علي كتفي وانا بكره الاسلوب ده جدا بس مبحبش انه يدايق مني وعلي طول يقول عليا مقفلاها معاها لدرجه وصل سوري يعني انه هاتي بوسه وكدا اتعود عليا لدرجه انه حاسس اني بقيت حلاله خلاص المشكله دلوقتي انه المفروض هيجي يتقدملي قريب كان متفق علي كدا وانا مش عارفه اعمل ايه مش عارفه اكمل معاه واتخطبله وهو بالطريقه دي وهو مش هيغيرها انا متأكده ..علي طول يتكلم معايا بأسلوب مش محترم علي الرغم من اني عرفته وعرفت انه كويس واهله كويسين ومحترمين بس هو طريقته وطبعه كدا اول ماعرفته كان مبينلي ادب شديد يعني لكن دلوقت اختلف هو مكنش بيمثل عليا بس هو اخد عليا زياده عن اللزوم وانا حاسه اني مبقتش احبه زي الاول بس لما بيبعد عني ببقي هموت واكلمه زي اللعبه اللي في ايد الطفل يرميها ولو حد اخدها يموت بالله عليكم حد يقولي اعمل ايه اوافق ونتخطب ولا اعمل ايه وخايفه لو سبته اظلمه وربنا يجازيني علي ظلمي عارفه اني غلطت من الاول اني كلمته من غير ارتباط رسمي بس اتعلقت بيه واكتر حاجه بفكر فيها خايفه اني اظلمه لأنه بيتعب عشان في شغل وفي حاجات كتير أوي حد يفيدني اعمل ايه
وشكرا
مشاكل الحب والزواج
مش عارفه اتخطب للي بحبه ولا لأ
اضيف بتاريخ: Sunday, February 24th, 2013 في 17:05
كلمات مشاكل وحلول: الحب, شاب, فتاة, مشاكل الخطوبة
الظاهران الشاب تمادى في العلاقةمعك وتصرفاته الوقحةولغير اخلاقية معك دليل على ضعف شخصك وتساهلك معه لازم توقفي عندحده ويكون فيه احترام وتقدير للمشاعربينكم ويبطل التصرفات المنحلةوغير اخلاقية معك والا فالافضل تركه للابد وكل منكم يذهب لحاله وربي يسترعليك ويحميك من كل شر
بسى حضرتك منا لو خرجت معاكى ومسكت اديكى وبوستك وعملت كل حاجه هكون عايز ايه تانى الى يحب حد بيكون نفسوا يسعدوة بس مش كدة لزام يكون فى حدود وانا لما اعمل كل حاجه انا عايزة خلاص خلصت يبقا لو هنكمل مع بعض بحدود بحك ايوة بحترمك مخلص ليك لكن بحدود ودة شرع الله ياريت تحفظى على نفسك ولو مش عاجبوا الكلام دة يبقا مش نصيبك ولا كان فى يوم ليكى لانوا مش مخلص ليكى مش حابك
أختى اسمحيلى أقولك انك انسانة طيبة جدا بمعنى أن فعلا من الصعب أن الواحد يجد انسانا يفكر فى الأخر ولوعلى حساب نفسه يعنى خفتى عليه الا يتعب بعد ما تسيبيه ديه ملاحظة منى على الأخلاق الجميلة ديه ياريت الناس كلها يفكروا زى ما أنتى بتفكري كدة …
المهم أنا عايز أقولك فعلا أنك وده باين فعلا من كلامك وتصرفاتك وقراراتك لكن لا بد وأن تعلمى أن مش كل حاجة أحنا عايزنها فى الانسان اللى أودامنا بنلاقيها فتغير الانسان وارد أو مثلا كان فى الاول بطريقة معينة معكى فى المعاملة وغيرها للحقيقة بتاعته مع الايام لكن أوجهلك سؤال ماسألتيش نفسك هو ليه أتغير معاكى ؟
ثانيا محاولتيش بقدر الامكان أنك تغيريه ؟؟ ولو على حساب أنك تحرجيه مش مشكلة أذا كان هو غلطان او فى لحظة من اللحظات تعدى حدود الكلام معاكى ..
ياأختى أنا أرى فى رأيي الشخصى أنك أنتى مادمتى انسانة محترمة ستكبرين الجميع على احترامك ويفعلون ما تريدين من أجل أن يسعدوكى لكن لا بد وأن تحاولى فى أن تتكلمى معه وتحاولى .وان لم تجدى معه فائدة فيبقا أنتى كدة عملتى كل حاجة معاه فساعتها عمرها ما حتندمى على شئ.
والله يا بنتي اتخطبي ليه هيا فترة الخطوبة دي ليه اساسا عشان تقربو اكتر من بعض ولو لقيتي ان اسلوبو لسا مش لطيف معاكي حاولي تشاركي حد من اخواتك اومامتك في المشكله دي وهما يلمحواو من بعيد لبيعيد لقيتي مفيش فايده يبقى تصلي استخارة وتسيبها على ربنا وربنا هينورلك طريقك باذن الله
من الواضح أنه بدأ في فقدان رصيده عندك لأنه خيب ظنونك به.
ولكن طالما أنه ليس سيئا بدرجة كبيرة وطالما نك تعلقت به وتعلق بك فلا يجب أن تتسرعي في قرارك وإنما يجب أن تناقشيه بكل وضوح وصراحة.
وأن تطلبي منه أن يتغير كي لا يخسر مشاعرك تجاهه، فإن أبى وظل كما هو حتى بغير أن يحاول أن يتغير فهنا يكون هو الخاسر، هو سيكون زوجك ويجب أن يسمعك ويجب أن تتناقشا في كل أمور حياتكما، فليس لأحد الحق في تقرير مصير الآخر بدون رضاء الآخر.
تكلمي معه وقولي له أريد التحدث بجدية ولا أريد أن أهمل الموضوع ولن أقبل أن تسفه رأي وكلامي ويجب أن ترد علي بكل وضوح.