انا عندى 22سنة حبيت واحدسنتين وشهر كان بيقولى بحبك اوى وعمرى مهسيبك هعمل اى حاجة علشانك لو اى حد قالى اسيبك مش هسيبك وفضلنا كدة لمدة سنة مكنش معاه حاجةوفضلت معاه بعد كدة اشتغل فى شركة بترول وبقى معاه فلوس بس كان عصبى وكان بيسب الدين وكنت بعدى والايام دى كنا متفقين على الخطوبة ورحت معاه الشقة اللى هنتجوز فيها عشان اشوفها وحصل بنا علاقة بس مش كاملة مش عارفة انا عملت كدة ازاى وقعد يقولى عادى مش احنا بنحب بعض وهنتجوز وانت لية وبعد كدةكنا كويسين مفيش حاجة وكنت فى الامتحانات لقيته مش بيكلمنى ولا عايز يرد لقيته بيقولى كل شى قسمة ونصيب مش هينفع نكمل وبعديها باربع ايام كلمنى وقالى انا مقدرش اعيش من غيرك انا سبتك عشان فى شيخ قالوا ان ماما بتعملوا عمل وطبعا كدب وسمحته وقاعدنا شهرين تانى وسبنى تانى بسب موضوع العمل وانا مش عارفة اعمل ايه وعلى فكرة انا كنت بحكى لماما وبابا على كل حاجة انا تعبانة اوى مش عارفة اعمل ايه وعدنى بوعود وضحك عليا سبت علشانه عرسان كتير خايفة يكون ربنا غضبان عليا بسب ان سمحت انوا يلمسنى وانا مش مراته والله ندمانة ومش عارفة اعمل ايه انا لسة بحبه ونفسى انساه وخايفة من عقاب ربنا ليا حد يساعنى ويقولى اعمل ايه ياترى فى حد هيتجوزنى بعد اللى عملته نفسى ربنا يسمحنى
رجاء من تصله الرسالة ان يستحضر قلبه ويدعو لاخوه اسامة محود بالنجاة من المهالك وصلاح الحال
اختي العزيزه ادعي الله ان يسامحك وان الله غفور رحيم وتاني شي ازا كنتي بتحبيه ده مش في ايدك ازا كنت حابه تتزوجي معو عليك ان تقطعي كل مايوصلك لهو وتركي كم شهر سوف يتصل بك لا تردي لهو بعدين رسلي رساله قولي لهو انك احبتيه كثيرا ولكن لي الاسف لم احب رجل لانك كلب سوف ينقهر منك كثير ويريد ان يثبت لكي ولي نفسو انو رجل قلي لهو استرجل زي باقي الرجال ثم اتصل ولا تعيري اهتمام سوف يقيب وسياتي لكي يتزوجك انشالله وان كنتي لا تريده وتريدي نسيانه عليك ان تقطعي كل مايزكرك فيه وكل ماترهو لك من زكريات واملي وقتك لكي لا تفكري فيه وعندما تتزكري اتزكري الاشيا السيئ والام التركه لكي يوما مع يوم سوف تنسي عنجد يااحتي الله بحبك كتير لانو بعدو عنك اثقي في نفسك بكره يتلقي احسن منو الله بياخد اغلا الناس في حياتنه لكي يعطينه افضل وواغلا منهن وانا متاكده انو هجيكي حد افضل منو بكثير واتمنه لكي السعاده والطريق الصحيح
السلام عليكم اختى العزيزة انا احس بيك لان اقرب صديقة لى مرت بتجربتك وشفت قد ايه اتعذبت انا احكيلك قصتها يمكن تستفيدى ويمكن تثقى فى الله انه رحمن وجبار وستار وع فكرة هى وحبيبها بيحبوا بعض من 10 سنوات كانوا زملاء جامعة وتفرقوا وبعدين عاد لها وبعدين تركها وسافر بلد اوربية وفشل هناك وحالته النفسية كانت سيئة بعد ما عاد مصر طلبها للزواج وع قكرة عمرها كان 30 عاما متخيلة فرحتها انها تتجوز حبيبها بعد ما وصلت السن ده وانتى عارفة البنت بتمر بظروف نفسية وحشة ومواقف وكلام زبالة من الناس بسبب تاخر الزواج وده غير المتقدمين ليها غير مناسبين ليها ولو رفضت يقولولها مستنية ايه ويجرحها وده اخر فرصة المهم ان حبيبها كان النجدة حبيته حب جنونى وخصوصا لما تقدم لها وفعلا اتخطبوامرة ف مرة يبوسها يحضنها ويقولها انتى مراتى ادام ربنا الووضوع وصل الى انهم راحو الشقة ع فكرة ده بعد الحاح شديد يوصل ل50 مرة و وهى قد ايه كان مؤدية وتخاف ربنا واخلاقها كريمة وبتصلى حتى انها كانت ما شاء الله تحكيلى عن رؤى جميلة بتشوفها زى سماع الاذان حمل المصحف الصلاة ف المسجد كانت علاقتها بربنا جميلة لكن للاسف لما ربنا حطها ف اختبار فشلت فى المهم انها رفضت كتير تروح معاهبس الشباب الوسخة مش بيغلبوا عندهم صبر كبير لكى يقضوا ع فريستهم المهم بعد الملمسات الخفيفة كل مرة بتزيد وبتتعمق وراحت معه الشقة اول مرة بكت بكء شديد ولكن رضاها بكلامه المعسول وقالهاتعالى نتجوز ومسكوا ايد بعض وزجتك نفسى وكلام اهبل من ده وفين الشهود قالها ربنا شاهد علينا وتكررت زيارات الشقة بس الحمد لله من غير فض يكارة المهم كان بيعملها كويس الاول ولو حس انه هتسيبه كان يتجنن لكن بعد اللى حصل رخصت ف عنيه بس من غيلر ما يقول كانت بتحس بفرق المعاملة واى مشكلة يبعد عنها بعد ما كان بيترجها بقى يسبها زى الكلبة تاكل ف بعضها عارف انها هترجع لانه تملك منها من قلبها ومن جسمها وكان بيقول لها كلام معسول كتير اوى انتى بتاعتى محدش يقدر يخدك منى انتى مراتى ادام ربنا انتى حياتى ما اقدرش اعيش من غيرك اثناء فترة الخطوبة حصل مشاجرات كتيرة ودايما هى اللى كانت بتصلحه وكان بيذلها حتى يسامحها حتى لو كان هو الى غلطان وبعد مرة تشاجروا ع شىء تافه جدا جدا وفى الفترة دى بعد حي 10 سنين وسنة خطوبة وكان فاضل ع الزواج شهرين وكانت سعيدة جدا جدا وتقريبا اشتريت جهازها اخوها يتصل بى عشان يتفقوا ع موعد يجيبوا الجهاز قاله انا فسخت الخطوبة وعايز الدبلة والخاتم شفتوا انسان قذر زى ده حب ودخل وخرج ونام وجرحها وسبها وكسر فرحتها وكمان عايز مكافأته الذهب اللى كان جابه لها حاولت الانتحار اكتر من مرة بمحاولة قطع الشرايين ومرة باشنق ومرة ببرشام والدموع ما كانتش بتفارق عنيها عشا ن فترة صعبة جدا جدا جدا دى رسالة لكل بنت اوعى ترخصى نفسى لان نفسك هانت عليكى انتى مش هتهون عاى غيرك لما ترخصى نفسك ما حدش هيغليكى حتى لو كان خطيبك او حتى كتب كتابه لكن الشباب اللى ما عندوهومش اخلا ق ولا ضمير كتير اوى فكونى متيقظة لمكرهم طبعا اتصلت بى كتير واترجتهوتبكى له وتقولى ماليش غيرك بعد وفاة ابويا انا هموت نفسى كل الحنية اللة شفتها منه قبل كده اصبحت جبروت وقسوة وظلم كان عديم الرحمة لانها كانت منهارة ولا سأل فيعا بل بالعكس من كلامها انا حسيت انه بيتلذذ بعذابها والشخصيات المريضة دى موجودة كتير التجربةدى خلتها تقرب من ربنا اوى وتصلى وتبكى لربنا وتستغفر ووعدت ربنا انها مش هتغضبه تانى وفضلات تتعذب اكتر من سنة ونص مع محاولاتها بالاتصال بخطيبها والبكاء له عشان يعود هى حكت لى موقف جميل اوى عشان تعرفوا ان ربنا كريم ممكن يبعتلك رسايل تصبرك بتقولى مرة كان بتبكى لحبيبها لكى يعود لها وتقوله مليش غيرك وارجعلى وهموت من غيرك وهى منهارة من البكاء وهو كان شديد القسوة وبكل برود قالها ابقى اشوف وابقى اتصل بيكى المهم قفلت معه وهى خارجة من الحجرة كان مشهدمسلسل تليفزيونى فى نس لحظة خروحها عروسة بتبكى لشيخ وبتقوله زوجى تركتنى ف ليلة الدخلة لقت الشيخ بيقولها اصبر يمكن ربنا عايز يرزقك بالاحسن منه قالتله مفيش احسن منه قالها استغفر اله العظيم انتى ما تعرفيش الخير فين روحى صلى ركعتين لله عارفة صديقتى ش المجروحة شعرت ان دى رسالة من ربنا ايها بيقولها كنتى بتبكى وتقوليه ماليش غيرك وبحبك وم هحب غيرك بالرسالة دى قالها انا شايل اللى احسن منه لرسالة كانت بعد فسخ الخطوبة حوالى بشهر او شهرين وفضلت بعدها شهور برضوا بتتعذب المهم استجاب لها بعد تقريبا سنة و4 شهور عارفة طلب منها ايه انها تروح معه الشقة تقله نتزوج يقول لها لا مش عايز اتجوز دلوقت واحنا نتقابل مؤقتا انسان قذر بعد ما دخل بيتهم وعهدها بالزواج وبعد الخطوبة عايز يعيش معها تانى فى الحرام والحمد لله كانت اخذت درس كبير واتعلمت منه رفضت بشدة فضل تانى يرجع يقول لها كلام حلو يمكن تلين وخؤرجت قبلته فى مكان عام وبعدين يقصد يمشى امام شقته عشان تطلع معه وهى كان عندها امل ان ربنا يهديه ويرجع يتزوجها لكن كانت نيته زبالة ورفضت يشدة رغم الحاحه عليها مرات عديدة وبقت تتجه لربنا وتقول ربى اصرفه عنى واصرفنى عنه واغفرى واسترنى ورزقنى بالزوج الصالح والحمد لله دلوقتى اتخطبت لانسان كويس جدا وبيقدرها وحنين عليها ومقدر اهلها وعرفت الفرق بين بين اللى بيحترمها ويحترم اهلها وبين خائن الامانة عايزة اقول من يتقى الله يجعل له مخرجا مهما كان حبك لشخص خلى حبك لربنا اكبر لان ربنا جبار ومنتقم لانها اتعذبت كتير بعد ما سبها لكنى بعد عودتها ربنا الحمد لله ربنا رزقها بانسان حنون جدا وكمان ما شاء الله مستقبله احسن وشكله احسن واخلاقه واهله فى مميزات احسن بكتير من الخائن ادعيلها ربنا يوفقها ويتمم لها ع خير وهى اتغيرت اوى بعد التجربة دى وقربت من ربنا او والحمد لله
انه سترك وسترها اطلبى دايما من ربنا الستر ما تبكيش ع الماضى بس اتعلمى منه اوعى تغلطى نفسى الغلطة مهما كانت الاغراءات قربى من ربنا واطلبى الرحمة والمغفرة والستر حتى لو الفرج اتأخر ربنا بيختبرك وابعدى عن الزفت ده وقولى حسبى نعم ونعم الوكيل وربنا هيجيبللك حقك وانسيه تماما بحبه وبجرحه وقربى من ربنا صديقتى اتخطبت بعد فسخ الخطربة بسنتين وشهرين يعنى لو اتاخر الفرج اصبرى كل شىء باوانه ربنا معاكى يا رب ويوفقك ويصلح حالك ويستر كل البنات وينتقم من كل ظالم
انا عارفة ان كل اللي حصل ميهمكيش واللي يهمك بس انك متبعديش عنه ياريت تقربي من ربنا وان شاء الله تتجوزيه
سيبك منه علي طول ولاتعبريه … وولو اتصل عليكي تفي في وشه … ولو حاول يكلمك في الشارع اضربيه بالجزمه … وده اقل عقاب ليه … يابنتي مفيش شاب هيتزوج بنت راحت معاه شقه ابدا ….. لازم تعرفي كده وانتي غلطانه انك تنازلتي … علي العموم الحمد لله ان ربنا ستر .. ومحصلش حمل … ولا فض غشاء البكاره … كفايه كده وفوقي … ولازم تعرفي اني الشاب اللي عاوز يتزوج بيدور علي البنت اللي تكون جاده … والجمال موضوع نسبي … لانه زائل مع الوقت .. اهم شئ الالتزام والجديه
ربنا غفور رحيم
ربنا غفور رحيم وهاد درس انك تتعلمي انو الشب بس يصل لغايتو بينسحب لانو هو بحب البنت الي بتحرمو من نفسا كلن بقولو متل ما نامت معي بتنام مع غيري الله يسعدك ولا تخافي
سراحة انتي تستاهلي اللي حصل انا اسفة على الجراة في الكلام بس اي وحدة تفرط بنفسها بسهولة هدا جزائها انتي فكرك انو الراجل لما ياخد منك اللي عايزو حيبقى معاك انتي غلطانة كتيييير الرجال كلهم بيبحتو عن وحدة ما بتفرط بنفسها بسهولة وانا كبنت بحترم قرارهم وهو ايش ضمنو انك مش حتعملي كدا مع شخص تاني هذا هو تفكيرهم وهادي هي الحقيقة حتى لو كانت مرة .
انا مش فاهمه ايه البنات اللى بتفرط فى نفسها يسهوله كده ايش حال لو احنا مش فى عصر الانفتاح وكل يوم بنشوف حاجه زى دى فى كل مكان ارجوكم ثقوا فى نفسكم اكتر من كده واتقربوا لربنا اكتر من كده ومش كل واحد يكلمنا كلمه كلمه حلوه يبقى هو ده فارس الاحلام
معلش محدش بيتعلم بالساهل واديكى اتعلمتى من اى حاجه غلط عملتيها وكلنا بنغلط بس الاهم انى منقعش تانى فى نفس الغلط بالعزيمه والاسرار
ان شاء الله ربنا هيسمحك و حولى تنسية وتعبشى حياتك عادى علشان هو مش يستهلك و صدقينى هو هيندم على كل ده
اولا انت قلتي علاقه سطحيه يعني ايه اتكشف عليكي ولا حجات ذي اللي بتعملها البنات الناقصات والغير مؤدبات اليومين دول وها كثير جدا وبالذات في الجيل الحالي تحت السلم وفي الآماكن المظلمه
البنت مثل العنبه لوا لمستها في الحرام انفعصت وتهردت يعني ذبلت يعني ترهلت انت فاهمه وما انت تبتي لكي تكملي التوبه اصلحي الأماكن التي دنست بالوضوء والصلاة ولا تفكري في هذه الشاب الغير محترم لأنه لوا محترم لفكر في اخته او امه قبل ان يقبل علي نسه لمسك وهو ينوي لمسك بالحلال ابعدي ونتظري الفرج فانه قريب ولا تعودي لفعلتك الشنعاء مهما قيل لك من كلام معسول فانه من كلام الشيطان وليس من انسان يعرف الله
بتمنى تقدري تفرقي بين الصح والغلط قبل فوات الأوان والله معك والسلام عليكم ورحمة الله تعالى وبركاته
ماهو لو اتبعنا شرع ربنا مش هنغلط ولا هنندم ولا هنبعت مشكلتنا للناس علشان حد يديلنا حلول لان الشرع بيقول ما اجتمع رجل وامراه الا وكان الشيطان ثالثهما وطبعا والدك ومامتك شريكان معك فى المعصيه لانك قلتى انتى بتحكى لبابا ولماما على كل حاجه ياترى قلتيلهم كمان على الى حصل فى الشقه دى مظنش ومستحيله مفيش فى الدنيا كلها بنت حره بتغلط 000لاكن فى نهايه رسالتك قلتى ياترى فيه حد يتجوزنى بعد الى عملتو طبعا هتلاقى كتير يتجوزوكى لاكن نصيحتى اياكى تتجوزى الشخص ده لانو طالما بيتكلم عن العمولات يبقى انسان ناقض ومعندوش ثقه وغير كل ده هتفضلى طول عمرك فى نظرو وانتى متجوزاه على انك خاينه وممكن تخونيه مع واحد تانى هتتعذبى كتير معاه يبقى لازم تبعدى عنو نهائيا وتنسيى الشخص الى كان ممكن يهدر كل كرامتك ويجعلك فريسه للقدر وكده وكده كان هيرميكى يبقى احمدى ربنا انو ربنا ستر ومكملش النشوه للنهايه كنتى هتفقدى حاجات كتير هتندمى عليها العمر كلو لازم ترميه من حياتك وترجعى بقى لربنا وتدعيلو انو يغفر زلاتك ويرزقك بالانسان الى يقدرك ويحافظ عليكى وياريت تقولى بلبا ولماما لما اخرج انا وخطيبى يبقى ابعتو معايا اخويا او اختى لان مفيش انسان اقوى من الشيطان ربنا يوفقك وشكرا
مبدئيآ أنتى لازم تحددى أنتى عايزة أيه
يعنى أنتى بتقولى أنك ندمانة
وعايزة ربنا يسامحك
وبتقولى أنك بتحبيه
يعنى أنتى كدة عايزة أيه بالظبط
أولا أذا كنتى عايزة ربنا يسامحك
يبقى القرار من كلمة واحدة هاسيبة يعنى هاسيبة
فيه عمل بقى ما فيش عمل
ده كلام فارغ
الخيار التانى أنك تبقى معاه
وساعته ممكن تلاقى نفسك فى يوم من الأيام
بيتصل بيكى تانى ويقولك أحنا مش نافعين لبعض
وهاتبدأى أنك تدورى على دكتور يعملك عمليه رد الغشاء
لأن ده نتيجة طبيعة لمعرفتك لواحد مستهتر
زى اللى بتحكى عنة
بس بلأمانة والله مش هاتلاقى حد جمبك زى ربنا
وأصبر وأحتسبى أن شاء الله
ربنا مش هايضيعك أبدآ
ولا تنسى
بسم الله الرحمن الرحيم
لا يغير الله ما بقوم حتى يغيروا ما بأنفسهم
صدق الله العظيم
لازم تبدأى بنفسك
أتمنى أننا ألاقى ردك على التعليقات الموجودة
عشان كل اللى بيدخلو يكتبوا رأيهم يحسو أنهم عملو فرق
والله المستعان
اختي هذا الشخص غير سوي أنصحك أن تدعيه ولاتتكلمي معه ابدا وان جاء الي اهلك للزواج ارفضي وقاوميه لهذه الآسباب
– أنه كما كنتي تقوليني سب الدين لكي ولاتربطك به اي علاقه وهذا امر خطير
– لمس جسدك وقد اغضب الله فيكي
– انتي ليست لكي اي قيمه عنده
أذا رجع اليكي سوف تري سوء معامله سوف تكرهي نفسك فهذه علاقه تتدخل فيها الشيطان فانا اراه انسان حقير واحمدي ال هذا الحد
الحل
ان تنبهي الي نفسك وارجعي الي الله وصلي قيام وصدقيني سوف تر نتيجه مذهله لراحه بالك
واسال الله ان يسترك ولا يفضحك وان يحفظك انتي وبنات المسلمين
وأارجاء اذا رجع اليكي لاترجعي لان هذا ليس حب هذا عبث وكفي ماحدث
هذا هو المقال لأسس اختيا الزوج(ـة)
السلام عليكم ورحمة الله وبركاته
أريد أن أتحدث في هذا الموضوع باستفاضة نسبية..
أولا/ بما يخص اختيار الزوج أو الزوجة.
فأنا أعتقد أن هذا الأمر يجب أن يتم بناء على الكفائة والتوافق بينهما.
فالرسول صلى الله عليه وسلم يقول:
إذا أتاكم من ترضون خلقه ودينه فزوجوه إلا تفعلوا تكن فتنة في الأرض وفساد عريض
وقال أيضا:
تنكح المرأة لأربع : لمالها ولحسبها وجمالها ولدينها ،فاظفر بذات الدين تربت يداك
ففي الحديثين حث الرجال على طلب ذات الدين والبحث عنها
وحث أولياء النساء بذلك أيضا، بل أمرهم بألا يعترضوا على صاحب خلق ودين (بالطبع بعد رضاء الزوجة به).
فيجب أن يكون هناك توافق بين الزوجين على الأقل يكون توافقا مبنيا على الدين والخلق.
وأنا أرى أن يكون الدين والخلق في المقام الأول وليس الوحيد.
والمقام الثاني الثقافة والعلم والتعلم.
لكي يحدث بينهما التفاهم
أما الثالث فأراه التوافق والقبول الشكلي العام.
حتى يحدث لكلا الطرفين الرضا عن الآخر.
أما الثالث فهو يتعلق بالمال والنسب لكليهما
وبالأخص ألا يقل حال الرجل المادية كثيرا عن المرأة حتى لا تنتقل من الثراء إلى الفقر والجوع.
*/*/*/*/*/*/*/*/*
وبالطبع التدين وحده كافيا إذا تواجد.
ولكن أي شيء آخر غيره لا يكفي وحده، حتى وإن اجتمعت الأسباب الأخرى كلها بدون التدين.
……….
قال جل شأنه:
الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُوْلَئِكَ مُبَرَّؤُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ [النور : 26]
فالمرأة السيئة التي تبحث عن رجل حسن قد لا تجده
وكذلك الرجل السيء لن يجد ما يريده غالبا.
لأن الله أمر الطيبات من النساء بألا يقبلن بالخبيثين من الرجال
وكذلك أمر الرجال الطيبين ألا يقبلوا بالنساء الخبيثات.
فليس بعد قول الله ورسوله قولا
فإذا جاء للمرأة من ترضى دينه وخلقه وتقبله شكلا ومالا فهذا خير ويستحسن لها أن تقبل به.
أما إن جاءها خبيث لا يتمتع بالخلق الحسن والتدين فإن حياتها عزباء خير وأشرف لها من الحياة معه.
لأن الشخص إن كان ذا خلق فإنه لن يظلمها
أما غير الخلوق يسبق ظلمُه عدلَه.
وأيضا الرجل إن وجد صاحبة الدين التي يقبل بباقي صفاتها فهي خير له، وإن لم يجد فلا يتعجل الأمرلأنه اختيار تترتب عليه بقية حياته.
*———————-*
وأختتم مشاركتي بهذه الآية.
وَأَنكِحُوا الْأَيَامَى مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ إِن يَكُونُوا فُقَرَاء يُغْنِهِمُ اللَّهُ مِن فَضْلِهِ وَاللَّهُ وَاسِعٌ عَلِيمٌ [النور : 32]
أما بما يخص المشكلات الزوجية فلها لقاء آخر بإذن الله.
والسلام عليكم ورحمة الله وبركاته.
أسف للكلمة اللي هقولهالك دلوقتي
أنت ساذجة..
يا ريت تعتبريها نصيحة أكتر ما هي إهانة..
لكن ما علينا المهم..
– الحمد لله إنه ظهر على حقيقته معاكي من بدري،، سنتين أو أقل شوية لكن في ناس مبتعرفش الحقيقة غير بعد خمس سنين أو أكتر كمان..
– الحمد لله إن العلاقة بينكم كانت سطحية،، في ناسس بتقع في ورطة كبيرة ومش بتلاقي خروج منها..
– شخص بيسب الدين، شرعيا لا يجوز لك الزواج به إلا إذا تاب وأناب وعزم على عدم العودة لذلك،، يعني لو بيشرب مخدرات يكون أرحم،، بس بردو ممنوع الزواج من اللي بيشرب مخدرات والأفضل عدم التزوج من المدخن كمان لو عندك فرصة أحسن منه..
– غريبة إنك ترجعي لشخص بيسب الدين وسابك وغدر بيكي في شقته بسبب سذاجتك،، وعصبي..
نصيحة من أخ أكبر،، أقسملك بالله مش هتكوني سعيدة معاه ولا مع غيره لو كان زيه…
– أما أهم نقطة في الموضوع——–
أنتي رفضتي ناس بسببه.. كويس..
لكن سنك لسه صغير وهيتقدملك أحسن منه ومن اللي رفضتيهم إن شاء الله..
لكن أحذرك أحذرك أحذرك من الوقوع في نفس الخطأ (السذاجة) وإخبار من يتقدم لك بأنك فعلت كذا وكذا مع الخائن الأول..
يعني ممنوع تقولي لحد أي حاجة من اللي حصلت وده أمر شرعي قبل ما يكون واجب اجتماعي..
والحديث صريح في النقطة دي..
يبقى المطلوب في نقطة مختصرة..
1- ابعدي عنه نهائيا، ولو وقف على دماغه علشان ترجعيله لأنه غدار وخاين وأخلاقه فاسده..
2- متستعجليش في قبول أي شخص يتقدملك واختاري واحد متكافئ مع أخلاقك وشكلك وثقافتك وتعليمك علشان يكون في انسجام..
3- اوعي تقولي لحد على أي حاجة حصلت بينك وبينه،، ولو هددك بفضحك تقدري تقوليله إنك هتقدمي بلاغ في النيابة بتهمة ابتزازك،، ودي قضية كويسة هيخاف منها ومش هيقدر ينطق بكلمة مع حد..
4- اقري المقال اللي هحطه دلوقتي لأني هحط أسس اختيار الزوج والزوجة من وجهة نظري الاجتماعية والشرعية..
انا هقولك كلمه واحده كرامتك فوق الحب ويارت تفهميها لانك مش صغيره
ربنا معاكى انستى الفاضله هى عدم الخبره فى الحياه هى المشكله ربنا يعوض عليكى بس لو بتحبيه اووى اووعى تفرطى فيه حاولى مره واتنين وتلاته وشوفى ايه الا مزعلو منك بسببو عاوز يبعد عنك انا حاسه بيكى اوووى انستى الغاليه الحب بيملك الكيان كلو البنت لما بتحب بتحب باخلص شديد ربنا يعمل الا فيه الخير
هذا الشخص يجيب بيك الوقت لو كان ناويك صح ماكان خلى حتى شيء يبعد بينكم واللي كان حابو منك أخذو شوفي حاتك
اختى الصغيرة
طبعا انتى غلطانه ومش هقدر اجاملك في كدة لازم تستغفري ربنا وتوبي ليه وقربي من ربنا اوى عشان يسامحك وعلي فكرة الانسان دة مش بيحبك ولا حبك اصلا لانة لو بيحبك كان حافظ عليكى حتى من نفسه ومتزعليش منى انتى لو مخوفتيش علي نفسك محدش هيخاف عليكى ولا يحافظ عليكى لكن للاسف انتى ضعفتى والضعف دة رخصك ادامة ومفيش شاب هيقبل يتجوز واحدة سلمته نفسها ,يمكن كلامى قاسي بس مقدرش اقولك غير كدة حاولي تنسيه ومتفكريش فيه خالص وابدئي حياتك من جديد وربنا يسترها معاكى ومع البنات كلهم
الانسة العزيزة
ببساطة واضح انك معندكيش اي خبرة في الحياة العامة او الرجالة بصفة خاصة
مبدئيا يا سيدتي هو مش هيتجوزك بأي حال من الاحوال
الاهم من كدة انك رخصتي نفسك اوي و هو فاهم كدة
و كمان هو هيعوز منك اية تاني طالما انة اخد اللي هو عاوزة بدون اي مسئوليات و ما اسهلك بالنسبة لة
عزيزتي الصغيرة اذا كان هان عليكي نفسك مستنياه هو ان يعززها و يتمنها بالغالي
مش تزعلي مني انا زي اخوكي الكبير و خايف عليكي
الاهم كمان من كل دة و انا مش من النوع المتدين بس بقولك الكلام دة عن خبرة
مفيش اسوأ من اللي بيسب بالدين و البخيل
دول ياحبيبتي اسوأ اتنين ممكن ترتبطي بيهم
اللي بيسب بالدين اسوأ من البخيل لانة معندوش حدود و حقير و مش بيحترم حد ايا كان
البخيل بعذب اللي حوالية عشان يستمتع هو
انستي الفاضلة
انت لسة بيبي اوي على اللي ممكن تعملية في حياتك الجاية
امامك عمر طوييييل اسعدي بية و حافظي علية و على اولادك و اختاريلهم اب ما يكرهوكيش بسببة
انا عندي كتييير اقولة بس مطولش عليكي اللي فات مات
الحقي اللي جاي من فضلك
مفيش اغلى من الايام
و مفيش اعز من جسمك اللغالي
حافظي علية من فضلك