بسم الله الرحمن الرحيم
السلام عليكم ورحمة الله وبركاته بقول لكم قصتي لتكون عضة وعبره لكل البنات :
انا حبيت شاب 7 سنوات حبيته حب ماينوصف فضلته عن الكل اغناني عن الكل سرت مجنونه فية والله حبيته بكل اخلاص وصدق وفاء وكانت نيتي نية الارتباط فيه ولكن …………..
في سنة 1429هـ بعد ماتخرجت من الثانوية كان عمري 18 سنه دخل النت في بيتنا وكنت جاهله عن استخدامه ماكنت اعرف له كنت اسمع شي اسمه شات كتابي بدات ادخل هذي الشاتات والفلف فيها بس ماكنت اتكلم مع احد بس كنت اشوفهم ايش يسوي ومرة من المرات شدني شات وقلت يلا خليني ادخل ودخلت وزي المعتاد ماكنت اتكلم بعدين قلت يلااخليني اكتب زيهم واصير اتكلم وصرت اتحاور معاهم واتكلم معاهم وهذا الشخص كان يعاملني معاملة غير وكان يناديني (حبيبتي) ياكرهي لهذي الكلمة استغربت بعدين طلبته خاص وسالته انت بنت والله حسبته بنت لأن الصورة كانت صورة بنت والنك نيم ماتقدرو تفرقون قالي انا ولد وبعدها قلت ايش اسوي المهم طلب اميلي وكنت رافضه وكنت مصره على رفضي وبعدين وافقت مدري كيف المهم وضافني وصرنا نتكلم على المسن والله عمري ماكلمت ولاتجرات اكلم شاب بحياتي ذاك اليوم قالي انا بدخل الشات قلتله لا ماراح تدخله ليش قلتله كذا مدري واصريت انه مايدخله قام هوا مادخله والله واعلم المهم مررت الايام وطلب رقمي واعطيته رقمي ودق عليا وانا عادي واتكلم وكنت مااعرف شي اسمه حب وكيف الارتباط المهم مالقى مني فايده صار يتجاهلني ولا يتصل ولا يكلمني ولاشي زعلت وانقهرت وبعدين رسلتله رساله قلتله عشان مااعطيتك اللي تبغاه قلت مامنها فايدة وسبتني المهم دق وقال ليش تقولي هذا الكلام انا احبك وبدا كلامه الحلو وانا زي الغبية صدقته مرت الايام والشهور والسنوات بدون مااحس فيها كان اللي يبغاه اعطيه فلوس جوالات كل شي اعطيته هوا ساعدته كثير وقفت معاه حفزته والله كان هوا بعيد عن اهله كان عايش لوحده سرت امه واخته واخوه وابوه اعطيته كل شي حنان عطف عافية غيرته كان انسان حق بنات وحق حشيش مره راح مع اخوياه وخانني مع وحده ورجعت له وقلت طيش شباب مسويه ان عمري 100 سنه وبعدها تخرج من المعهد حقته والله اني غيرته بعد ربي معد صار يدخل شات ولاعد صار يكلم بنات ولاعد صار يروح سهرات وتجمعات والله واحلفلكم وانا صادقة اني غيرته بعد ربي بمية درجة تخرج من المعهد وكنت اقوله دايم يلا كون نفسك يلا دور لك وظيفة دايم اقوله كذا وكنت اجرحه شوي بالكلام عشان يحس ويقوم يدور له وظيفة كنت اقوله شوف فلان وفلان وانت جالس يصرفون اهلك عليك رجع الديرة عند اهله جلست عندهم كم من شهر كان رافض فكرة انه يدخل عسكرية والله حاولت فيه طلع عيوني لما وافق ودخل العسكرية قبل مايدخل الدورة قلتله (فلان) بقولك شي تكفى لاتغيرك الوظيفة عليا والله كنت شايله هم الدورة وغيابه عني شهر كامل غايب عني وكان اذا سمحت له الفرصه يدق عليا يطمن قلتله انا بستناك لاخر العمر كنت كل يوم اقول يارب يدق عليا لان في الدورة مايسمح لهم ياخذون الجوالات انتظرت الشهر كله وخلص على خير الدورة استمرت 9 شهور كنت اقوله اصبر معليش لازم نتعب عشان نوصل للي نبغاه هذي الكلمة كنت ارددها لو دايم كان بس يعصب ويجرحني بالكلام كان اذا زعل مني اراضيه واذا انا زعلت منو كان يستنى اجي اراضيه واذا زعلت منو يجلس باليومين مايدق عليا الا اذا انا كلمتو جاتو فترة صرت لما يزعلني مااكلمه ويراضيني بكلمة وحده وهيا والله انا احبك وكنت ارجع له كأن ماصار شي المهم تخرج من الدورة في شهر 4 / 1434هـ وبدات اقوله يلا ي فلان خلي اهلك يجون ودايم اكلمه بهذا الموضوع دايم وفعلا كلم اهله وجوه عندنا جوه شهر 2 او 3 وكنت طايره من الفرح والله كنت مثل الاطفال انطنط جوه اهله وشوفوني وعجبتهم المهم قبلها امه ماكانت موافقة عليا بس هوا قالها يرضيك البنت تقول ولدك مو رجال وجات عندنا بس عشان كرامة ولدها والله يوم شافتني امه جالسة تستغفر وكأني ارتكبت الحرام مع ولدها سكت وقلت لأجل عين تكرم مدينه ومرر هذا الموضوع وسرت اذكره دايم وقوله يلا تعال انا قبلها قلت لأمي كل شي عليه امي انصدمت من بنتها طبعا زي أي ام لكن تفهمت الموضوع وكلمها هوا واستنيته استنيته والموضوع طول وصبرت وصبرت كنت ارد اللي يتقدمون لي عشانه والله تقريبا 5 اتقدمولي ورفضتهم عشانه لاني كنت اقوله مستحيل ابني سعادتي على تعاسة غيري وهوا كان يفرح لما ارفض كانت حجتي بردي للعرسان لما اتخرج من الجامعة وتخرجت شهر 2 واستلمت وثيقتي شهر 4 وسويت حفلت تخرجي شهر 25/8/1434هـ كنت فرحانه لأني تخرجت بمتياز ومع مرتبة الشرف ومن الاوائل بس الفرحة ماكملت هوا صار على أي شي يزعل وصار مايسأل ولايكلمني لا ع الواتس ولا ع البيبي واذا كلمني بس يخاصم سكت وقلت مظغوط من العمل كان يلمحلي يقولي ابويا يبغاني اخطب ابويا يقول يبغى يفرح فيني قلتله قول لأبوك بنت الحلال موجوده وانتو جيتو وشفتوني ومن ذا الكلام سكت على الموضوع والله اني ماانسى هذاك اليوم يوم بيكون في ذاكرتي لاخر عمري اول يوم برمضان قالي فلانه ابغى طريقة المكرونه والشوربة قلتله ابشر ماطلبت شي واعطيته الطريقة ولكن انا استغربت منه لا قال شكرا ولا قال شي اتصل عليا ذاك اليوم وبدا يتكلم ويقول كلامه اللي كله جنس وانا طاوعته المهم بعد ماخلص قالي اسمعي مابينتهي رمضان الا وانا خاطب قلتله الله يحيكم قال اهلي خطبولي وحده من الجماعه والله ياناس صرت زي الطفل بس اردد واقوله لالالالالالا بس هذي الكلمة اللي قلتها له وصار يتنفخ ويرفع صوته وقفل بوجهي ورحت اكلمه بالبيبي قلتله انت من جدك طيب انت وعدتني بالزواج وكل مااقولك متى بنتزوج تقول قريب ان شاء الله ليش سويت كذا انا احبك احبك احبك احبك لاتسوي فيني كذا قالي انقلعي والله قالي هذا الجمله انا ماصدقته مندهشه منه وصار يطلع عيوب فيني انتي زي الاطفال انتي قلق انتي مشاكل انتي وانتي انا مو طايقك انا ماابغاكي حتى لو تزوجنا ماحنكمل أي حب واي خرابيط اللي تتكلمي عليها انتي بدرب وانا بدرب خلاص انا بتزوج اللي امي اختارتها ليا والله ياناس حاولت حاولت ان علاقتنا تستمر وتكتمل بس هوا كان رافض هذا الشي وكان يهينني ومبهذلني وسب وشتم اخواته كانوا يعرفون بموضوعنا وكانو واقفين معاه انا استغربت اتفاجئت انصدمت ولليوم انا مصدومه وصار يقولي انتي ماتنفعي للزواج انتي منتي عاجبتني وانا والله والله الحمد لله بفضل من ربي خلقني حلوة واخته شهدت بهذا الشي لما جات وشافتني قالتلي انتي تهبلين اقسم بالله ماكذبت ولا حرفت بكلمة وصار بس يجرح فيا بعد ماخطب واعطو الناس مقدم كنت اقوله لاتخطب انت لي انا انا احبك افسخ الخطوبة حاولت لكن اصرررررر المهم رحت عند اخته وقلتلها انتي بنت مثلي ساعديني قالتلي انتي وش تبغين قلتلها اوقفي معايه قالتلي طيب وانا مدري على نيتها عملت محادثه جماعيه انا وهيا واخوها واقسم بالله انهم سمعوني كلام واهانوني الاثنين واكثر شي منه عشان بس ادافع ع نفسي بعدها مرضت وتعبت وهوا خاف لايكون الذنب عليه فقالي بعد هذا كله حبيبتي قلتله افسخ الخطوبه هذي انا بجن قال مالك صلاح بزواجي عندك موضوع ثاني نتكلم فيه قلتله هذا كل موضوعنا قالي خلاص بفسخ الخطوبة وبجيكم اخر الشهر واستمر يقولي كذا لين جاه اخر الشهر اخته كاتبه لولي ستجمل اليوم يدها بخاتم تربطها به الى الابد ولله يتمم لك على خير ياروحي وكل شويا تحدث وتكتب سعاده والله بكيت مثل الاطفال بصوت عالي جسمي صار حاار دقيت عليه وقلتله ليش كذبت عليا اليوم ملكتك صح ومستمر بكذبه ويحلف بالله انها مو ملكته والله ياناس انا مو مصدقه هذا الشي اللي صار وبعدين قالي انتي ايش تبغي ذحين لاعد تتصلي عليا فاهمه وقفل بوجهي وصار يرسل في الواتس يقول اخذ لحجية ولا اتزوج من عندكم قلتله نذل ولد نذل والله منتى رجال ولا فيك ذرة من الرجوله وان شاء تكون جنازتك موز واجتك انا ذحين ادعي عليه ليل نهار ادعي ان ربي يكشفه على حقيقته ان ربي يحرق قلبه زي ماحرق قلبي وضيعني كل هذي السنوات وهوا السبب بشك اهلي فيا نقصت من عينهم ماستفدت شي عصيت ربي اطلب من الله الغفران والتوبة الصادقة النصوحة (اللهم اجعلني من التوابين) طحت من عين امي ابويا واخواني شكو فيني طحت من عين اخواتي خسرت صحتي وعافيتي عمري 24 سنه واللي يشوفني يحسبني في المتوسط خسرت وزني صار 30 كيلو عشت بعزله وبعدت عن الناس ماتهنيت لا بعيد ولابرمضان ولابجمعه ولمة الاهل تعبت فقدت شهيتي للأكل دمر طموحاتي سبب لي الرعب في حياتي كله عشان واحد نذل وعدني بالزواج وزوج غيري ادعي ربي انه ينزعه من قلبي ويمحيه من ذاكرتي والله مو قادرة انسى كل مااشوف شرطي اتذكره كل مااشوف سيارت الدورية اتذكره كل لبسة في دولابي تذكرني فيه كل شي يذكرني فيه ادعولي يااخواتي في الله ان ربي يمحية من ذاكرتي ظلمني ظلم ماعمر احد ظلمني هوا حسبي الله ونعم الوكيل على كل ظالم وعلى كل رجال يلعب بشرف البنت ويستهتر بمشاعرها نصييييييحه من اخت انظلمت في دنيتها والسبب نزوة وغفلة من الشيطان حسبي الله ونعم الوكيل حسبي الله ونعم الوكيل حسبي الله ونعم الوكيل
مشاكل الحب الفاشل
حبي الحقيقي الذي انتهى بصدمة عمر
اضيف بتاريخ: Saturday, September 7th, 2013 في 13:10
كلمات مشاكل وحلول: الثانوية, النت, بنات, بنت, شاب
اويد واتفق مع الاخ ابو بتول في كل ماقاله للاخت صاحبةالمشكلة واسال الله لها التوفيق وان يكرمهابالزوج الصالح عماقريب نشاءالله ويسعدهافي حياتها القادمة
اختي العزيزةيشهدالله اني تالمت لسماع قصتك مع هالكلب السافل الحقير الواطي النذل واعتصرفلبي الم لمعانتك طوال هذةالمدةوارجوك تستمع لكل مااقوله لك واعتبريني اخ عزيز اوصديق لك يريدلك الخيروالسعادةوراحةالبال من جواقلبه وعليك بالخطوات التالية1- استغفري ربك وتوبي له من كل المعاصي والذنوب واعلمي ان معرفتك بهذالحيوان معصيةوخطيئة توجب الاستغفاروالتوبة 2-انسي الماضي بكل اوجاعه والالمه وارميه وراءظهرك للابد ولعادتذكيرهانهايا3- اكثري من الدعاءعلى من ظلمك ونكدعليك سعادتك فالله عزوجل ينصر المظلوم ولوبعدحين ويقتص من الظالم حتى لوطال الزمن ويمهل ولايهمل وياخذه اخذةعزيزمقتدر 4- اهتم بروحك واخرجي من حالةالحزن والكئابةالتي فيها وفرفشي واضحكي وافرحي وشاركي اهلك واقاربك الافراح ولاتبالي بماكان الدنياحلوةوجميلةوفيهااناس تستاهل الحب والاخلاص والتضحية ولاتقف الدنيا على حالتك ياماناس تعرضوا لاقسى وابشع ماتعرضت انت له وصبرواوتحملواوخرجوامن ازماتهم ونكباتيهم اقوياء ومتعافين 5-كوني شجاعةوقوية وارضي بالقضاءوالقدر ولاتخلي السافل الوغد يشمت فيك اثبت له وللعالم انك بنت حمايل واصول وكل الناس يتمنوكي للزواج ومعتزةباخلاقك الحميدةوبتربيةاهلك الاصيلة لك 6-اقبلي بالزواج من الشخص اللي يتقدم لك اذاتاكدت من اخلاقه ودينه وقدرته ع تحمل اعباءالحياة ولاترفضي الزواج اوتوجليه حتى لايتكلم الناس عنك اويطعنوافي شرفك اواخلاقك 7-احمدي الله واشكري فضله انك عرفت حقيقةهالواطي السافل قبل ماتتورطي في الزواج به واعلمي انه لاخيرفيه ولاعمره حيسعدك اويصونك لانه فاسق وخاين وبلاضمير وبلااخلاق ولامروة وربك سوف ينتقم منه ان عاجل اواجلا 8-اشغلي اوقاتك بذكرالله وقراءةالقران وحفظه والحرص على اداءالصلوات في وقتها والبر بالوالدين وطاعتهماوالاحسان ليهما تنالي رضالرحمن عنك ويرزقك الله من اوسع ابوابه وتلاقي الله راضياعنك ويبعث لك بالزوج الصالح اللي يستاهلك ويقدريعوضك مافات من عمرك وتلاقي معه السعادةوالاستقرار 9-صوني نفسك وشرفك واخلاقك ولاتدخل النت الا للحاجةالتي تساعدك في اموردينك واحذري من الدخول المواقع المحرمةوالتحدث والتساهل مع الشباب حتى لايتكرر لك ماحدث والمومن لايلدغ من جحره مرتين خذي العبرةوالعظةمماحصل لك في الماضي اسال الله الكريم ان يسترعليك ويبارك فيك ويعجل لك بالفرج العاجل من عنده ويرزقك بالزوج الصالح اللي تقروبه عيينك وتسعدي معه وان يلهمك الهدايةوالرشاد ويبعدعنك شرالاشرار وكيدالفجار اللهم امين
هذا واحد نذل ربنا حب يكشفه لك قبل لا تتزوجينه
ارفعي معنوياتك و استعيني بالله عسى الجاي أحسن من اللي مضى
لا تناظرين وراكي بالماضي .. ناظري قدامك بمستفبلك حتى لا تتعثرين بحياتك
مودتي لك ♡♡
هذا واحد نذل ﻻبنا خب يكشفه الك قبل لا تتزوجيه
ارفعي معنوياتك و استعيني بالله عسى الجاي أحسن من اللي مضى
لا تناظرين وراكي بالماضي .. ناظري قدامك بمستفبلك حتى لا تتعثرين بحياتك
مودتي لك ♡♡
حببتى ارمى الماضى وراء ظهرك وابتدى حياه جديدهع انسان عارف ربنه بجد
شوف انا قريت المشكلة بتاعتك بالصدفة بس صدقنى اللى انت فيه ده يمكن علشان مش ليك اصحاب ممكن تصاحب حد يكون قريب منك اتكلم مع حد ممكن تروح لدكتور نفسانى بس الاهم من كل ده انك تكون قريب من ربنا اكتر هو الوحيد القادر على حل مشاكلك قول يااارب
لاتبكي على انسان تركك سيأتي يوم يبكي لأنه خسرك … قصة واقعية في السعودية ( سارة وفهد ) … فهد كان يحب ابنة عمه سارة كان يحبها كثيرا وهي ايضا كذلك فاراد ان يعترف لها بحبه فكان في كل مرة يرسل مع اخته الصغرى رسائل حب الى ابنة عمه وهي ترد عليه برسالة اخرى الى ان اصبح حبهما كبيرا جدا فكانا دائما يتراسلان بالرسائل والورد وغيرها الا ان جاء يوم وكان فهد يجلس في غرفة المعيشة وكانت هناك صورة معلقة على الحائط بها فتيات عمه سارة ولمياء ونوف وحينما رأى لمياء اللي هي ابنة خال سارة انبهر بجمالها ودخلت قلبه فورا واراد ان يوصل لها مشاعر حبه اتجاهها .. فكر وفكر !! فما كان منه الا ان يصارح سارة بحبه لابنة خالها لمياء .. لم يجد طريقة للوصول الى لمياء سوى سارة فبعد ان صارحها في احدى رسائله صعقها هذا الخبر ولكن لشدة حبها لفهد هدمت حياتها لتبني بها مستقبله قست على نفسها ومشاعرها لتحيي بها مشاعر فهد تجاه لمياء فحاولت ساعية لتدخل حبه في قلب ابنة خالها فكانت كلما تذهب اليهم تقوم بالثناء على فهد امامها الى ان اصبح رأسها مليء بالافكار حول فهد واصبحت هي المرسال الوحيد بينهم لمدة تجاوزت العامين وكانت في كل مرة تخطئ لمياء في رسائلها تقوم سارة بتعديها واضافة بعض الكلمات لتصبح اجمل وذلك لشدة اخلاصها لفهد وبعد ذلك اصبحت كل من سارة ولمياء في سن زواج فقرر فهد بخطبة لمياء وبالفعل خطبها وتزوجها وانجب منها طفلا اما سارة فقد كانت ترفض كل من تقدم لها واحدا تلو الاخر وبعد 15 عاما وبعد ان اصبح لفهد ولمياء 4 من الصبيان فتاتان وشابان .. مرضت سارة مرضا شديدا واصبحت طريحة للفراش وبدأ المرض يشتد عليها حتى انتشر في كامل جسدها وكانت تنتظر في كل مرة ان يزورها فهد ولكنه نكر لجميها ولما فعلته معها وحتى نسي انها ابنة عمه وفي يوم من الايام قبض الله روح سارة بعد ان كانت اخر لحظاتها تنطق باسم فهد وتركت له رسالة ووصية قبل وفاتها وهي كالاتي : بسم الله الرحمن الرحيم .. ابن عمي العزيز ( فهد ) اعرف انك لت تذرف دمعة واحدة برحيلي .. لكني والله ذرفت الدمع الغزيييير بحياتك .. فهد لقد مزقتني يافهد .. قتلتني يافهد .. سكنت روحي وقلبي لكنك ماقدرت اللي سويته لك كله .. فهد انا ما ابغى اخرب عليك عيشتك لكن !! انتبه لبيتك .. وانتبه لزوجتك وهذي تحتها خطين يافهد !!! رب ابنائك على التقوى والصلاح باذن الله لأنهم ابنائي واعتبرهم ابنائي لأنهم ابناء فهد .. ( محبتك سارة ) قرأ فهد وصية سارة واستغرب من كلامها حين قالت انتبه لزوجتك وهذي تحتها خطين يافهد !! فكان يسأل نفسه لماذا ماذا بها لمياء ؟؟ اكتشف فهد في الاخير خيانة لمياء له ايام شبابهما وانها كانت تتسلى به ولم توافق عليه الا بعد الحاح سارة وترغيبها بفهد .. فهد طلق لمياء لكن بعد ماذا بعد خسارة سارة ولمياء كلتيهما .. وامضى حياته بالدعاء لسارة والبكاء على قبرها !!! الفائدة من القصة لاحد يفرط في شخص يحبه وايضا لاحد يبكي على شخص تركه لانه راح يجي اليوم اللي يبكي فيه هذا الشخص انه خسرك .. وشكرا
بلا حب بلا وجع قلب .. وش جانا من ورا هالحب .. غير الالم غير التعب .. وش جانا
7 سنوات كثيرة والله .. بس ايش نقول غير ان الانسان اذا كان في قلبه خداع وكذب ماراح يفرق معاه شي لا خوف من الله ولا احساس في مشاعر البنت ولا المدة الطويلة اللي قضيتوها .. بس صدقيني الا مايكون في شباب تحسي والله نفسك تدقيله التحية بس للاسف ناااااااادر جدا جدا جدا
حسبي الله على كل شاب يلعب في مشاعر بنت والله حرام البنت اذا حبت تحب من كل قلبها ليش تحطموا قلبها وتعطو صورة سيئة عن الحب .. والله شباب هذا الزمن تجردو من الاحساس والوفاء الا ناااااااااااادر منهم .. يارب اي شاب يضحك على بنت ويوهما بالزواج الله يوريه يوم يبكي فيه دم ويتذكر ذيك البنت اللي خدعها ويحاول يدورلها ويتأسفلها بس مايلاقيها ويعيش طول عمره في عذاب ماله نهاية لئن اللي حكم بالموت على شخص لازم هو كمان ينحكم عليه .. بنات قولو امين
نصيحة لأي بنت : الوفاء بهالزمن قليل والخيانة اكثرها من الشباب قبل ماتخطي اي خطوة في الحب انتبهي خلي قبلها خوفك من الله واللي تحبيه راح يجيكي اذا كان يحبك اللي يحب يحس ان السعادة ماراح تكون الا مع حبيبته لاتبحثي عن الحب فالحب هو اللي يجيكي مو انتي تدوري عليه راح اقولكم قصة حقيقية لأعز صديقاتي وهي عمرها 17 مثلي يعني مراهقة وفي هالعمر تكثر قصص الحب والخيال والكل يدور عن حب بس هي خافت الله قبل كل شي وربي اعطاها على قد نيتها ( صديقتي كانت تحب ولد عمها هو في مدينة وهي بمدينة ثانية بس بنفس الدولة والمدينتين قربة على بعض المهم واحيانا اهل البنت يروحو لنفس المدينة اللي فيها ولد عمها يروحو يزوروهم لئن طبعا قرايب وهي كانت ماتغطي عليه من هم صغار كانت تحبه ولما كانو الاولاد يلعبو والبنات يلعبو هي كانت تراقبه بس من بعيد ونفسها تقوله احببببببببك وكبرت ولسى تحبه ومو عارفة هو يحبها او لا صحيح بعض المواقف تثبت انه يحبها بس مو متأكدة وهي ماشاء الله عليها تخاف من الله صحيح مو ملتزمة كثير في الدين بس خوف الله عندها اهم شي وكمان البنت عندها ولد خال كان يحبها ويعطيها ورود دايما ويقول احبك وزي كذا بس هي ماتعبره ولاتاخذ وتعطي معه بالكلام مع انه صديقاتي الثانيات يقولو حرام على الاقل خذي الوردة اشكريه قوليله احبك لكن هي دايما كان في بالها ولد عمها ونفسها يجي ويخطبها والله يابنات لسى قبل فترة كنت اقولها تخيلي يجي يخطبك كانت تقولي لامستحيل لئن هو بمدينة ثانية ايش اللي يخليه يجي ويخطبني كانت تقول مستحيل هذا لسى قبل فترة بسيطة حوالي شهر يمكن وقبل اسبوع او اقل وربي انخطبت ومين اللي خطبها ؟ نفس اللي تحبه ولد عمها ووافقت وهو كمان طلع يحبها لئن ترك كل بنات العيلة وخطبها هي مع انها مو شديدة الجمال وفي الاقرب لهم بس هم قبل فترة جو لنفس المدينة وقبل مايرجعو لمدينتهم خطبها والاهل وافقو وهي راح تطير من الفرحة وباقي بس يكتبو اسمائهم على الخاتم .. الله يتمملهم على خير ويسعدهم .. شفتو لئنها ما استعجلت ولا سوت شي غلط وحبها كان بريء وقبل كل شي تخاف من الله ايش صارلها ؟ ربي جابها اللي تحبو وطلع هو كمان يحبها وربي سهل خطبتهم ويسرها مع انها من هي صغيرة كانو يبونها لابن خالها بس سبحان الله كل شي تغير وهذي قصة صديقتي والله .. الحب هو يجيك مو انت تروحله
اختي انت ساذجةوعبيطةاوووووووووي دي هي الصراحةوماعارفه مصلحتك وين بعدكلهذااللي عمله فيك الشاب السافل الغيرمحترم تفكري فيه وماتبغي تقطع علاقتك الغيرشرعية معه حرام عليك اتقي الله في نفسك وفي شرفك وكرامتك وكرامةاهلك ولايستاهلك ابدا اهتمي في نفسك وارميه وراءظهرك وربي يعوضك خيرمنو بابن الحلال اللي يخاف الله فيك ويستاهلك ويقدريسعدك
اه ان فرصت الحياه صعبه بمعنه الكلمه يااختي انتي مشكلتكي لانك انتي اعطيته كل شيء فنه طمع فيك لانك كنتي تسقينه وتعطينه فلوس اي حد يطمع بس الانسان الشريف الصادق في الحب ماياخذ من بنت فلوس انتي لازم تغيري نفسك الئ الحسن فني والله انه عراقي ادعيلك الئ حت تغيري نفسك لان ياختي الدنيا بااول الطريق وبعدك انتي بنوته اطلعي مع عائلتك واخوتك انشغلي في اي شي انتي وربنا غفور رحيم ربي اغفر لي والك ولوالدي والمومنين يوم الحساب انتي تحتاجين شيء يزيح قلبكي منه ياختي اكثري قرائت القران فانه دواء النفس اقريه بصدق فان سيسهل عليكي النسيان كلماء الذي ينزل من الثلج انه اوصيج بقراء القران وحسبي الله ونعم الوكيل كوني كلذي يقول من ارادني اردته فهو انتضار القسمه انشاء الله اصيرين احسن ياربي
وشــــــــــــكــــــــــرا
وربي انا اقرأ مشكلتك وانا ابكي وربي لأني انا مرية بنفس هالحاله لكن اعظم من كذا بس انا ماتعرفت عليه من النت هوا قريبي
ان شاإء الله ربي يأخذ لك حقك منه وينتقم منه
صبركى الله ونساكى الله اياه وحتعدى الايام وحتنسى وحيعوضك ان شاء الله بأخير منه اصبرى صدقينى ياأختى العزيزة………
: {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
لا احد يعلم الخير أين؟؟؟؟؟؟؟؟
وحياتك ده فيلم هندي ..
بس انتي غلطتي من الاول انك عرفتي حد من شات دول اندل ناس
مش معنى كلامي اني حصلي زيك بس من الحكايات الي بسمعها
وكما تدين تدان
زي ماهو عمل فيكي كده هيحصل في عياله او فيييه
وكل ده كاان فراغ عاطفي عنده كبير وحب يضيعه بيكي ولقى وحده كانت محسساه برجولته وحلوه فقال يضيع وقته معاها
مش معنى كده انك تتعفدي من كل الرجاله ونفسيتك تدمر بسبب شخص
واطي زيه !! عيشي حياتك يابنتي وربنا هيعوضك بالي احسن منه بكتير
قولي لنفسك لما انتي بتخسري في وزنك وصحتك بتقل وتعيسه وكئيبه ومنعزله عن الناس
هو هيتأذى مثلا ؟؟ والله هو مش فارق معاه الي بيحب حد بجد عمره مايأذيه
وانتي كده بتأذي نفسك مش بياثر فيه وتضيعي عمرك كده عليه زعلانه
لازم تبقي اقوى من كده وتواجهي اي حاجه واهي تجربه واتعلمتي منها والواحد لازم يغلط
واللي بيغلط مره مش هيرجع للغلطه تاني احمدي ربك انك مكونتيش اتجوزتيه وعاملك وحش او فضل يعايرك بالكلام الي حصل مابينكم !! كان هيبقى ذل.. احمدي ربك انها خلصت على كده
حاولي تنسيه وتعيشي حياتك اتشغلي بأي حاجه .. كل الكلام مابينكو احذفيه او اي هدايا لو فيه اي حاجه تفكرك بيه شييليها .. ومع الانشغال باي حاجه بتحبيها دراسه او هوايه هتنسيه صدقيني (:
اختي : هو مايستاهل كل الحب ده صدقيني هو اكيد كان بيضحك عليكي وبيستغلك وبيضيع وقت للاسف ماتزعلي من كلامي وهذا ليس لعيب فيكي بالعكس فيوجد كثير من الشباب المستهتر وصدقيني انه لايستاهل اي كلمه حب قلتيها عليه او اي احساس جميل شعرتي به اتجاهه . كل مااستطيع ان اقوله ان الحياه بها الخير والشر والابيض والاسود فدائما يوجد النقيضين .. ومن حكمة الله علينا ان كل شئ يولد صغيرا ثم يكبر الا الحزن فهو يصغر ويندثر حتي ننساه .. فأنا كل مااطلبه منكي ان تكوني اقوي من ذلك فأنتي قد انتيهتي من دراستك وبتفوق فتأكدي ان الشئ الوحيد الذي يخرجك من هذا الحزن ان تبحثين عن اي عمل تقضي فيه وقتك وتستفيدين منه بكثيرا من الخبره في الحياه وسوف يرسل الله لكي ماتودين واكثر فكل شئ عند الله مقدر وليس لدينا حق علي اعتراضه تقربي من الله في صلاتك ودعائك ودعيه وشأنه فسوف يأخذ الله لكي حقك يوم لاينفع مال ولابنين الا من اتي الله بقلب سليم … وسوف يعوضك الله بصبرك ودعائك وتقربك منه كل خير وتشعرين بالسعاده الحقيقيه التي غابت عنكي كل هذه الفتره .. مع تمنياتي بحياه سعيده ان شاء الله
كان لازم يحصل كدا لان دا حب حرام
وقال رسول الله صلى الله عليه وسلم ( لا احد اغير من الله ) وربنا بيتعب قلب العبد اللى بيتعلق بغيره
ربنا يصبرك ان شاء الله ويجى عريس بن حلال وراجل يتجوزيك ربنا معاكى