حبيبي قلتو له نترك بعضنا عندما تركته تزوج وهو يحبني بصدق كانة يتمنة ان يعيش معي ولو حتى أخر يوم في حياته حت الان يلومني على فراقنا أنجبت له طفلة أعطاه اسمي انا الان احبه وأتعذب لسببه لم أجد حل لكي أنساه احببنا بعضنا عبرة الهاتف كان حنون معي كان كلامنا جميل ونظيف كالورود تركته بسبب ابي لايريد تزويجي من شاب غريب عن عائلتنا ارجوكم اريد حل كيفة انساه وانا عزباء ليسة لدية خطيب او زوج يغطي عني فراقه
مشاكل الحب الفاشل
تزوج حبيبى وانا ندمانه
اضيف بتاريخ: Sunday, February 24th, 2013 في 16:57
كلمات مشاكل وحلول: الحب, بنت, شاب, مشاكل الحب
خلاص يابنتي كل شي قسمةونصيب انسيه للابد واقطع اي اتصال معه نهايا وحرام تخرب بيت مراته المسكينةدي وخليك مكانهااترضين ان احدتاني تاخد زوجك منك لاطبعا لن ترضيها اخرجي من حياته بكل هدوء وكرامة وربك بيعوضك بالزوج الصالح اللي يقدريسعدك في حياتك
انسيه الايام حتساعدك امصح صور ورسايل انسيه صعب هدا كلام اعلم لاكن حاولي ماتجلسين لوحدك كتير فاهدا قد يساعدك على تدكر والحنين الى ماضي .لا اعرف كيف انصحك وانا مثلك تزوج وتركني بعد 4سنوات عشرة وخلف بنت ضمر حياتي سلب كل شئ وتركني وبعض ماانجب راجع يطلب سماح مازلت احبه لدرجة اصبت بالمرض صعب علاجه بالسبب ازمة نفسيه ارجع واقول الله يسامح من ضمر فرحتي وتركني اسيرة احزان
لو بيحبك فعلا ماكان اتزوج
سلام عليكم أختى العزيزة …..
أنا عايز أقولك مهما حصل أن ده شئ حدث بقدر اللـــــــــــه وده نصيب ومكتوب مش حنقول بقا مين اللى غلطان ولا مين اللى مش غلطان لأنه بجد كان غصبا عنك ..
المهم مش مشكلة تنسيه أو متنسيهوش عارفة ليه ؟؟؟ عشان هو مجوز وكفاكى فخرا بصراحة أن هو سمى بنته على اسمك أنا بصراحة شايف أنك متحاوليش تنسيه أصلا لأنه مأذكيش بس كان النصيب ..
المهم
عايز أقولك خليه زى الوردة الجميلة فى حياتك اللى كل ما تفتكريها تضحكى وتدعيلها وماتنسيش تدعى ربنا أن يجيلك عريس وتضرعى الى الله وصدقينى ياأختى العزيزة ستنسي كل ما حدث من الماضى مع زواجك أو خطوبتك بأذن الله وتحلى بالصبر ..
وفقك الله
والســــــــــــــــــــــلام عليكم
مشكلتك صعبة أوي 🙁
مكنتش عايز أقولك انت اللي غلطانة
بس دي الحقيقة للأسف 🙁
كفاية أوي إن كلامه معاك كان نضيف
ده يبين إنه إنسان صافي ونقي وبيحبك من كل قلبه ومش بيكدب عليك ولا بينافقك ولا بيخدعك
بس لازم تبعدي عنه خلاص وترضي بالأمر الواقع لأنك فرطتي فيه من الأول
والدك مش من حقه يختارلك، والدك موجه ومرشد وناصح فقط
إلا لما تختاري شخص سيء الخلق فقط، وقتها يقدر يعترض ويمنعك والشرع والقانون في صفه ومعاه
أما خلاف كده مش من حقه خالص خالص لا شرعا ولا قانونا
الموضوع انتهى صحيح، بس لازم تعرفي حقوقك كويس ومتفرطيش فيها تاني
والمرة دي رفض ده عشان غريب
بكرة يرفض ألف واحد غريب أو مش غني أو مش دكتور
الأهل للأسف في الأيام دي بيضيعوا مستقبل بناتهم
ربنا يهدي الناس للحق والصواب
ويجازي كل واحد شايل أمانة في رقبته ويضيعها زي والدك
ارضي بالواقع لكن مترضيش بالمستقبل
وافتحي قلبك للدنيا
حبيبك صحيح شخصية جميلة
لكن واضح إنك طيبة زيادة عن اللزوم وربنا مش هيسيبك وهيرزقك بأحسن منه أو زيه أو حتى أقل شوية ^_^
وربنا يباركله في حياته وطفلته الصغيرة
وبعدين اللي بيحب حد يتمنى إنه يكون بخير
ابعدي عنه وادعيله وهو هيبقى بخير، وكمان عشان متتسببيش في هدم بيته خاصة إنه بيحبك وممكن لو خد أمل بأي حاجة تانية ممكن يغلط ويهد بيته.
متنسيش إن كل شيء نصيب وواضح إلى الآن إن ملكيش نصيب معاه.
الحمد لله على كل شيء
ومتنسيش لازم تكوني أقوى من كده المرة الجاية
متستسلميش لقرار والدك لأن واجبه إنه يسأل عن الشخص اللي تختاريه أو توافقي عليه مش يختارلك هو.
وكمان هقولك كلمة ممكن ناس تعارضني فيها
معارضة الأهل في النقطة دي لا تعتبر من عقوق الوالدين وإنما هي من بر الوالدين، لأنها تعتبر تصحيح لخطأ ربنا هيحاسبهم عليه حساب عسير، زي بالظبط الأب اللي يوزع الميراث بغير العدل وبعدين الابن اللي أخد الزيادة يرجعها لصاحبها من الأبناء حتى لو بدون رضا الأب أو علمه، فده رحمة بالأب مش ظلم له، ومتنسيش أمر الشرع الحنيف (انصر أخاك ظالما أو مظلوما) يعني ردع الأب عن الظلم من قبيل النصر المأمور به شرعا.
ومتنسيش إن الشرع قال إن رفض الشخص صاحب الدين والخلق من الظلم فما بالك لما يكون في رغبة وتوافق بين الطرفين؟!
إذا جاءكم من ترضون دينه وخلقه فزوجوه، إلا تفعلوا تكن فتنة في الأرض وفساد عريض أو عظيم.
سامح الله أباك وخفف عنك أحزانك وهمومك وهون عليه فراقك ومتعكم جميعا بحياة جميلة هادئة، كلُ مع شريك حياته الجديد.
والسلام عليكم ورحمة الله وبركاته.
بسم الله الرحمن الرحيم
اختي في الله
اول حاجة الزم تؤمني ان الزواج ده نصيب .. لو كان قُدر ليكي أنه يكون زوجك كان ربنا جمع بينكم في الحلال
لكن اقدار ربنا فوق رغبات الجميع .. و مين عارف كتير من قصص الحب بعد الزواج بيُكتب ليها الفشل المؤكد و بتكون نتيجتها الطلاق كمان و ده مش كلام ده من واقع معرفتي بناس كتير
و لازم تعرفي انه خلاص مبقاش فيه مجال انه يكون زوجك .. و لا بقى فيه مجال انك تفكري فيه حتى
لانه مبقاش نصيبك
مش من المنطقي اقولك انك متفكريش فيه و اسكت .. لان مفيش حاجة حتملى الفراغ اللي هو ملاه في عقلك و قلبك
فنصيحتي ليكي إلجأي لربنا و ادعيه كتير .. اللهم لا تعلق قلبي بما ليس لي ..
و ادعي ربنا بالزوج الصالح اللي يملى قلبك من بعده
و صدقيني خدعة ان الحب مرة واحدة بس او ان قلبك مش حيحن لحد تاني دي اكذوبة بنضحك بيها على نفسنا
القلب بيميل للقلب اللي بيحس معاه بالأمان و الطمأنينة و الحب .. و اي راجل صالح مخلص في مشاعره يكفي انه يشعرك بالاحساس ده تاني
و الطباع المتوافقة كافية لان تخلي عقلك راضي عنه
الاحساس اللي انتي حاسة بيه ده لان قلبك حيحس بفراغ لو مفكرتيش فيه للاسف
املي قلبك بالدعاء و الأمل ان ربنا حيرزقك خير منه ان شاء الله .. زوج صالح حيرضيكي و يسعدك اكتر
و ثقي ان اقدار الله احسن من ظنونا جميعا
اخلصي بس في الدعاء و ربنا يرزقك الزوج الصالح
حتتعبي في الأول بس جاهدي نفسك و اخلصي و اصدقي في نيتك و ان شاء الله ربنا حيرزقك بسعادة تنسيك مرار الايام اللي انتي عشتيها
المهم إنك تؤمني إنه خلاص مبقاش من نصيبك بأي حال من الأحوال .. استمري في حياتك أختي الفاضلة انتي تستحقي حياة أفضل و متستسلميش لمشاعر لا مردود لها او احلام مستحيلة
إلجأي لربنا و ربنا مستحيل يخذلك طالما صدقتي في التوبة و الالتجاء ليه سبحانه و تعالى
و ربنا يوفقك و يوفقنا لصالح الأعمال
سلام عليكم