بحب ابن خالتى وهو كمان بيحبنى جدا من 6 سنين من قبل مانا احبه او حتى افكر فيه وصارحنى بحبه من 3 سنين وارتبطنا ماكملش 4 شهور وحصلت مشكله صغيره جدا هو اللى كان غلطان وانا مازعلتش منه لكن كنت منتظره مكالمه منه والموضوع كان يبقى انتهى لكن هو ماتصلش بيا خالص لمده سنه وكل اللى كان بيعمله يبعتلى مسج فى المناسبات كانى حد غريب لكن انا مابقتش ابعتله مسج قلت يمكن يعبر ويتصل برده ماعبرنيش المهم انا اتحرق دمى جدا والغضب كان مسيطر عليا بعد ماحسسنى انى ولا حاجه بالنسبه ليه وقررت انتقم منه واخليه يحس نفس الاحساس وفى نفس الفتره دى كان فى شاب معايا فى الكليه بيحبنى وحاول يقرب منى اكتر من مره لكن كنت برفض وفى اخر مره وافقت عشان اعرف ابن خالتى انى ارتبط بغيره وانه مش فارق معايا زى مانا كنت مش فارقه معاه لكن انا نهيت الارتباط ده لانى ماقدرتش اضغط على نفسى اكتر من كده واتخطب لواحد انا مبحبهوش واظلمه معايا وانفصلنا ولما اتصل بيا ابن خالتى بعد خلافنا بسنه قلتله انى كنت مرتبطه بواحد تانى وهو دلوقتى اخد عنى فكره انى بعته وخونته وكنت بلعب بيه ومابحبهوش لكن انا مش كده الموضوع كله كان انتقام مش اكتر وعارفه انى غلط وياريتنى مانتقمت لانى مش قادره اتحمل نظراته ليا انى خاينه وبايعه ولانى فعلا بحبه موت وعمرى مانسيته ولا كرهته لكن بغبائى قفلت كل الابواب ومن سنه عرض عليا اننا نرجع صحاب تانى وانا وافقت لكن مش قادره لانى بحبه لسه وبحس انه بيحبنى لسه لكن اوقات بيتهرب من الكلام معايا ومش عارفه اعمل ايه واعرفه الحقيقه ازاى مش عارفه لكن كل اللى اعرفه انى غلطت وندمانه جدا
انت صدقت ان ابن خالتك هذا كان يحبك تبقى واهمة وساذجة جدا عمرو ماحبك دي الحقيقة اللي لازم تعرفيها كلدا كان بيتسلى بك ويقضى وقت معك فقط ولما شاف انو مايقدر ياخذ منك اللي هو عاوزه تركك بكل سهولة ولاعاد يعبرك خالص انسيه تماما واعتبريه ماضي راح وانتهى من حياتكي اما الشاب الثاني زميلك فقد يكون فعلا حبك لكنك لسه عقلك وقلبك مع الاول ابن خالتك اللي مايستاهل انك تفكري فيه وخسرتي زميلك في الكلية اللي كان عاوز الارتباط بك وانت الان تدفع الثمن غاليا لانك خسرت قلب شخص احبك وجاد في الارتباط بك لاجل واحد عاوز يتسلى بك ويلعب بمشاعرك وعواطفك وعمرو مايفكر في الارتباط بك ابعدي عنه واتركيه لو كان عندك ذرة من الكرامة واهتم بنفسك واصبري حتى يكرمك الله بابن الحلال اللي يستاهلكي ويسعدكي في هذة الحياة