الحب بين الاقارب

بحس بمشاعر ناحية ابن خالتي دلوني

يا جماعة الخير انا عندي ٢٠ سنة من وانا صغيرة وانا ابن خالتي دا حب طفولتي بس من بعد اولى اعدادي كبرنا وبابا كان بيحاول يبعدنا ع قد مايقدر عن قرايبنا البنات والولاد لأسباب ما مش مهم ،،،مشوفتهوش يجي سبع سنين لو اتقابلنا ف مناسبة عمري ما ابصله بتكسف يعني وانا كبرت خلاص ونضجت وبقا عندي أولويات غير فرق السنين ديه كلها مبقتش بفكر فيه غير قليل انه وحشتني الايام بس مش اكتر ،،،من كام شهر خالتي الللي هي مامته كلمت خالتي التانيه انها تقول لماما وتشوف رايها اننا وابنها نتخطب لبعض مع العلم ابنها دا هو الوحيد وجه متاخر ف الولادة يعني فهو كل حاجة عندها ماما جت سالتني عن رايي فيه وأول ما قالت انا مكنش ف دماغي خالص موضوع ان ببقى بِنَا حاجة بس فرحت جدا ممش عارفه يمكن احساس اني كبرت او اني مرغوب فيا او ان هو واحشني او ان أحلامي وانا صغيرة هتتحقق مش فاهمة حقيقي انا بحبه ولا ايه !! هكملكوا مردتش ع ماما ضحكت بس وبعدين ماما اتناقشت قدامي وقدام بابا ع الموضوع دا طبعا هي كانت قايلاله من زمان بس هي يعني حنت عليا وحبيت تقول الموضوع بعد ما تقريبا قالوا لخالتو انهم مش موافقين ،،،المهم بابا وشه قلب وقالي محدش من ولاد خالك او خالاتك هينفع ليكي انتي تتجوزي حد محترم دكتور او مهندس لاني ف صيدلة ادايقوا يا جماعة لاني كرهت نفسي بعد الجمله اساسا ما علينا فراح هزار وقالي او خريج علوم “عشان هو خريج علوم ” مع العلم ابن خالتي تجارة انجلش يعني كليه حلوة جدا وأساسا تعب قبل الامتحانات وجاب مجموع علوم عادي جدا بس هو اختار تجارة
بالمناسبة انا اكبر منه بكام شهر كدا
المهم ماما راحت ردت ع بابا وقالت ديه مامته لحد دلوقتي بتفسر له السمك وكدا وديه مشكلتي التانية هو ايه تفكير الأهل دا بجد !!!!! واحد عشان الكليه والتاني عشان بتقشر له السمك !!!
وايه بقا ديه ماما قالتلي كدا بتعرفني بس بعد ما هم رفضوا الموضوع انا أتفاجأ ان بابا واحد تاني كلمه وهو ما اخدش رابي !!!!
اتصرف ازاي مع اهلى عموما بالتفكير الغريب بتاعهم دا
ثانيا أحد يجاوبني هو ابن خالتي دا هل الموضوع جه من عنده ولا مامته بتآمن له مستقبله مع بنت اختها مش اكتر وهو اصلا يمكن ميعرفش بالموع
ثااالثا اعرف ازاي اذا كان بيحبني او لا ،،،اخر مرة كنّا معزومين وهو كان هناك مبصليش نهائي وماسك تليفونه خلص اكل وقال لمامته انا نازل ع القهوة !!!!
قبل العزومة دخلت ع الاكونت بتاعه عملت فولو بالغلط وشيلته بسرعه اكونته مكنش فيه بوستات خالص اليوم اللي بعديه لقيت كل البوستس بابلك دا ايه ؟؟؟