ابن خالتى محيرنى باللى بيعمله معايا

انا بنت فى مرحله الثانوى .. والحمد لله ربنا كرمنى بنعمه الجمال .. بس فى سؤال غريب جدا بيراودنى على طول .. ممكن يكون تافه .. بس عملى 100 علامه أستفهام فى حياتى .. انا ليا أبن خالتى أكبر منى بسنتين بيكسف منى كسوف الدنيا كله لدرجه انه ساعات انه بيتكسف ساعات يقولى ازيك .. وانا من كتر ما كان بيتكسف منى وبيحترمنى بدأت كمان انا اتكسف منه .. من كام يوم عرفت من واحد صاحبتى كانت بتحكيلى على الولد اللى بتحبه وفوجئت أن صاحب الولد اللى بتحبه يبقى هو أبن خالتى وكان بيخرج معاهم على طول وقالتلى أن هو كان بيشرب سجاير وبيره وبيعاكس بنات وبيشترك مع صاحبه فى حاجات مش كويسه وتهديديات للبنات وكده .. انا لما عرفت الموضوع ده ما صدقتش نفسى خالص ومعروف ان الولاد اللى من النوع ده اول بنت بيفكر بتسلى بيها هيا واحده من قرايبه ومع العلم ان أخوه الأصغر منه زيه بس أرحم منه شويه ( والله اعلم ) حاول قبل كده معايا وانا صديته .. السؤال بقى ليه أبن خالتى الكبير بيبقى حاجه محترمه ومؤدبه جدا جدا قدامى ومع العلم ان فى ناس من قرايبنا بتقول ان ساعات بيبقى فريش جدا معاها لكن معايا أنا بيتغير 100 درجه .. يا ترى ممكن يكون فى حاجه زى اللى فى دماغى ولا ممكن تكون صاحبتى بتكدب عليا ولوكانت بتكدب بتكدب عليا ليه؟

مشاكل وحلول ذات صلة

• بيحبنى لكن هيضيع مستقبلى
• حاسس ان مظهرى مش حلو
• كل ما احب او اتعرف على بنت تحصل مشكلة
• لسه بحبها رغم البلاوي اللي عملتها فيا
• جرحنى ولعب بمشاعرى وخدعنى
• حبيبي عايز يتقدم دلوقتى واهلى اكيد هيرفضوه
• تركت التعليم بعد الاعدادية واريد استكمال دراستي