انا عندى 19 سنة وابن عمتى بيحبنى جدا جدا ومن اكتر من 5 سنين وكلمنى من حوالى 4 سنين وانا ماكنتش حاسة بيه خالص بس قلتله يستنى شوية لما اخلص الثانوية واقدر افكر بس هو كلم بابا فعلا فى الموضوع وبابا وافق والموضوع كبر وبقى عائلى وكل الناس عرفت بيه وبعد كدة لقيت اخته وبنت خالته بيقنعونى بيه وبحبه ليا الكبير هو بصراحة انسان محترم وفى كلية قمة وانا كمان فى نفس الكلية بس مش نفس الجامعة المهم انا اقتنعت بكلامهم وبدانا نتكلم فى التليفون لدرجة انى اتعلقت بيه هو انا لحد دلوقتى مش متاكدة من حبى ليه 100% بس احنا متفاهمين لحد كبيييييير وهو بيحترمنى جدا وقادر يحتونى المشكلة ان حصلت مشاكل فى العيلة بس هو مصر على ان موضوعنا يتم وانا بابايا موافق عليه بس ماما واخواتى هما اللى ساعات يبقوا موافقين وساعات كتييييييييييير يبقوا رافضين جدا وبيحاولوا يكرهونى فيه ويقولولى عيوبه وبيبينوهالى فانا كتير كلامهم بياثر فيا من جوايا فمش عارفة انا كدة ابقى بحبه ولا لا مع العلم انى مابعرفش اتخيل انى ممكن اكون لحد غيره وكتير بيوحشنى وكتير بحس انى بحبه وبقلق عليه وكل حاجة بس المشكلة فى زن ماما واخواتى عليا هما شايفين ان مستواه اقل مننا وان شكله مش حلو وحاجات زى كدة مع ان هو مستقبله حلو اوى
دام الشاب ابن عمتك على دين وخلق فتوكلي على الله ولاترفضيه دا الاهم اما الشكل والماديات فدي مالها اي قيمة ابدا وربنا يتمم لكم بالخير ان شاء الله بس اوعي تتكلمي معاه في الموبايل او النت دي تصرفات مش كويسة في حق البنت وسمعتها وربنا يجعله من نصيبك ياقموره
بصي يا عسل الرسول صلي الله عليه و سلم قال فيما معناه في حديث ان لما شاب اتقدملك و لو لقتيه ممن ترضون دينة و خلقه ف اتجوزيه مقالش ترضون ب شكلة او حالته المادية الحاحات دي كلها ملهاش لزمة الي بيحب بجد مبيبصش للشكل او الفروقات المادية و الاجتماعيه ف انت شوفي خلقه و دينه لو الي الرسول قال عليهم اتوملي علي الله و كملي معاه لو مش قد كدة سيبيه علشان هتتعبي معاه و بس ربنا يقدملك الي فيه الخير