انا اتفاجات ان ابن خالتى اتقدملي بعد ماعرف ان في عريس كان متقدملي فاتصل بيا وقالي عايز ارتبط بيكى موافقة ولالا انا قلتلوا هافكر وارد عليك وبعد التفكير رديت علية بانى موافقة بطلبوا لكن لما قلت لوالدى ولوالدتى رفضوا الموضوع علشان جواز قرايب وخايفين من المشاكل اللي هاتحصل وقعدوا يقولولي كتير انى ماوفقش فاسمعت كلامهم ورفضت الموضوع بينى وبينوا اول مرة وكل واحد شاف حياتوا عادى لكن حسيت ان بعد مارفضت انى عايزاة بجد وانى مستعدة اعمل اي حاجة علشانوا فادخلت عندوا علي الميل ابتديت ارجع الموضوع واحدة واحدة لانى كنت عايزاة بجد وهو تقبل كدا بعد ماقلتلوا احنا اخوات ورفضتوا اول مرة ورجعنا تانى بعد مشكلة حصلت بينوا وبين والدتوا بسببي وانوا ساب البيت علشانى علشان يخطبنى ووالدتوا حملتنى المساولية انى خليتوا يسيب البيت علشانى فاكلمتوا وقلتلوا انا موافقة بيك ومستعدة اعمل اي حاجة علشانك وهاقنع اهلي بكدا ولما قلت لاهلي وافقونى الفكرة لكن حسيت منهم انهم بيريحونى لكن من جواهم مش مستريحين ومش موافقين لانى الصراحة معايا شهادة عالية وهو اقل منى ولانهم خايفين من المشاكل خصوصا ان مامتوا عصبية جدا وعلشان طبيعة شغلة انوا شوية بيشتغل وكتير لا فاخافوا علي مستقبلي الصراحة ولسة ماكونش نفسوا بس طول الفترة دى انا كنت بكلموا وبنسمع بعض كلام حب وكل حاجة لكن انا كنت زعلانة لانوا كان عارف بنت قبلي وكان بيكلمها من ورايا وكان بيزلنى بيها وكل شوية يدايانى بيها فاحسيت مرة واحدة انى مليت من كتر الكلام لانوا كان 24 ساعة بيتكلم معايا قبل مايجى يخطبنى علي اعتبار انةدا عادى لاننا ها نتخطب بس حسيت انى مليت منوا بجد وحسيت انى كرهتوا بسبب البنت اللي كان بيقولي عليها كل شوية لانها كانت بتبعتلوا كل شوية علي اميلاتوا وكنت بقرا الحاجات دى ولما اكلموا بيقولي مالكيش دعوة بيها فاتدايقت بجد ورفضتوا لتانى مرة هل كدا انا صح ولا كنت اديتوا فرصة تانية يصلح نفسوا وعاندت اهلي ولا اية انا هاموت من التفكير رغم انوا حبنى جدا بس انا نهيت الموضوع لانى مليت وتعبت واسفة للاطالة في موضوعي
أولا انتي فرصه هايله جدا شهادتك أعلي منه و بنت خالته ومتقبله إنه يعرف واحده ويسبها وترجعيله..ومع كل ده عايزه تديله فرصه تانيه.اديلو علي دماغه ده مش بيقدرك ومستهتر بيكي.. الموضوع ده مش هينفع خالص واصبري لحد ما يجيلك ابن الحلال اللي يقدرك وما يملاش عينه غيرك ويكون في نفس مستواكي التعليمي ويعرف يحافظ على مشاعرك وفي نقطة كمان اسمعي كلام أهلك هما ادري بمصلحتك..الجوازه دي لو كملت يبقي حكمتي علي نفسك بالتعاسه واكيد النهاية الانفصال لا محالة.توكلي علي الله وسيبي الموضوع ده نهائي وربنا يوفقك يارب.