انا بحب ابن عمى جدا من صغرى حب 8 سنين وهو من فترة اعترفلى بحبه ليا وبدائنا نتكلم مع بعض حصلت مشاكل كتير بينى وبين اهلى لما عرفوا انى بكلمه وطريقه معامله محدش يستحملها وثقتهم فيا راحت وبقا فى شك فيا عطول جيت ع نفسى كتير عشانه وكل بعمل كل حاجه عشان ارضيه واقرب منه كان لو طلب منى انى اقتل نفسى عشانه كنت هعمل كده هو شخصيه كتومه لعوب محدش بيعرف الى جواه او بيفكر فيه وكل شويه يزعل ويتغير عليا من غير سبب وانا الى اروح واقعد اصالح فيه عشان ميبعدش عنى لحد ما من فترة اتغير جداا وبقيت احاول افهم منه ايه بيحصل وانى عملت ايه بس مكنش بيرد عليا ولما رد قالى هتعرفى فى الوقت المناسب ومن كام يوم اعرف من اخويا انه بيكلم واحده ونام معاها الواحده دى هى نفسها الى كان بيكلمها قبلى وقالى انه سابها وانها اتخطبت انا اتصدمت من كلام اخويا وبقوله مين قالك قالى ان هو الى قاله وانه مكلم امها وبيحبها وانا قبلها كنت شوفت ورقتين عرفى متقطعين بخط ايده سالته ايه دول قالى انه كان كاتبهم عادى هزار وانا صدقته وبعدين لما صارحته بالى اخويا قاله ليا قالى انه بيعمل كده معاها عشان هى عملت معاه مواقف كتير وعايز يعلمها الادب وقالى انه عمل معاها كل حاجه ممكن اتخياها غير حاجه واحده انه مقربش من شرفها وانه كان مبسوط وهو معاها انا مش عارفه اعمل ايه اتصدمت فيه مش عارفه ابعد عنه ولا افضل معاه عشان بحبه مكونتش اتوقع ابدا منه كده وهو بيقولى انه بيحبنى وعايزنى استحمله واعذره مانا 8سنين مستحملاه وسبته كذا مره عشان بيكلم بنات المره دى غير كل مره وقررات انى ابعد عنه قرارى صح ولا اعمل ايه هو ابن عمى ولو قطعت علاقتى بيه كحبيب مش هينفع كقريب غصب عنى هشوفه وهكلمه وانا بحبه اووى مش عارفه بجد اعمل ايه نفسى فى حل يرضينى ويكون صح
بصي يابنتي ربنا يصلحك ويهديك الواد ده ابن عمك فاسد وخاين وبتاع بنات ولايستاهل الجزمة اللي انت لابساها عاوزكي تتسيه خالص وهتقدري لودوست على قلبك وفكرتي بعقلك وحافظت على كرامتك وكرامة اهلك وجعلتيها فوق كل شي الف من يتمناكي يازينة البنات وهتلاقي احسن منه مليون مرة اسمعي كلامي وخليه حلق في ودناك وعايزك تقري دي القصة فهي والله حقيقية حصلت لبنت خالي كنت تحب ابن عمها وهوشاب صايع وفاسق وبتاع بنات واخوها عرف كل حاجة عنه وحذرها من الموافقة عليه لكنها لم تستمع لاحد وافقت على الزواج منه وانقلبت حياتها الى جحيم لايطاق من وقاحته وفجوره انه كان بيجيب الشباب اصحابة يسهروا معه في بيته ويطلب منها ان تدخل عليهم وتقوم بتلبية طلباتهم ولماكانت ترفض ينهال عليها بالضرب ويحبسها في البيت عشان ماتخرج وذات مرة جاءومعه واحد صاحبة ومعهم وحدة بنت وقال لها ده صاحبي واخته وهيقعدوا عندنا ساعتين ويروحوا وهي المسكينة صدقته وراحت لغرفتها والكلب ده كان يمارس الفاحشة هوصديقه مع البنت دي في غرفة ثانية ولما تاخر راحت تشوف هل هم موجودين ام راحوا ولما قربت من الغرفة سمعت اصوات واهاات جنسية فصوتت الزوجة وطرقت الباب عليهم بكل قوتها حتى فتح لها زوجها الباب ورات المصيبة بعيينها البنت عارية تماما هي وصديق زوجها فتشاجرت مع زوجها الواطي السافل وقالت وصل بك الفجور انك تاتي بالعاهرات لبيتي واتصلت بوالدها لاجل يحضر وفعلا جاءابوها وشاف البنت وصديقه وزوج ابنته على حالهم ده وخلاه يطلقها فورا وذهبت مع ابوها والله اكرمها بالزواج من شاب اخر ابن حلال على دين وخلق ومن عيلة محترمة عوضها عن كل شي شافته في حياتها مع هذا الواطي السافل الخاين
سيبك منه لانه ارتكب كبيرة و ذنب عظيم و لو مكنتيش بنت عمه كان عمل معاكي زي ما عمل معاها ومفيش حاجة اسمها مش قادرة استغني عنه لا هتقدري وهيجيلك فرص احسن من كده ولو مش قادرة فعلا ارمي نفسك في الجحيم بقي
هو عايزك تستحمليه وبيقولك بحبك ؟ !! ، طيب ، اذا كان كدة فعلا ليه كان بيبعد عنك ويخليكي تروحيلوه وتراضي فيه لغايط ما تتصالحوا ، ليه بعد عنك ولما جيتي تقربيلوه قالك هتعرفي في الوقت المناسب ، ايه الطريقة ديه في المعاملة ؟؟؟ !!! ، الناس الجادة من ناحيتها في بعض بتحاول في أقرب فرصة ممكنة انها تنهي أى مشكلة ما بينها !!! ديه نقطة
النقطة التانية : بيقولك عمل كل حاجة تتخيليها غلط معاها الا انه يمس شرفها ، عمل ايه يعني معلش غلط طالما لم يمس شرفها ؟؟؟ !!! ، وبعدين هيحرق دمها ازيه وهو بيقولك اني ببقا مستمتع معاها !!! ، كلام غريب أوووي
بصي من القصة كدة تمسكتي بيه أو لم تتمسكي بيه اذا ربنا مش رايد الحكاية هتحصل هتلاقي مزيد من العوائق في طريقكوا لغااااااايط ما تنقطع العلاقة تماما ، ثقي ان ربنا بيقدم كل اللي فيه الخير مهما كنتي شايفة اللي بيحصل !!!!
وفقك الله لكل ما فيه الخير يارب
بسم الله الرحمن الرحيم . بعد الصلاة على الرسول المختار . بصى يا اختى انا حاسة بيكى جدا بس الصراحة بدون عصبية او زعل انت غلطانة . ليه عشان انت يا قمر مامشتييت ورا كلام دينك ممكن تقوليلى فين ربنا من تفكيرك . طب فين حبيبك واللى هيشفع فيكى يوم القيامة واللى بيكى عشانك وقال انه مشتاق لاخواته . فينه من قلبك وفينه من تفكيرك . طب بلاش فين اسلامك وحيائك . بصى يا حبيبتى اولا : انت لازم تقطعى علاقتك ب اى ولد مش محرم ليكى . انا عارفة انو صعب وصعب جدا كمان ولكن لما تتركى حاجة بتحبيها اوى لوجه الله وعشان خايفة من عقاب ربنا ليكى . صدقينى ربنا هيكرمك اوى اوى . وعشان تعملى ده لازم تعرفى ربنا اكتر واكتر يعنى تعرفى معانى اسمائه ووتسمعى شيوخ كويسين مش اى شيخ .ثانيا بقا : لو هو بيحبك فعلا كان اتقدملك او حتى كان غار عليكى واقلك انت تكونى جوهرة فى بيتك لحد ما اجهز نفسى واتقدملك . واللى بيحصلك منه ده ممكن يكون عقاب من ربنا ليكى لان العلاقة كلها حرام . والشيطان عرف يضحك عليكى وعليه . بصى يا قمر الموضوع ده للاسف بقا شىء عادى فى العالم الاسلامى بس ربنا يهدينا ويسترنا . والكلام فيه مش هيخلص ابدا . ف انت ابعدى عنه وركزى فى حياتك خالى هدفك هو رضا الله والوصول لجنة الفردوس وبس . و احفظى نفسك لحد ما ربنا يكرمك بالعريس اللى يساعدك للوصول لرضا ربنا وتعيشى احلى عيشه معاه . بس اصبرى وادعى ربنا بالزوج والذرية الصالحة . ف لو هيموت قدام ماترجعلهوش مهما حصل عشان ربنا يحيك وعشان انت من الثانية دى سبتيه لوجه الله تعالى . وانك مش عايزة اهلك يبقى منظرهم وحش ادام الناس او اداموا هو كمان . هتحسى انها صعبة وانك عايزة تكلميه باى طريقة والشيطان ونفسك الامارة بالسوء ممكن تخليكى تعملى اى حاجة حتى لو عادية عشان تكلميه او حتى تبصى عليه . ولكن اختى القوية اللى بتحب ربنا ورسوله اكتر من نفسها مش هتضعف او تتكسر . ومهتشغل نفسها باى حاجة خير لحد ما ربنا يشيله من قلبك خالص . واوعى تنسى غض بصرك زى ما ربنا امرك . والله اعلى واعلم.
بس انا لسه بحبه ومش قادرة انساه رغم كل الى عامله عايزه ارجعله تانى واكلمه مكسورة من الى حصل بس رغم كده عيزاه لسه حسه انه لو كلمنى ف يوم هرجعله تانى مش عارفه بجد اعمل ايه المشكله انى ف الحالتين مش مرتاحه
اين عقلك من كلهذا بعد كل اللي عملتيه علشانه وطلع واحد خاين وبتاع بنات ايه منتظره منه بعد كدا بصريح العباراة ده مايستاهلكيش ولاعمره هيقدرك اويصونك ابدا انت باين عليك بنت محترمة والف من يتمناكي ياعسوله اقطع اي علاقة بهذا الواد السافل الواطي الكداب نهايئا وللابد وانسيه خالص وتاكدي ربنا بيكرمك بابن الحلال الصالح اللي يستاهلك ويسعدك في هذي الحياة