انا مش عارفة اذا كنت بحبه ولا لا بس انا منجذبة ليه من ساعت ما كنت في اعدادي وهو كان في ثانوي والمصيبة انه ابن عمي و جاب مجموع كبير بس ملحقش الكلية اللي نفسه فيها و انا بجد زعلت عليه جدا بس بطريقة ما دخل كلية خاصة وبقي مهندس بعد ما راحت منه علي نص درجة وانا قولت لنفسي لازم اشد حيلي عشان اليق بيه وياجي يتقدملي وفعلا بدا مزاكرة واخوه الكبير اتقدملي وعرفت انه طريق مسدود وانه مش من نصيبي انا رفضت عشان اسباب كتير اهمها اني مينفعش اتجوز اخوه واعيش معاه في نفس البيت ويبقي قدامي طول الوقت وانا حاسة بانجذاب نحيته و كمان عشان مرات عمي افتكرت اني قليلة واني مش هجيب مجموع و اتزليت جامد قدام اللي يسوي واللي ميسواش و اقسمت اني هزاكر واشد حيلي وزاكرت وجبت مجموع عالي ودخلت طب بشري الحمد لله وبقيت دكتورة وبقت المشكلة هنا اني كنت زمان مش هليق بالباش مهندس فامه كانت عايزة تجوزني اخوه ودلوقتي مبقاش يليق بيا و الغريبة ان عمي ومراته بيتكلمو عليا وبيقولي عايزين نخطبها للباش مهندس والكلام انتشر في كل مكان وبقت اناس تسالني هو اتقدملك ولا لا بس مش المشكلة في كده المشكلة انه نظراته ليا غريبة جدا بحس انه بيكرهني ومش طايقني ولما كان اخوه متقدملي كان كل شوية يسال اخويا عني ويقوله بتزاكر ولا مش بتزاكر ويوم نتيجتي بصلي ومكنش مصدق نفسه وحتي لما بيعدي بيبصلي باستغراب وكانه اول مرة يشوفني وعمره ما سلم عليا او كلمني في اي موضوع كل اللي بيني وبينه شوية نظرات ومعرفش مشاعره نحيتي وخايفة اصارحه واهين اهلي واصغرهم قدام الناس وكل ما بيحاول يقرب مني بابعد ولما بعتلي طلب صداقة رفضته وقولت لاخويا الكبير لاني خايفة اتعامل معاه خايفة ابص في عنيه وبقول استني لحد ما يتقدم رسمي واعترفله بس كل الناس بتحظرني منه وبتقولي ده مش من مقامك انت تستاهلي احسن من كده ارفضيه علي طول وبقيت مشوش ومبقتش عارفة اذا كان ده حب ولا كره ونفسي افهم السر وراء نظرته ليا اللي مش بتتغير ابدا ونفسي اكلمه بس مقدرش لو كنت هكلمه كنت عملت كده من خمس سنين انا نفسي افهم بس هو بيفكر في ايه نفسي حد يقولي اتصرف ازاي اقبل بيه رغم ان اخواته اللي دخلوه كلية خاصة وانهم مستعدين يجوزه كمان ولا اقبل بشروطي الا وهي اني استناه لحد ما يكون نفسه ومقلبش مساعدة من اخواته بس المشكلة ان ابويا مش هيستني عليه وهيجوزني لاول واحد مناسب ولا ارفضه زي ما الناس بتقول ولا اعمل ايه
شوفي يااختي لوكنت فعلا تحبي ابن عمك المهندس ولكنك لاتعرفي مشاعره هل هو يحبك ام لا والنظرات ليس دليلا كافيا على الحب قد تكون نظرات اعجاب فقط ليه ماتصارحيه بحقيقة مشاعرك وهتعرفي الجواب منه ممكن تبعت له رسالة على الايميل بتاعه اوعبرالواتساب فان رد عليك وصارحك بحقيقة مشاعره تجاهك فهذا هو المقصد وان لم يرد وتجاهل رسالتك فانسي امره تماما ولاعاد تفكري فيه نهايا ومسالة انو اخوه الكبير عاوز يتقدم لك فان كان على دين وخلق حميده وقدرة على تحمل اعباءالحياة الزوجية فلامانع انك تقبل الزواج منه فده ابن عمك ايضا واولى بك من اي احد ثاني ولاتفكري كونك هتعيشي معهم في بيت واحد وهتشوفي حبيبك الاول المهندس وخايفة من حصول مشاكل اواحراجات لا انت بقيت زوجة اخوه الكبير وعمره مايتعرض لك او يتكلم معك وانت ايضا لاتدع له الفرصة انو يحاول يتكلم معك او يكثر من النظرات لك اعرفي كيف تصوني حياتك الزوجية وتحافظ على شرفك وسمعتك وسمعة اهلك وعلى كرامة زوجك ومن الافضل انكم تسكنوا في بيت منفصل عن اهل زوجك وتشترط ذلك على زوجك لو عارفه انو وجود حبيبك الاول قد يجلب لكم المتاعب والمشاكل في حياتكم الزوجية وانتم في بيت واحد معا والله يكرمك بكل الخير ويسترعليكي ويصلح حالكم