السلام عليكم ورحمة الله وبركاته انا *** بنت عندي 18 سنة من مصر مشكلتي بدأت من و انا عندي 15 سنة حبيت قريبي و هو أكبر مني بسنة و عشان انا حبيته بجد حكيت لوالدتي على كل حاجة و قلتله انا مش حابة نكمل من غير ما يكون فيه حاجة رسمي عالاقل فهو كلم والده و والدته عشان يتقدمولي بس اهلي رفضوا مبدأ الحب اصلا اهلي اتربوا على جواز الصالونات معندوهمش حاجة اسمها حب و فرق السن بينهم 12 سنة فلما قعدت اتفاهم مع والدي قالي انا عارف ان هو محترم و ابن احسن الناس بس أي حد هيجي يتقدملك و عرفت انك بتحبيه مش هجوزهولك و تعبت بعديها و رحت لدكاترة نفسيين كتير و مريت بحالة اكتئاب فظيعة و احنا بعد خناقات بين اهلي و أهله قررنا أو بالأصح الدنيا كلها قررت أن احنا منكلمش بعض و فعلا حصل كده بس مش قادرة أفكر في حد غيره انصحوني لوسمحتم
انا مشكلتي زي مشكلتك بالظبط وعندي بردو ١٨ سنه بس المشكله الكبيره في ماما لان كان فيه مشاكل كتيره ما بينه وما بين ماما عشان مش موافقه عليه لدرجه انه قالي انه مش عايز امي تدخل في اي موضوع م بينا ولو حصل نصيب بردو ماتدخلش حياتنا نهائي وانا حاولت مع ماما كتيير بس هي صعبه جدا حتي اسلوبها معايا كده وبابا بتسخنه عليا بمعني اصح وحرمتني من دخوول جامعتي وعرضت عليا شرط وقالت لو اخدتيه هتخسري مستقبلك وكمان هو اللي هيبقي مسوؤل عنك في المصاريف لحد لما امه جبتله عرووسه وماوافقش عليها بسببي وانا مش عارفه ايه الحل بجد تعبت وكرهت حياتي ومن غيره بقيت بحس اني بموت وهموووت لو اتجوز حد غيري لاني بحبه اوي
شوفي يابنتي اذا كان الشاب فعلا يحبك وعلى دين وخلق ومن عيلة كويسة فلايتردد في اقناع اهلك بالموافقة عليه ولااظن اهلك يقفوا في طريق سعادتك وان اصروا على رفضهم المتكرر فكل شي قسمة ونصيب وتاكدي ان ربنا بيكرمك بخيرمنه بابن الحلال اللي يستاهلك ويقدرك ويسعدك
النسيان بيايدك انتى وقرارك انتى .. اعملى اللى يشغل تفكيرك عنه وعن حبك له لان طالما انتى مقتنعه ان معدش فى اى امل يبقي بصي لنفسك وبس