انا بنت 22 سنة بدرس فى الجامعة..حبيت زميلى فى الجامعة بس حبيته من بعيد من غير مااتكلم معاه فى الكلية عارفة انها حاجة هبلة بس دة اللى حصل و حبيته بجد و كان فى مشكله انه من بلد تانية بس انا كنت بحبه و خلاص..عملت اكونت على الفيس باسم مختلف عن اسمى و اتكلمت معاه و طلعت اللى جوايا لانى كنت بتعذب بجد من احساس انى بحب حد من طرف واحد ماكنتش عايذة اندم انى ضيعت حد حبيته مالاقيتش غير الطريقة دى..اتكلمت معاه سنه من غير مايعرف انا مين..الاول كان متضايق منى بس لما عرفنى كويس اتعلق بيا و حاول كتير يعرف انا مين رفضت لانى خجولة و لانى كنت شايفة ان غلط البنت اللى تعترف بالحب و فضلنا كدة كتير و بعدين قالى انه كلم اهله عنى و انه عايذ يتقدم و فى لحظة هبل قلتله انا مين..بعدها اعترفلى بحبه و حسسنى انه بيحبنى بجد و صدقته..الح عليا كتير اننا نقعد مع بعض و نتكلم وجها لوجه رفضت و قلتله لما تسافر و تشوف راى اهلك و انا اعرف اهلى هايوفقوا و لا لا لاننا كنا مدركين ان موضوع البلاد هايكون عائق بالنسبة للاهل و قلتله انا عايذة اول واحد اقعد معاه هو الانسان اللى هايكون ليا و احترم فيا دة..بعد فترة لقيته اتغير فجاة و قالى انا حاسس انى زعلان من نفسى و انا حاسس انى متنح و مش عارف مالى و ليه ماقلتيش انت مين من البدايه فهمت انه عايذ يبعد و انسحبت فورا..بعدها بكام يوم شفنا بعض فى امتحان فى الكلية و بعتلى و اعتذر و قالى انا كنت فاكر شكلك مش حلو بس انا زعلت برضو قالى كلام مؤثر فسامحته..رجع بعدها بكام يوم قالى انا مش عارف اتعلق بيكى و انت تستاهلى حد احسن منى و انسحبت برضو و لغيت الاكونت و قلتله انا مش هارجع الاكونت تانى ..انا تعبانه اوووى انا لسة بحبه و مش عارفة انساه و فى نفس الوقت متاثرة انه استهون بمشاعرى للدرجة دى مش عارفة اعمل ايه و مش عارفة ليه عمل كدة مع انى كنت دايما بحس انه انسان مثالى و طيب….
لاتزعلي انسيه تصرفاتك صارت عن براءة و طيبة واكيد الله رح يبعتلك شب بيستاهلك و نصيحة لاتتعرفي عشب عنت صدقي الشب يلي بيحبك هوي يلي بيخجل يحاكيكي و بيطلبك من اهلك و بيحب شكلك عطبيعتك هاد الحب الحقيقي دوري عليه رح تلاقيه بقلبك و بالواقع
عادى بتحصل كتير
منا حبيت بنت واصلا هى الى جت واعترفت بحبها وبعد متعلقت بيها سبتنى واتجوزت ولد معفن عشان معاه فلوس غنى يعنى
كل التصرفات اللي عملتيها مع الشاب غلط في غلط ومافيش بنت محترمة تعمل كده ابدا وتظني ان ده الحب تبقى هبلة وعبيطة الحب الصادق يكون عبر علاقة رسمية كالخطوبة ومن خلال معرفة ورضا الاهل وليس من خلال تعارف عبر النت اوكونه زميل في الجامعة دي تصرفات غير اخلاقية وعاوزك تهتمي بدراستك جيدا وتنسي هذا الشاب وتعرفي تصوني وتحافظ على شرفك وسمعتك وسمعة اهلك وثقتهم فيك وربنا يصلحك ويهديك ويسترها معاك