بحبها وبتحبني وعايزها والأهل بيفرقونا

في البدايه كنت قافل قلبي ورافض احب خالص لحد ما اتعرفت علي بنت صدفه علي الفيس بوك وهي اللي حبتني وانا كنت ببعدها عني بأي شكل وبكرهها في ومش عايزها تتعلق بي ولا اتعلق بحد حاولت معايا كتير جداً وقالت اعتبرني اختك (عشان تبقي جمبي) بس حسيت حبها اوي وبدأت انا كمان احبها قولتلها لا ده تعود ولازم نبعد فتره عشان نتأكد وهي موافقتش ولا يوم واحد بس عملت بلوك وبعدت فتره شهر تقريباً ورجعت كلمتها كلام عادي كان عن تنسيق وكده بس معرفش ازاي خلتني مبطلش كلام معاها ورجعنا تاني مقدرتش اعمل حاجه غير اني احبها ومهما ابعد او اعمل بلوك برجع تاني ولو كلمه واحده هتعتذرلي فيها بتجر كلام كتير وبتخليني ارجعلها ومهما يحصل مشاكل ونبعد بنرجع تاني حصلت مواقف كتير جداً صعبه اوي بالنسبالي مكانش حد واقف جمبي ساعتها غيرها هي وبس من غير ما ادخل في تفاصيل بس كل الناس كانوا شايفني حاجه وهي بس شايفاني حاجه تانيه خالص وبتدافع عني في اي موقف بس لو غلطان بتقولي اني غلط ليها نظره لي شايفاني من جوه اوي شايفه حاجات يمكن انا نفسي مش شايفها في او بحاول مبينهاش المهم اثبتتلي انها فعلاً بتحبني أكتر من نفسها واستحملت عشاني كتير واستحملت عصبيتي واساءتي ليها في بعض الأحيان وكانت بتعتذرلي لو حتي انا اللي غلطان
بعد 4 شهور كانت قالت لأمها وابوها اكتشف الموضوع وانا قولت لأهلي ووالدتي رفضت تماماً عشان النت حاولت كتير وبكل الطرق وكل الكلام ومفيش فايده بس مؤخراً مع كتير المحاولات وصلت لحل وهو ان انا اروح لوحدي اقابل ابوها واتكلم معاه واكلمه في كل حاجه وبصراحه واشوف كل حاجه علي ارض الواقع وبعدين اخويا يجي المره اللي بعدها لو وافق علي وهكذا مع العلم ان هم برضو مش موافقين بس اهو
دلوقتي ابوها رافضني بأي حال من الأحوال لأني فاضلي سنتين في الكليه ولأنه عايز شقه في قريبه منه وفي نفس المحافظه (انا عندي شقه بس بيني وبينهم ساعه وربع) يعني عايزني اخلص تعليم وجيش واشتغل وبعدين اروح انا رايح 3 كليه وهي لسه رايحه اولي وبتكلم في خطوبه او ربط كلام مش هتجوز دلوقتي يعني بس هو رافض حتي يكلمني ودلوقتي بقالنا سنه وشهرين وهم طبعاً بيمنعوا عنها اي حاجه تخليها تتواصل معايا نت موبايل اي حاجه وعايشه في جحيم وكمان بيجيبولها عرسان لما بتفتح من وراهم كل فتره بتقولي ع الجديد انا متأكد انها عمرها ما هتتجوز غيري ولا هتبيعني وعشان كده مستنيها وهستناها بس مش عارف بعد ده كله مصيرنا ايه
محتاج اي افكار او حلول فعاله عشان مش هينفع نفضل كده :\

مشاكل وحلول ذات صلة

• احب قريبى المجند في الجيش ولا اعرف شعوره
• بحبها وهي مش بتحبني وزهقت من الكلام معايا
• ماذا افعل للتخلص من الحب الاول لكى لا اظلم خطيبتى
• سمعتي تدهورت ومستقبلي الدراسي
• اتعرفنا على الفيس وبيقول انه بيحبني وناوي يخطبني
• اتبهدلت بعد ما ماما عرفت اني بحب ابن خالي
• احبه واعلم ان علاقتنا لن تنتهي بزواج