الحب على النت

الحب والشك بحبني او بتخوت

مرحبآ آنا آسمي ** فتاة ومن الآردن مشكلتي لآني جد بدي حد يساعدني ٬٬٬٬
آنا عمري هلئ ١٩ سنه وبدرس ب الجآمعةة…. لما كآن عمري ١٦ في وآحد عملي آضافه كان من منطئةة تانية (عمان) وانا كنت بكنطئة (العقبةة)
آتعرفت عليه وما كنت ماخده الموضوع بشككل جدي آول آشي بعدها حبيتو وحبني وما كنت شايفتو ولا هو شآيفني ولا حتى صورةة ضلينا نحكي ع النت وحكينا ع التلفون ل سنتين تقريبا بعدها آنا حسيت آنو هاد الاشي ما راح يزبط لآنو نت وهيكك… المهم ف مرة سارت مشكاه وسب علي حكالي (روحي آنئلعي) من وئتها عملتلو بلوك و بطلت آحكي معه بعد سنةة رجع عملي اضافه من حساب تاني وما ئبلتو و كمان عملتلو بلوك… سرئلي حسابي ع الفيس بوك و ضاف حاله وحكالي انه هو ندمان آنا حكيت آوك راح اعطيه فرصةة تآنيةة… ضلينا نحككي و اطور الوضع واجى ع منطئتنا و شافني و شفته وهو حتى اتفاجئ فيا حكالي ما توقعت تكوني حلوه ومنيحه هيكك المهم عجبتو و عجبني وكل يوم يزيد حبنا هلئ سرلنا تقريبا رجعين ٣ سنين
ئدمنا توجيهي مع بعض و خليته يدرس ونجح
بلشت مشكلتي مع الجامعةة حكااي( انا ما بدي اياكي تدرسي لانه في شباب ب الجامعه و ازا بدك تدرسي تعي ع عمان ) حكيت لاهلي واهلي ما ئبلو لانو كل العيله عنا متعلمين
وسجلوني اهلي ب الجامعه بعد الف مشكله اعملتها معهم وهو كان لما يرن ويشوفني ب الجامعه يصرخ و يسب و يحكالي ارجعي ع البيت
المشكله الاكبر هلئ بشكك كتير و بغار وما بحب احكيلو متلا انا بحب امي او متلا اخوي بحبه لانو كتير حنون علي وئتها بعصب و بسير يسب ع اهلي
وما بحب اطلع من البيت وازا طلعت بعصب وبسير بدو يرن ع اهلي و يحكلهم كل اشي و بسير يهددني ازا بتطلعي من باب البيت راح ارن ع ابوكي
انا سرت اخاف و سرت اسمع كلامو
وسرلي ٣ سنين ع هل حال ومو عارفه شو اعمل اكمل معه وله لا واي شغاه بحميلو عنها كل اشي عندو لا لا
بحكيلي الغي الفيس ما بدي يكون عندك فيس و كتير لما تسير مشاكل بسب علي مسابات مو منيحه وما بحب احكي مع صحباتي
انا جد مو عارفه شو اعمل معو وازا حكيت ع التلفون ولئاني مششغوله الا بدو اعمل مكالمه جماعيه عشان يسدئني
مرات بحس انه هو بحبني ومرات ما بعرف بحس انه بتخوت انا ضااااايعه كتيير
جد ساعدوني
وشكرااا كتيرر