الحب على النت الغير مكتمل

فيه شخص دخل كلمنى على النت على انه بنت وكان بيسالنى عن جوازى وليه متجوزتيش من كثرة الاسئلة عرفت انه مش بنت وكشفته من اول مكالمه
و سالته انت مين قالى انه واحد عايز يتقدم وطلع عارفنى كويس جدا قلتله اللى عايز يتقدم يدخل البيت من بابه مش من على النت المهم كنت جافه فكلامى معاه وهو تعب منى جدا بس دايما يقولى انا اتعلقت بيكى اوى وكان يعد يقولى كلام كويس زى لبقه فالكلام وعنديه وانا بحب الدماغ دى وكده يعنى وكان بيحلف كتير انه صادق وقالى انه دكتور ومناسب ليا بس مكنش راضى يصارحنى بشخصيتى علشان ميخسرنيش المهم من خلال كلامى مع المجهول ده اكتر من مرة على النت صدقته اوى مع انى مشفتهوش وحسيت كلامه وكنا بنشد كتير ومكنتش بسمحله انه يتجاوز حدوده معايا حتى اسمى مكنتش بسمحله انه يشيل القب المهم من كلامه عرفته هو مين هو شخص كان متقدملى من 3 سنين بس محصلش اى نصيب المهم لما واجهته نكر وقالى لا انا صاحبه ومش هو تعبت جدا بسبب ده المهم صاحبه كان سايبلى ايميله فرحت مكلماه نكر وعامنلى معامله وحشه كرهنى ف نفسى المهم لقيته فمرة بيقولى فيه ايه عايز ايه شرحتله اللى حصل وان فيه واحد صاحبه دخل كلمنى على انه هو قالى لا وغلطنى انى كلمته المهم لقيته تطرق معااي فالكلام استغربت طيب هو نكر ليه بيحكيلى كل ده عن نفسه شكيت انه هو المهم مرة فمرة كان بيكلمنى هو مش انا وف كل مرة اقولك انت المجهول يزعل ويقولى لا المهم كلمنى مايك صدفه وف الكلام عرفته انه هو المجهول اللى كان بيكلمنى حكالى عن امه واخواته وقالى انه مرتاح ومبسوط اوى وانا كنت كده بس مردتش اقوله المهم قعد يكملنى وقت طويل بس للاسف مجبش سيرة الاربتاط وانه عايز يتقدم اضايقت جدا تانى يوم اصريت انى اكلمه علشان احسم الامر لانى بطبيعتى مش بعمل شات مع شباب ومش بحب كده بالفعل كلمته وفكرته بكلامه الحلو اللى كان بيقوله رده كان قاسى اوى قالى هو انتى لسه فكراه قلته انك شخص حابب ترتبط لما لقيتنى لسه قلت ادخل اشوفها لو بتحب حد اولا واعلقها بيا وبعد كده انزل اشوفها لو امورة اكمل غير كده لا فراح قالى هو انا غلطان وقالى كمان انا هتقدم لما انزل ولو جالك اللى شيفاه مناسب وعايزة تقبليه اقبليه رديت عليه بسرعه بعد كلامه ده انت لما تحب تتجوز متفكرش فيا وقفلنا بعدها حسيت انى متعلقه بيه وعايزة اكلمه مكنش بيعبرنى خالص لدرجه انى رفضت ناس علشانه المهم تجاهله ليا قتلنى اوى على العلم هو طلع اخوصحبتى وكانوا متفقين على ده بس صحبتى كانت سلبيه ف الموضوع
المهم بعديها دخل شخص كلمنى نفس الاسلوب ف نفس الميعاد بنفس الطريق وفمرة وقع بلسانه وقال اسمه ورجع نكر بردوا بس انا مكنتش بديله اى وش خالص مرة يقولى انه هو الدكتور ومرة تانيه يقولى لا والمشكله انه قالى اكتر من اماره تؤكد انه الدكتور اضايقت فعرفت اوصل لرقمه لما رجع من السفر واتصلت بيه كان قليل الزوق معايا بس انا مش بحب الف والدوران وكنت عايزة اعرف هو عايز ايه منى وليه بيعمل معايا كده نكر كل حاجه وقفلت معاه الفون واكتئبت فتره بسببه عملت اجنور للشخص التانى ومبقتش بكلم اى حد خالص انا بطرح المشكله علشان عايزة اعرف هو ليه عمل معايا كده انا مكنتش اعرفه اصلا ولا اذيته ليه دخل اذانى وليه عالمنى المعامله دى وليه طلع كداب ليه مثل الحب عليا طالما مش عايزنى ليه وليه على العلم بقاله 3 شهور من رجوعه من السفر ولسه عازب انا عايزة اعرف انا غلط والا ايه انا بدعى ربنا انه لو فيه الخير ليا يجى لانى مرتحاله اوى اوى بس هو مجاش يارب تفيدونى

مشاكل وحلول ذات صلة

• حاسة دلوقتى انى رخيصة ومنافقة
• حبتنى من غير ما أقصد
• هل حبنا ممكن ام مستحيل ؟
• بحب شاب من النت ومحتارة
• عادي نكون بنحب بعض ونتخانق ولا احنا مش متفاهمين
• خايفة من اخرة الحب والارتباط على النت
• متزوج و احب التغيير ولا اكتفي بواحدة