انا من زمان عندى مشاكل فى البيت اتربيت فى بيت جواه مشاكل بين اب شكاك وأم عنيده وراسها فى السما انا اصغر اخواتى تقريبا ماليش شخصيه بينهم عندى مشكله فى الثقه بالنفس لو حد بصلى بس مجرد نظره بقول انا عملت ايه مع انى متفوقه دراسيا وحاليا بعمل ماجستير ………. المهم علشان مش اطول عليكم انا كنت فى تانيه كليه اتعرف على واحد عن طريق النت اتكلمنا كان بالنسبالى طوق نجاه امل حلم كان نفسى اعيشه هو عمره ما عبرلى بحبه ولا وعدنى بحاجه الحقيقه كنت بحكيله عن كل فى حياتى كان نفسى ادخله جوه حياتى علشان اخرج من حياتى اللى عايشه او يغيرهالى طلب يشوفنى خرجت معااه واول مره طلب يمسك ايدى رفضت رجعت يومها واكنه كان يوم فرحى لدرجه انى كنت برتب لليوم ده قبلها بزمن …. فى يوم قالى انه تعبان قلقت عليه جدا وقولتله انا جايلك قالى لا متجيش قولتله لاجايه ةوفعلا روحت روحت كمان لانى كنت مخنوقه ونفسى اخرج لان كان فى مشكله بين امى وابى واقفه ع الطلاق روحتله بس المره دى روحتله البيت لانه كان تعبان هو عايش لوحده لكن للاسف يومها حضنى وباسنى اول ما عمل كده انا اغمى عليا ساعتها لانى كنت خايفه من ربنا انا كنت فاكره انى هقدر احمى نفسى ومكنتش متوقعه اصلا اى حاجه هو يعملها لانى بيحبنى فوقنى من الاغماء وطلبت منه ساعته انى اروووح على طول روحت وكان اسود يوم فى حيااتى مقدرتش انام ولا احكى لحد اول مره احكى دلوقتى اتقدملى عريس اتصلت بيه وقولتله قالى انا متجوز ومينفعش اسيب مراتى اهربى انتى وسيبى اهلك قفلنا وكنت بعيط عياط انهيار ورفضت العريس وبرفض اى عريس يتقدملى مش علشان بحب الانسان ده لا علشان مش عايزه اظلم اى انسان معايا بكمل تعليمى وبصلى وبتقرب لربنا اكتر وباستغفر اكتر من مره ……انا تعبانه جدا من الموضوع ده لانى مش عارفه احكى لحد سر هيتقلنى لمده اكتر من 6 سنين كتامه جوايا حسا انى ظلمت اهلى وعلى النقيض الاخر بفكر انتقم منه بس انا للاسف لسا بحبه حبــه هو اللى بيمنعى انى انتقم …. بلاش اسلوب التهكم بالله عليكم انا مخنوقه وبعيط كل يوم بالليل من كده
لاحول ولاقوة الابالله العلي العظيم ايه اللي عملتيه في روحك يابنت الناس هروبك من جحيم المشاكل مع اهلك اوقعك في طريق المحرمات والمعاصي بتعرفك على ذلك الشاب من خلال النت وتوهمت انو يحبك ويعوضك عن الحب والحرمان اللي عشتيه مع اهلك وهو قدر يضحك عليك ويغويك والمصيبة انك روحت له برجليك الى البيت ومش عارفه انه ماخلا رجل باامراة الاكان الشيطان ثالثهما واستطاع الحيوان السافل الواطي ان يعتدي عليك ويسلبك شرفك وطلع متجوز ولاعايز يصلح غلطته ويتقدم لااهلك ويتزوجك ويسترعليك اول حاجة لازم تعمليها تتوبي لربك توبة صادقة وتستغفريه مع الندم على ماحصل منك مع عدم الرجوع اليه والله هو الغفور الرحيم يقبل توبة عباده المذنبين وارحم بك من كل البشر ولن يفضحك الله طالما انك توبت اليه وندمت على ماحصل منك وطوال 6سنوات ونت على الحالة دية حرام عليك يابنت الناس فكري في مصلحتك وعيش حياتك وتزوجي ولعاد تفكري في الماضي ارميه وراء ظهرك واحمدي الله انو ماحصلش لك حمل من تلك العلاقة المحرمة وربنا يصلح حالك ويسترعليك ويكرمك بابن الحلال الصالح اللي يستاهلك ويقدرمشاعرك ويصونها ويسعدك طوال العمر