انا بنت عندي 22 سنة متخرجة من سنتين من عائلة متدينة ومفهوم الحب عندي هو الجواز
والعرسان بيتقدموا لي عن طريق جواز الصالونات بس
طبعا عندي اكونت علي الفيس كل اصحابي بنات وبالغلط ضفت ولد علي الفيس بوك نسميه (م) متخرج من نفس الكلية واكبر مني ب3سنيين وبيشتغل مدرس
المهم هو بدا يتكلم معايا واول الكلام كان هاي مساء الجمال انا شفت الرسالة رحت حذفه من الاصدقاء
(م) بعتلي قالي ليه عملتي كده انا انسان محترم ومتدين قولت خلاص ارجعه ورجعت ضفته تاني
المهم حكالي عن حياته وكل شوية يقولي انت سكر حاسس كاني اعرفك من زمان وكلام من ده وانا برضه كنت بكلمه بس بتحفظ
المهم كان بيجيلي عرسان الفترة دي واتخطبت وبعتلوه اقولوه اني حتخطب ومش حفتح غير يوم الجمعة قالي الفيس وحش من غيرك وانا كمان مش حفتح لغاية لما تفتحي وانا والله وكتاب الله كنت حطلب اني اخطبك فانا ضحكت وقولت انت حتي مشفتنيش (م) قالي اصل انا مرتاحلك
المهم ولا همني الكلام ده واتخطبت عاديو أول ما تخطبت حذفته من الاصدقاء واعترت لو كلمته دي خيانة لخطيبي
و(م) قالي ليه عملتي كده ورجعي الاضافة بس انااا رفضت وقولتلو عشا ن مصلحتك ومصلحتي وبعتلي اضافات كتير بس انا كنت ثابتة علي موقفي ومردتيش عليه وغير صورت البروفيل مغلق لحين تحسن الحالة النفسية وانا قولت ده بيسطعبت
واتخطبت 6 شهور ومحصليش نصيب واتفسخت الخطوبة
المهم كنت قعدة علي الفيس وقولت من رجع صداقة (م) وفرح اوي وبعتلي ورد وقلوب وقالي مش مصدق نفسي وكلام من ده
ورجع الكلام تاني وكان كلام كله ضحك وهزار وكان يصبح عليا كل يوم وبعدين رجع يلمح بالجواز تاني ويقولي انا حاسس ان ماماتك حتبقي زي ماما علما بان (مامته متوفية) ونفسي ارجع اقول ماما تاني وكل يوم يسالني عليها وعلي اخواتي
وقولت لماما في شاب بكلمه وبيلمح بالجواز ماما قالتلي طب ماشي شوفي اخره الموضوع ايه
المهم كنت بقول ل(م) نفسي اعرف هل شخصيتك علي الفيس هي نفس شخحصيتك علي الحقيقة قالي (م) اه والله ولما تشوفني حتعرفي كده
المهم في صديقة من اصدقاء (م) اسمها سوسو بعتتلي اضافة وانا قبلت
سوسو دي متخرجة من نفس الكلية متجوزة ومخلفة بنت انا برضه معرفهيش غير علي الفيس
كانت ليها نفس اسلوب كلام شخصية (م) فسألتها في يوم انتي تعرفي شخصية (م) قالتلي اه اعرفه شخصيا كان معايا في الكلية وجارنا وساعات بيزورنا
وهو محترم وشكرت فيه جدا واقعدت تدرديش معابا وقالتلي لو عايزني اكلملك بابا واقولو انا عندي عروسة ل (م) قولتلها هو اصلا ملمحلي علي الجواز قالتلي ده صادق والله وهو مش بيعمل كده مع اي حد
المهم انا كنت بقوله في مرة والله نفس اتعرف علي شخصيتك في الحقيقة قالي(م) وانا والله بس مش قادر اقولها لتزعلي
المهم قالي وانا بعدي علي محافظتك حقابلك انتي ومامتك قولتلو ماشي
المهم ماما قالت لألألألألأ
الي عايزك يجيلك البيت وانا قولتلو كده(م) وهو وافق
المهم كل شوية طب حتيجي امتي يقولي قريب ان شاء الله
ويقعد يتكلم ب6 ساعات وبدا يدخل في كلام الحب واحلام عن مستقبلنا وانا قولت يمكن خطوبتي اتفسخت عشان (م) هو فعلا نصيبي المهم حصل مشاكل بسبب كلام الحب ده عشان الكلام وصل لاخويا واقفلي الجهاز وانا كنت بدخل نت من الموبيل وابعتلو رسايل و(م) قالي حستحمل اليومين دول وحتصل بيكي قريب عشان نحدد معاد للمقابلة
وقالي انا مش حتخلي عتك وكلام من ده( علما بان انا اديته رقم تليفوني لكن مش معايا اي تليفون ولا عنوان ليه)
المهم احنا كنا مسافرين اسكندرية وهو من ابناء اسكندرية قولت استغل الفرصة دي واقوله تعال قابلني (انا وماما وبابا) وهو وافق نيجي نطلب منه ان يديني رقم تليفونه يقولي انا حالفت والله لما نتقابل حديهولك قولت ماشي
جيه يوم المقابلة واحنا كنا مسافرين وبعدين كالعادة صبح عليا علي الفيس وقالي انا مبسوط عشان حشوفك لكن مش عارف ليه قلبي مئبوض وعايز افرح ومش عارف
انا قولت يمكن من المقابلة و(م) قالي حجيلك انا واختي وسوسو جارته
المهم سافرنا نستني يتصل مفيش
يوم الاربعاء / انه يتصل مفيش
يوم الخميس / افتح الفييس القي سوسو حطت منشور بوفاة الشخصية (م) وانتقل الي رحمة الله تعالي المرحوم (م) نتيجة لحادث اليم
يالهوي
وانا اعيط وصدقت والله
يوم الجمعة/ وحد بس اللي علق علي الخبر وكاتب انه طيب وابن موت وانه كان حيتقدم لعروسة اليوم ده
ااه عرف منيين الشخص ده وانا اكتب فين العنوان عشان اعزي القيه كاتب عنوان مختصر جدا لايقيد بشيء
يوم السبت/ شخص اخر معلق انا حجيلك يا سوسو نعزي اخته وبابه
انا بعتلو رسالة علي الخاص اقوله عايز رقم تليفونك عشان اعرف مكان العزي فعلا كتبلي رقم بس قالي قدام مستشفي (س) بس مش فاكر رقم العمارة مفدنيش بحاجة فسالت انت تعرف سوسو قالي اه قولتلو عايز رقمها قالي مش معايا بس لما اروحلها حخليها تتصل بيكي
يوم الاحد/ بفتح الفيس القي ان شخص (م) يلعب لعبة الاهرامات الان وسوسو كمان بتلعب قولت يبقوا كانو بيلعبو عليا
المهم بعت رسالة لسوسو بقولها ليه عملتي كده انتي وهو وانا مش مهم عندي الجواز وان ربنا حينتقم منكوا
فبعتتلي سوسو رسالة قالتلي والله مات وعند ربنا وتلقيها اخته هي اللي بتلعب وحلفت حلفنات الدنيا كلها وقالت انا اه بفتح وبلعب واقفل تاني وقالت وحياة بنتي وما اوعي اربيها ان (م) مات وادعيلو برحمه
اقولها اديني رقم تليفونك تقولي انا خايفة نتعارك و نشد في الكلام وطالما مفيش ثقة انا مش حتصل بيكي
اقولها انا مش بتاعة مشاكل عايز اعرف ايه اللي حصل بس ولو المكالمة معجبتكيش اقفلي السكة
طب هل هو كذاب ولا لأ؟
هل هي لعبة وهو متفق مع سوسو؟
طب اخته (اولي ثانوي)حتلعب بعد 3 ايام من وفاة اخوها الوحيد؟
وليه اتنيين بس اللي علقوه علي موته علي الفيس؟
انا بابا وماما بيقولو ده كان كذاب انتو رايكو ايه؟
وهوفي حد يحلف بالله كذب ويدعي علي بنته ولا هي اصلا شخصيا كذابة؟ وفي حد حيموت نفسه عشان يهرب من مقابلة ؟
الحب على النت
هل هو كذاب ام صادق؟
اضيف بتاريخ: Wednesday, February 28th, 2018 في 20:46
كلمات مشاكل وحلول: الحب, الفيس بوك, الكلية, النت, بنات, بنت, شاب
عايز اقولك على طريقة تعرفي من خلالها حقيقة الشاب ده -م- وكمان البنت دي المدعوة -سوسو- انت بتقولي انهم من نفس الكلية اللي درست فيها وتخوجوا قبلك مش كده وطبعا بتكون اسماءهم موجودة في الكلية دي وهتقدري تعرفيهم وتستدلي كمان على عنوانيهم وارقام تليفوناتهم من خلال الكلية بس ده عاوز له واسطة ومش بالسهل ادارة الجامعة او الكلية يعطوك اسماء وعنوان طالب او طالبة كانوا يدرسون فيها الا من خلال شخصية كبيرة تكون في ادارة التعليم او الوزارة لانو ربما الاسماء اللي تعرفيها عنهم ليست اسماءهم الحقيقية وانما اسماء الشهرة هل باستطاعتك معرفة اسماءهم الحقيقية سوا كان الشاب م او الفتاة سوسو لانك وقعت ضحية لاستغلال ناس معدومي الشرف والكرامة والاخلاق من خلال النت وكلهذة الحيل والالعايب والخداع بيحصل لكثيرا من الناس عبر الانترنت وانتشرت في زمننا هذا للاسف الشديد واسبابها كثيرة لايمكن نلخصها لك في عجالة منها ضعف الوازع الديني وسوء التربية والانحراف و فراغ الوقت و الشعور بالغيرة والحقد والحسد على الاخرين و الابتزاز والمكر والخديعة للاخرين و تسلية بمشاعر وعواطف الاخرين عايزك تحمدي الله انه سلمك من شرهم ومصايبهم ولم تتورط معهم في شي وتنسي كل ماحدث لك وتكثري من الدعاء عليهم وفوضي امرك لله عزوجل فيهم فهو القادر على ان ينتقم لك منهم ويرد كيدهم في نحورهم ويفضحهم عما قريب ان شاء الله
شوفي يابنت الناس قرات قصتك كاملة وتاثرت جدا لما حصل لك وانت فتاة طيبة ومحترمة وباين عليك بنت ناس محترمين ومالك اي خبرة في الحياة وعلى نياتك تماما وطيبة جدا وهذا اللي اوقعك في الخطا انت ضحية لواحد سافل وكداب وبلادين ولاخلاق المدعو – م- هذا الشخص اللي تعرفت عليه من الفيس بوك واستغل طيبتك كونك فتاة شابة رقيقة المشاعر والاحسايس واستطاع بدهاؤه ومكره وخبثه ان يوقعك في شباكه ويرسم عليك دور الحبيب العاشق المتيم الولهان بك منذ سمع صوتك لاول مرة وانت صدقتيه واعجبت بكلامه المعسول والرومنسي حتى عندما اخبرتيه انك اتخطبت لشخص اخر تظاهر لك هذا الكذاب اللعين بانه يتمنى لك السعادة منكل قلبه وماصدق على الله انك رجعت له بعدما فسخت خطوبتك السابقة وزاد في ايهامك بالحب الكاذب وانه لايقدر ان يستغني عنك حتى تتعلقي به اكثر من الاول وتطمني له واستطاع هذا الوغد السافل ان يسلبك كل العقل والتفكير ويخليك طوع امره وعندما طلبتي منه ان يتقدم لك ويخطبك من اهلك صار يختلق الاعذار الكاذبة والحجج الزايفة ويتهرب منك ولاعطاك رقم تليفونه ان كان جاد وصادق في الارتباط بك يريد اللعب باعصابك ياحلوه وتمضية الوقت في التسلية معك والمصيبة الكبرى ان المراة اللي اسمها – سوسو- اتصلت عليك عبر الفيس بوك مين اعطاها ايميلك ليه ماسالت نفسك منين تعرفك وايه اللي خلاها تعرف انك تعرف الشخص -م- وعلى تواصل معاه هذة النقطة فاتتك ياعزيزتي وماخذت بالك منها على الاطلاق ولكن عايز جاوبك عليها ان دي الفتاة -سوسو- تبقا زوجته دي الحقيقة التي لازم تعرفيها ولاتستغربي ابدا فكل القواسم مشتركة بينهما في التفكير والكلام مثلما قلت واستغلوك هما الاثنان لاجل الايقاع بك وابتزازك والنيل من شرفكي وسمعتكي وسمعة اهلكي هو شخص ساقط وواطي وهي نفس الشي وحكاية الكذبة انهما قالولك انه مات وحصلت له حادثة ومن الكلام الفارغ ده لانهم عرفوا ان لعبتهم انكشفت وظهرت ريحتهم القذرة وماعرفوش ياخذوا منك حاجة مثلما كانوا يتمالون ولاجل تبعدي عنهم وماتعرفيش حقيقتهم القذرة اتمنى انك استوعبت الدرس واتضحت لك الصورة الحقيقة لهولاء الاوغاد الشياطين وربنا يحبك علشان فضحهم لك قبل ماتتورط معاهم في شي او ينالوا منك عايزك تعمل هكر على صفحاتهم عبر الفيس بوك وتقطع علاقتك بهم نهايا وللابد والافضل تغيري رقمك وايمليك وحسابك على الفيس بوك لرقم اخر ولاعاد تثق في احد من خلال النت والله يسترعليكي وبؤفقكي ويكرمكي بابن الحلال الصالح اللي يستاهلكي ويسعدكي طوال العمر تحياتي لكي