السلام عليكم ورحمة الله وبركاته
محتاجة نصيحة كل اخت الله يباركلكو انا اتعرفت على شاب فى الشات وزى مانتوا عارفين طلب اميلى وبعد شوية طلب رقمى وبعدين بقى يكلمنى كتير اوى وكان بيقولى انا لقيت قدامى بنت مؤدبة وبجد حبيتك وشوية شوية قلى اجى اتقدملك بس ظروفى متسمحليش فانا قولتلو انا لسه صغيرة ومخلصتش دراستى قالى طب تمام وانا كمان لسه 5شهور واخلص جيش وكام سنة اسافر اشتغل وارجع اطلب ايديك وانا بصراحة ارتحتلوا ولقيتوا شاب اخلاق بجد ده حتى عامللو حساب فى موقع من المواقع وادانى الباسورد بتاعو ودخلت وشوفت حاجات بسم الله ما شاء الله كلام عن الدين وادعية واحاديث وبصراحة اعجبت اوى بالكلام اللى هو كاتبه وحتى كلامه متدين كده وبصراحة ارتحتلو بس برده محتارة اوى ومحتاجة نصيحة من اخوتى واخواتى محتجاها بجد على علم اننا لحد دلوقتى مشوفناش بعض بس هو قالى انو هاوريلى صورتو لما ينزل اجازة من الجيش وقالى ان شكلوا مش قوى وبيقول انه اتعرض لحدثة وهو صغير فغيرت شوية من شكله وانا والله محتارة بس كلامه معايا حاسه انه نابع من جوه قلبو وصادق
الحب على النت
حبيته وحاسة انه صادق لكن محتارة
اضيف بتاريخ: Monday, March 12th, 2018 في 02:19
كلمات مشاكل وحلول: الحب, بنت, حب, شاب, شات
